MATYU
Kamambuno wakai Matyu muno boglkwa
Ka mongo yegl ende okuna ongwa
Kamambuno wakai Matyu muno boglkwa i yomba i-ikine endinambuka yagle unambe dingwa ikra erme Yesus ume dungwa. Ana ka pond ta pangwa i propet wagle okuna God yomba i-ikine endinambuka ka dipandiglkwa ikra Yesus prapra erekuno orkwa. Ana Maria eremogl Yesus kugl yongwa ya te Yesus kot erete sigeglko andigl ukor ongwa kamo i boglko pangwa.
Yesus kongun prapra disaipelmo wagle tendre diendungwa ende uglomugl koglo koglo eingwa.
Ama Yesus makan muglo ta yomara egli mogl Nem Kande kamo dungwa. Te Yesus ka di simbogl dungwa ya te dumo makan dundinambuka pre ka pandum tau ama dungo pangwa. Te ka dindre ana taragl orkwa i Yesus yombuglomo kande pango ana God lomo prapra ikra dipogl kaima sungwa.
1
Yesus Krais kowamo awamo kangino epigl
(Luk 3:23-38)
1 Yomba i Yesus Krais* Ye kangiye Grik kanno mina Krais we dingwa, ana Hibru kanno mina ye Mesaia we dingwa. Ka i mambunomo God kungo ere ye tongwa. kowamo awamo wagle ye kangino epigl. Yesus ye Devit yungumo ombuno mina ta moglkwa. Te Devit ye Abraham yungu ombunomo ta moglkwa.
2 Abraham ye wam Aisak,
te Aisak ye wam Jekop,
te Jekop ye wam Juda ya
te angiglma tau bogl meglkwa.† Israel yungu ombuno mina Juda ye epigl suwarata neno moglkwa angiglma tau Israel epitno tau i nem meglkwa.
3 te Juda ye wam suwo Peres ya Sera. Ye suwo i mano Tamar.
Peres ye wam Hesron,
te Hesron ye wam Ram,
4 te Ram ye wam Aminadap,
te Aminadap ye wam Nason,
te Nason ye wam Salmon,
5 te Salmon ye wam Boas, ye mam Rehap,
te Boas ye wam Obet, ye mam Rut,
te Obet ye wam Jesi,
6 te Jesi ye wam King Devit moglkwa,
te Devit ye wam Solomon ye mam okuna imbo Uriya embiye kra,‡ Ambu kangino epigl pangwa i, ye dumo bangeta ambu meglkwa, ba okuna ye Israel yagl eingwa. Kangino, Tamar ya Rehap ye Kenan yomba epitno miurka, te Rut ye Moab ambu moglkwa, Batseba ye Solomon mam, ye suwara Israel ambu, ba komnaiye ye Uriya embiye moglkwa, Uriya ye Hit yomba ta moglkwa.
7 te Solomon ye wam Rehoboam,
te Rehoboam ye wam Abiya,
te Abiya ye wam Asa,
8 te Asa ye wam Jehosafat,
te Jehosafat ye wam Jehoram,
te Jehoram ye wam Usia,
9 te Usia ye wam Jotam,
te Jotam ye wam Ahas,
te Ahas ye wam Hesekia,
10 te Hesekia ye wam Manase,
te Manase ye wam Emon,
te Emon ye wam Josaia,
11 te Josaia ye wam Jehoiakin
ya te angiglma tau meglkwa.
Enge igle Israel yomba kane ende Babilon eingwa.
12 Ye kane ende pi Babilon eingo,
ana Jehoiakin ye wam Sialtiel,
te Sialtiel ye wam Serubabel,
13 te Serubabel ye wam Abiut,
te Abiut ye wam Eliakim,
te Eliakim ye wam Asor,
14 te Asor ye wam Sadok,
te Sadok ye wam Akim,
te Akim ye wam Eliut,
15 te Eliut ye wam Elieser,
te Elieser ye wam Matan,
te Matan ye wam Jekop,
16 te Jekop ye wam Josep.
