Esra
Waeuwa uawa
Buka Esra ita Niamaia bedewe girumantoiena wadia Iuda apanawa Babilon tawowa bedewe waimoia leuntopue muba bolauwo antopua rua ita God duwa osowe Ierusalem bedewe wadapu.
3
Apana osowe pulo sumpaa watawa dewasaiena
Walama sa uaboa 7 wadeno Israel apanawa* Tane tawo nata Israel ita Iuda ebou dialen, sa baiwa mo mida buka ema girumantoiena mo ebou wane ituiena Israel apanawa. muba bolauwobolauwo waimoia ene wimone Ierusalemwa awodeantone waimoie. Ita Iosadak otopa Iesua ita pirisi isiwa do ita Sealtiel otopa Serubabel damba do Israelwa Godiu mampe pulo sumpaa watawa osowe dewasaiena. Tauma mo God perowetawa Moses anaanawa wana rua pulo amonawa sumpa. Mo sape waimoie apana da bola sa bedewe waimoia sauntoie. Tane mo pulo watawa bolawa dewasane ita tadinaida ita rawi uduudu pue suie.
Apana uwantone God duwa osowe wadei
Warere Sairus oaleno rua mo ia badowa ebowa sida Lebanon tawowa bedewe inintoia tomopu God duwa wadapua baiwa. Mo seu nolawala apanawa ita kanda mane wanamopu. Tane Saidon ita Taire apanawa isiwa nana, esa ita mena wanamoiena mo ia sa neanamopuo owa asiasi bola Iopa bedewe wimopua baiwa. Mo Lebanon tawowa bedewe wadiwa ia topue iapue bola debamau Taire ita Saidonwa owa tampe nomopu. Ita mo ia tauboiamopue Mediterenian Owa asiasi newanepue antopue bola Iopa bedewe wimopu, ita bola sa dogo asiasi awa bola Iopa alene Ierusalemwa wisena ipa kilomita 58 waden.
Mo wimone Ierusalemwa God duwa enedia aupawe waimoio ena dea dialen. Ema aupe ena da uaboawa natawa bedewe Sealtiel otopa Serubabel, Iosadak otopa Iesua damba do, pirisi ita Liwai damba tane do apana uduudu emalawoau wadaitumoiena leuntone bola debama Ierusalem bedewe wimoiena. Ita sape mo osowe uwantone God duwa wadeiena. Mo Liwai damba Liwai damba, saipa Iakob Lea nata otopu natadeawa. Me damba bedewea mo ipa pirisi God duwa bedewe nolantompa apanawa. mida enau 20 wadena teamoieno nola sa uantopua apanawa wananton.
Apana nolantone God duwa wadeio enawa 21 wadeno nola sa dialen.

*3:1: Tane tawo nata Israel ita Iuda ebou dialen, sa baiwa mo mida buka ema girumantoiena mo ebou wane ituiena Israel apanawa.

3:7: Mo Lebanon tawowa bedewe wadiwa ia topue iapue bola debamau Taire ita Saidonwa owa tampe nomopu. Ita mo ia tauboiamopue Mediterenian Owa asiasi newanepue antopue bola Iopa bedewe wimopu, ita bola sa dogo asiasi awa bola Iopa alene Ierusalemwa wisena ipa kilomita 58 waden.

3:8: Liwai damba, saipa Iakob Lea nata otopu natadeawa. Me damba bedewea mo ipa pirisi God duwa bedewe nolantompa apanawa.