2
A umana natu i Israel
(Vuna 35:22-26)
Go diat a umana natu i Israel, a umana tutana: Ruben, Simeon, Levi, Iuda, Isakar, Sebulun, Dan, Iosep, Beniamin, Naptali, Gad, ma Aser.
A umana bul mur tai Iuda
A umana natu i Iuda: Er, Onan, ma Sela; i ga vangala go ra utul a bul tutana tai Bat-Sua ra vavina Kanaan. Ma Er, ra luaina natu i Iuda, i ga kaina ta ra luaina mata i ra Luluai, ma i ga doka. Ma Tamar kakuna i ga kap bala pirana, ma i ga kava Peres ma Sera. A ilima diat a umana natu i Iuda. A ura natu i Peres go dir: Kesron ma Kamul. Ma ra umana natu i Sera go diat: Simri, Etan, Eman, Kalkol, ma Dara; a ilima diat par. A natu i Karmi: Akan, nina i ga vakaina Israel ba i ga long pa ra magit i gomgom. A natu i Etan: Asaria. Ma Kesron i ga vangala go ra umana bul tutana: Ieramel, Ram, ma Kelubai.
10 Ma Ram i ga vangala Aminadab, ma Aminadab i ga vangala Nason ra luluai kai ra tarai Iuda, 11 ma Nason i ga vangala Salma, ma Salma i ga vangala Boas, 12 ma Boas i ga vangala Obed, ma Obed i ga vangala Iese; 13 ma Iese i ga vangala kana luaina bul tutana Eliab, a vauruana Abinadab, a vautuluna Simea, 14 a vaivatina Netanel, a vailimana Radai, 15 a valaptikaina Osem, a valavuruana David; 16 a ura tai diat go dir, Seruia ma Abigail. A utul a natu i Seruia go dital: Abisai, Ioab, ma Asael. 17 Ma Abigail i ga kava Amasa, ma Ieter ra te Ismael ia ra tama i Amasa.
18 Ma Kaleb natu i Kesron i ga vangala ra utul a bul tutana tai kana ura vavina Asuba ma Ieriot, go dital: Ieser, Sobab, ma Ardon. 19 Ma Asuba i ga mat, ma Kaleb i ga ben pa Eprata nina i ga kava tar Kur tana. 20 Ma Kur i ga vangala Uri, ma Uri i ga vangala Besalel. 21 Ba Kesron i ga laun vue laptikai na vinun na kilala i ga ben pa ra natu i Makir a tama i Gilead. ma i ga kap bala pirana, ma i ga kava Segub. 22 Ma Segub i ga vangala Iair nina i ga kure ra ura vinun ma a utul a pia na pal ta ra langun Gilead. 23 Ma Gesur ma Aram dir ga kale pa Kavot-Iair ma Kenat ma ra laptikai na vinun na gunan dia ga ki ta dir. Go diat par ra umana bul mur tai Makir ra tama i Gilead.
24 Ma ba Kesron i ga tar mat aina Kaleb-Eprata, Abia ra taulai kai Kesron i ga kava Asur ra tama i Tekoa.
25 Ma go diat ra umana natu i Ieramel ra luaina natu i Kesron: Ram a luaina, namur Buna, Oren, Osem, ma Akia. 26 Ma tika na taulai bula kai Ieramel, a iangina Atara; ia ra tina i Onam. 27 Go dital a utul a natu i Ram a luaina natu i Ieramel: Mas, Iamin, ma Eker. 28 Ma ra ura natu i Onam go dir: Samai ma Iada; ma ra ura natu i Samai go dir: Nadab ma Abisur. 29 Ma Abiail ia ra iang i ra taulai kai Abisur; ma i ga kava tar Aban ma Molid tana. 30 Ma ra ura natu i Nadab go dir: Seled ma Apaim; Seled i ga mat ma pa i ga vangala ta bul. 31 A natu i Apaim: Isi. Ma ra natu i Isi: Sesan. Ma ra natu i Sesan: Alai. 32 Ma ra ura natu i Iada tura i Samai go dir: Ieter ma Ionatan; ma Ieter i ga mat ma pa i ga vangala ta bul. 33 Ma ra ura natu i Ionatan go dir: Pelet ma Sasa. Go diat ra umana natu i Ieramel.
34 Ma Sesan pa i ga vangala ta bul tutana, a umana vavina ka. Ma Sesan i ga vatur vake ra te Aigipto upi kana tultul, a iangina Iarka. 35 Ma Sesan i ga tul tar natuna a vavina pire Iarka kana tultul upi dir a taulai, ma i ga kava Atai. 36 Ma Atai i ga vangala Natan, ma Natan i ga vangala Sabad; 37 ma Sabad i ga vangala Eplal, ma Eplal i ga vangala Obed; 38 ma Obed i ga vangala Ieu, ma Ieu i ga vangala Asaria; 39 ma Asaria i ga vangala Keles, ma Keles i ga vangala Eleasa; 40 ma Eleasa i ga vangala Sismai, ma Sismai i ga vangala Salum; 41 ma Salum i ga vangala Iekamia, ma Iekamia i ga vangala Elisama.
42 Ma Kaleb tura i Ieramel i ga vangala Mesa, kana luaina bul tutana, tama i Sip, ma Meresa tama i Kebron. 43 Ma ra umana natu i Kebron go diat: Kora, Tapua, Rekem, ma Sema. 44 Ma Sema i ga vangala Rakam, tama i Iorkeam; ma Rekem i ga vangala Samai. 45 Ma ra natu i Samai: Maon; ma Maon ia ra tama i Bet-Sur. 46 Ma Kaleb i ga vangala Karan, Mosa, ma Gases, tai kana tultul na vavina Epa; ma Karan i ga vangala Gases. 47 Ma ra umana natu i Iadai go diat: Regem, Iotam, Gesan, Pelet, Epa, ma Sap. 48 Maka ra tultul na vavina kai Kaleb i ga kava Seber ma Tirkana; 49 i ga kava bula Sap tama i Madmana, Seva tama i Makbena, ma tama i Gibea; ma natu i Kaleb a vavina Aksa. 50 Go diat a umana natu i Kaleb.
A umana natu i Kur, a luaina bul tutana kai Eprata: Sobal tama i Kiriat-Iearim, 51 Salma tama i Beteleem, Karep tama i Bet-Gader. 52 Ma Sobal ra vunapai ra tarai Kiriat-Iearim i ga vangala ta umana bul tutana, Karoe diat, ma dia ga vunapai ra ngungu ta diat a tarai Menukot. 53 Ma ra tarai Kiriat-Iearim dia ga vunapai ra tarai Itri, ma ra tarai Put, ma ra tarai Sumat, ma ra tarai Misra; ma ra tarai Sorat ma ra tarai Estaol dia ga vana rikai ta diat. 54 Ma Beteleem i ga vana rikai tai Salma, ma go diat bula, ra tarai Netopat, ma ra tarai Atrot-Bet-Ioab, ma ra ngungu ta diat a tarai Manakat, ma ra tarai Sor. 55 A tarai Tirat, ma ra tarai Simeat, ma ra tarai Sukat, a umana tena tutumu diat nina dia ga ki aro Iabes. Diat a vuna tarai Ken ma dia ga vana rikai tai Kamat a vunapai ra apik na tarai Rekab.