7
Taituwa Men Kwanibabatiyih
(Luke 6.37-38, 41-42)
Rom 2.1; 1Cor 4.5; Jas 4.11-12 “Taituwa hai kakafin men ina’itin inibibatiyih, God boro nibatiyi. Mak 4.24Anayabin God boro ef ta’imon taituwa ibibatiyih na’atube, o boro nibatiy, naatu fufun ta’imon taituwa ifufufunihimaim, o boro nafufuni.
“Aisim taituwa matah mutusukwar i’itin kikin ku’o naatu o mata ahay gagamin yi ebatabat men kui’itin. O taituwa isan boro mi’itube awa fariniwa’an inao, ‘Aro nekuna mata mutusukwar abosair.’ Naatu baise o mar etei i matan ahay yi ebatabat. Wanawan rerekabih, mat o taiyuw mata a’ahay ina’uy, saise boro inanuw gewas taituwa matan ana ahay ina’uy.
“Abisa kakafiyin men haru aninamih kwanitih, boro hinatatabir hinayubi. Naatu a nugunug men for nahimaim kwanarub nare, boro tafan hinayen hinawasu’uru’um.
Fefeyan, Nuwet, Roukikitar
(Luke 11.9-13)
Mak 11.24; Jn 14.13; 15.7; 16.23-24 “Inafefeyan boro inab, inanuwet boro inatita’ur, naatu inarukikitar etawan boro isa nabotawiy. 1Jn 3.22; 5.14-15Anayabin orot yait efefeyan boro nab, orot yait enunuwet boro natita’ur naatu orot yait erurukikitar etawan boro isan nabotawiy.
“O yait natu, wahimih fefeyan kabay ibai itin ean? 10 Na’atube siyamih rererey kok ibai itin ean? 11  Jas 1.17En baise Kwa i bowabow kakafih sinafuyah, baise kwaso’ob natunat boro siwar gewasih kwanitih, imih Tamat maramaim i ma tainin erubirub orot yait efefeyan boro siwar gewasin nitin. 12  Mat 22.39-40; Luk 6.31; Rom 13.8-10Imih sawar etei taituwa isah inabow, o kukok isa tebowabow na’atube, anayabin Moses ana ofafar naatu dinab oro’orot hai bai’obaiyen an anababatun i iti’imaim ku’ay inu’in.
Ef Awan Kukurin
(Luke 13.24)
13 “Etawan awan kukurinamaim kwanarun kwan, anayabin etawan awan gagamin, naatu ef awan hahabin inarun inanan yomaninamaim i gurugurusen ema’am naatu sabuw moumurih na’in imaim tenan. 14 Baise etawan awan kukurin naatu ef awan tuwafutin inarun inanan yomaninamaim i yawas ema’am, naatu sabuw matan ta’amo imaim tenan.
Dinab Kakafih Ana Baimatnuwen
(Luke 6.43-44)
15  Mat 24.24; Act 20.29; 2Pit 2.1 “Mata to niwa’an dinab baifufuwenayah hinanan kwana’itih, anayabin hinanan ufuhine ana itinin boro sheep na’atube, baise dogoroh wanawanan ana itinin i haru tuwetuwenih.* fox 16  Gal 5.19-22; Jas 3.12Hai bowabowamaim boro kwana’inanih, agor ro’on boro men kiw tafanamaim inima’ub, naatu wanob ro’on boro men kiw tafanamaim inima’ub? grape naatu fig ro’oro’oh i murab afamagamagar kiw. 17 Ai gewasin boro niw gewas, baise ai wanawanan kour nabiw ro’on boro nukunukuwin. 18 Ai gewasin boro men ro’on nukunukuwin nayai, na’atube ai kakafin boro men ro’on gewasin nayai. 19  Mat 3.10; Luk 3.9; Jn 15.6Ai menatan men ebiw gewas boro natar nare nab nan wairaf wan nayara’ah na’arah. 20  Mat 12.33Imih dinab baifufuwenayah boro hai bowabowamaim kwana’inanih.
Ayu Men Aso’ob Kwa Iyab
(Luke 13.25-27)
21  Luk 6.46; Jas 1.25 “Men sabuw etei ayu wabu hisu’ub teo, ‘Regah, Regah’ boro mar ana aiwobomaim hinarun, baise sabuw iyabowat ayu Tamai ana kok tisisinafuwat boro hinarun. 22 Baibatebat ana veya nanan, sabuw moumurih na’in boro hinao, Regah, Regah, o wabimaim aki tur abai aorereb, o wabimaim aki demon kakafih anunih hibihir, naatu o wabimaim aki ina’inan moumurih na’in asinaf. 23  Psa 6.8; 2Tim 2.19Imaibo ayu boro anauwih anao, Ayu men aso’ob kwa iyab. Biyau’umaim kwatit sa’ab kwan, bowabow kakafih sinafuyah.
Orot Rou’ab Bar Wowabayah
(Luke 6.47-49)
24 “Isan imih orot yait au tur nowar ebobosiyasiyar, sinafumaim yai ebi’a’it i orot not wairafin ana bar to tafan wowab batabat na’atube. 25 Taun gagamin yar, harew tit, naatu wowog tit bar babin, baise bar men ufar re’emih, anayabin bar ana bubu an i to wanawanan rouw re wowab. 26 Baise orot yait au tur nowar naatu men ebobosiyasiyar, i orot aurin not en bar ana bubu dones yan rouw wowowab na’atube. 27 Taun yar, harew tit, naatu wowog babin, bar babinakouw, naatu nati bar re’ere i ra’iy tagurugurus sawar.”
Jesu Ana Fair
28 Jesu iti tur eo in sasawar ufunamaim, sabuw rou’ay gagamin na’in Jesu binan hinonowar isan hifofofor men kafaita. 29  Mak 1.22; Luk 4.32Anayabin bi’obaiyih ana itinin i roubabaruwen ana fair isan ma’am na’atube, men Ofafar Bai’obaiyenayah na’atube’emih.

7.1: Rom 2.1; 1Cor 4.5; Jas 4.11-12

7.2: Mak 4.24

7.7: Mak 11.24; Jn 14.13; 15.7; 16.23-24

7.8: 1Jn 3.22; 5.14-15

7.11: Jas 1.17

7.12: Mat 22.39-40; Luk 6.31; Rom 13.8-10

7.15: Mat 24.24; Act 20.29; 2Pit 2.1

*7.15: fox

7.16: Gal 5.19-22; Jas 3.12

7.16: grape naatu fig ro’oro’oh i murab afamagamagar kiw.

7.19: Mat 3.10; Luk 3.9; Jn 15.6

7.20: Mat 12.33

7.21: Luk 6.46; Jas 1.25

7.23: Psa 6.8; 2Tim 2.19

7.24: sinafumaim yai ebi’a’it

7.29: Mak 1.22; Luk 4.32