1 Kin
Waeuwa uawa
Buka ema bedewe gagalo ipauida natadea girumantona winei. Buka nepa 1 ita 2 bedewe warere Dawid boleno ita me otopa Solomon warerelene mamba aupawa wadena ita gagalowa natawa ipa buka nepa 3 ita alene 11 bedewe wadia ipa ambi Solomon Israelwa oniadewasamona, ita ambi oniadewasa dewawa sa debamalena umanawa wade. Ita do wadia me ambi God duwa Ierusalem bedewe waden. Ita gagalo natadeawa bedewe ipa buka nepa 12 ita 22 bedewe wadia ipa ambi Israel apanawa empuempuntone dan nata seganton, Israelwa wadi eneia deneuwe antone waimoiena ita Iuda apanawa ipa owa deneuwe antone waimoiena. Ita dan sa nata muba warereu nambenambe. Giruma ema ipa warere ema nata gagalou waewaleide. Ita no waeuwanedia warere dainea Iawe God aiawa ruawalen ambi Dawid dewalena rua. Tane warere dainea Iawe God adiananasane ita god lagawaau sumanaibulene wadaposimodie.
Gagalo uwau sonabamoia
Warere Dawid boleno ita me otopa Solomon warerelen (2.10-12)
Solomon God iririsan insaisa euda wanepia baiwa (3.3-5, 7-14, 16-28)
Solomon apana oniadewasamodia dewawa inilene debamalen (4.20-21, 25)
Solomon God duwa wadene ita raupariwalen (5.1-6; 6.1, 7, 11-14; 8.1, 3-6, 10-11, 22-23, 27-30, 41-43)
Tawo Seba oniedia iwa dea debama alen warere Solomon ewepia baiwa (10.1-9)
Solomon God adiananasane en (11.1-5, 7-13, 26-33, 35, 40)
Solomon boleno ita me otopa Reobeam warerelen (11.42-43)
Apana empuempuntone uwa nata seganton, Israel ita Iuda (12.1-20, 25-31)
Warere Eiab God adiananasane ene ita god lagawaau sumanaibulene wadaposimodie (16.30-33)
Peroweta Elaia obu ita otopa do saumon (17.1, 8-24)
Iawe God wadi Kamel iwa osowe god Baal perowetawa do onantone ita aimon (18.1-2, 17-46; 19.1-21)
2
Warere Dawid bolena gagalowa
10-11 Warere Dawid Israel apanawa oniamodie, me bauta bola debama Ibron bedewe waina enawa 7 ita Ierusalem bedewe waina enawa 33. Tane me oniamodia enawa awodealena 40 waden. Me wandie boleno mo me nosinosiwa wineiawo bola ebowa Dawid bolawa Ierusalem bedewe dobontoiena. 2 Samuel 5.4,5 12 Tane Solomon mamba Dawid aupawa wadene Israelwa oniamon. Ita God me sausano badowa enen.

2:10-11: 2 Samuel 5.4,5