Ana Josep ye Maria wiye moglkwa. Te Maria Yesus kugl yongwa, ye kangiye Krais we dingwa.
17 Yegl orko Abraham kowamo awamo mogl wingo ende wu Devit moglkwa engemo i epiglmo 14 orkwa. Te Devit kowamo awamo mogl ende wu kane Babilon eingwa i epigl 14 orkwa. Te ye mambuno bogl mogl ende wu kane Babilon pindre ende ikine wingo Krais enge igle plau dungwa, yomba i ama prapra epigl 14 orkwa.
Maria Yesus Krais kugl yongwa
(Luk 2:1-7)
18 Yesus Krais plaudi moglkwa kamo boglo i yegl. Mam Maria ye Josep inambe dipandiglkwa. Ba ye akiye ta pai wanmoglkiurko, ye kanigwa Maria gak dane moglkwa. I Holi Spirit gak dane moglkwa. 19 Wiye Josep, ye yagl du-yene. Ye prukwa Maria gak dane moglme digo, ye kinde kondinagledi prukwa. Ba ye yegl erimbo Maria ye yomba ongumutno wagle angai gogl dinambedi prukwa. Yeglpre ye uglmange ere kondinagledi prukwa.
20 Josep taragl i poglodi pir moglko, uglkumbu mina Yaglkande angelomo suwarata plau dite yegl dungwa, “Josep, ene Devit yungumo ombuno ta motnga, ene Maria i-wanatnga i embin mereyegl i-wanatnga, ipre ene kundugl goglkro. Pro. Gak etne dane mina moglkwa i Holi Spirit gak moglkwa. 21 Ye yagl gak ta kurambuka, ene kangiye Yesus we dinatnga.§ Grik ka mina “Yesus” we dingwa. Hibru ka mina “Josua” we dingwa. Kangiye i kuno yegl pangwa, “Yaglkande ye yomba ere-yungwa yagle.” Sraglpre, ye yombama tandaglmeno koko ende te, ye ere-inambuka.”
22 Taragl prapra plau dungwa i Yaglkande kamo propet dumere mere paiyungwa. Propet ka yegl dungwa, 23 “Piryo, ambai mor ta ye yagl bogl ta akiye wanmoglpai erekrambuka. Ye gak dane panan yagl gak ta kugl yenambuka. Ana ye kangiye Imanuel we dinaglkwa.”✡ Aisaia 7:14 Kangiye i mambunomo yegl, “God nono bogl akiye moglkwa.”
24 Ana Josep ye ugl pamara andigltre, ye Yaglkande angelomo ditomere ere, Maria embiye mereyegl auro yend yungumugl ongwa. 25 Ba ye akiye ta kungro paikre wanmogl embriko, ana Maria wam kugl yongwa. Ana Josep eremogl gak kangiye Yesus we dungwa.
*1:1: Ye kangiye Grik kanno mina Krais we dingwa, ana Hibru kanno mina ye Mesaia we dingwa. Ka i mambunomo God kungo ere ye tongwa.
†1:2: Israel yungu ombuno mina Juda ye epigl suwarata neno moglkwa angiglma tau Israel epitno tau i nem meglkwa.
‡1:6: Ambu kangino epigl pangwa i, ye dumo bangeta ambu meglkwa, ba okuna ye Israel yagl eingwa. Kangino, Tamar ya Rehap ye Kenan yomba epitno miurka, te Rut ye Moab ambu moglkwa, Batseba ye Solomon mam, ye suwara Israel ambu, ba komnaiye ye Uriya embiye moglkwa, Uriya ye Hit yomba ta moglkwa.
§1:21: Grik ka mina “Yesus” we dingwa. Hibru ka mina “Josua” we dingwa. Kangiye i kuno yegl pangwa, “Yaglkande ye yomba ere-yungwa yagle.”
✡1:23: Aisaia 7:14