12
Yawas Boubun Keriso’omaim
Rom 6.11, 13; 1Pet 2.5Isan imih taituwau, God ana kabeber ai’itin i ra’at kwanekwan, imih abifefeyani, kwa biya yawasin i kwanaya’asair God ana siboromih kwanitin. Nati sibor i kakafiyin naatu God ana yasisir, anayabin nati i ayubit ana kwafiren ef anababatun. Men tafaram ana yawasamaim nabonawiyi, baise God kwanifefeyan a not tutufin etei nabotabir niboubun. Imaibo kwa i karam God ana kok abisa boro kwanafufun gewas, i ana gewasin, ana yasisir naatu ana kok uhewbitan boro kwanaso’ob.
1Cor 12.11; Eph 4.7; Php 2.3Manaw kabeber God ayu bitu imaim kwa au’uwi. Men taiyuw a notamaim nabora’ahi me’at, baise a not narumutufur gewas kwa a baitumatum God bit anafofonin imaim kwanabatkikin. 1Cor 12.12, 27Biyat i sawar maumurih na’in baina ikokofan wowab biyat matar. Naatu biyat wanawanan ana wowab ta ta i bowabow ta ta tebowabow. It i moumurit na’in, baise Keriso’one it etei tana biyat ta’imon matar. Naatu ta’ita’imon ikokofanit tana biyat ta’imon tutufin matar. 1Cor 12.4-11; 1Pet 4.10-11Isan imih manaw kabeberamaim ata siwar ta ta tabow. O ta a siwar God ana tur orereb isan na’at, a baitumatum ana fofoninamaim inabat inaorerereb. God ana bowabow isan nabit na’at inabow, bai’obaiyen isan na’at ini’obaibiyen. Koufair na’at, sabuw koufair nitih, bosemorayan na’at, ereyasisir nabosemor, bonawiyenayan na’at, na’abar totofar sabuw nabonawiyih, kabeberayan na’at, erekawasa isah nasinaf.
Yabow i turobe’emaim iniyabow, abistan kakafih inarukouw, naatu abisa gewasih inabukikin. 10  1Pet 1.22Kirisiyan ana yabowamaim taituwa isah iniyabow, naatu taituwa bairi nena kwanikakafbonen. 11 Sunanub kwanabow men kwananokow, Regah isan dogor tutufin etei yoyobanamaim kwanabow. 12  1Th 5.16-18Ereyasisir nuhi nafot kwanama, bai’akir ana veya yatenanub naatu mar etei kwanisnubanub kwanayoyoban. 13  Hib 13.2Kirisiyan sabuw iyab tibi’akir kwanibaisih, naatu a etawan kwanabotawiy nanawan sabuw isah.
14  Mat 5.44; 1Cor 4.12Sabuw iyab hirab tibia’akiri, God kwanifefeyan nigegewasinih, men nararafihimih 15 Sabuw iyab tibiyasisir bairi kwaniyasisir, naatu sabuw iyab tibiyababan bairi kwaniyababan. 16  Pro 3.7Kou’ayomaim a not etei ta’imon taituwa kwananuhih bairi kwanibit abar kwanama. Men kwa akis notanotayah kwanarouw kwanaora’ara’at taituwa kwanitaiyih. Baise taiyuw kwanayariyi bairi anafofonin kwanaremor, men o akis not wairafi inarouw inao.
17  1Th 5.15Sabuw o isa kakafin hinasisinaf, men wan inay kakafin isah inasinafumih. Baise yate nanub abisa gewasin sabuw etei matahimaim inasinaf. 18 Asinafumaim sawar etei gewasih inasinaf, saise sabuw bairi tufuwamaim kwanama. 19  Deu 32.35; Mat 5.39Men kafa’imo isa kakafin hinasisinaf isan sa bowamih inanot, baise nati efan inihamiy God ana yaso’ar boro i sa nabow. Anayabin Buk Atamaninamaim iti hikirum, “Ayu boro wan anay, Regah iti na’atube eorereb.” 20  Pro 25.21-22; Mat 5.44Naatu Bukamaim iban eo maiye,
“A rakit orot bayumih namomorob na’at inituw, harewamih sikan namamamah na’at,
harew initin natom, iti na’atube inasisinaf
a rakit orot dogoron wanawanan boro biya’ohow na’arah auman naremor.
21 Kakafin men nawasbunimih, baise gewasin inasinaf imaim kakafin inawasabun.”

12.1: Rom 6.11, 13; 1Pet 2.5

12.3: 1Cor 12.11; Eph 4.7; Php 2.3

12.4: 1Cor 12.12, 27

12.6: 1Cor 12.4-11; 1Pet 4.10-11

12.10: 1Pet 1.22

12.12: 1Th 5.16-18

12.13: Hib 13.2

12.14: Mat 5.44; 1Cor 4.12

12.16: Pro 3.7

12.17: 1Th 5.15

12.19: Deu 32.35; Mat 5.39

12.20: Pro 25.21-22; Mat 5.44