Matthew
Iesu da bino dave Matthew mi gagurisina.
1
Matthew mi Iesu da ewowo gawowoda dao udugedo gagurisina.
(Luke 3:23-38)
Ove eiwa Iesu Keriso da ewowo gawowo udugedo gaiari. Daotari David awa ainda ewowo edo daedo Abraham awa ainda ewowo:
Abraham awa Isaac da mamo,
Isaac awa Jacob da mamo,
edo Jacob awa Judah ae ainda nanonameji deda mamo.
Judah awa Perez ae Zerah deda mamo, (Awamaneda ai awa Tamar.),
Perez awa Hezron da mamo,
Hezron awa Ram da mamo,
Ram awa Amminadab da mamo,
Amminadab awa Nashon da mamo,
Nashon awa Salmon da mamo,
Salmon awa Boaz da mamo, (Boaz da ai awa Rahab.),
Boaz awa Obed da mamo, (Obed da ai awa Ruth.),
Obed awa Jesse da mamo,
edo Jesse awa Daotari David da mamo.
Daotari David awa Solomon da mamo, (Solomon da ai awa gisi Uriah da aro.),* awa gisi Uriah da aro. Uriah da aroda dao awa Bathsheba. David eutu ainde ipuda esisina, edo amboda David mi tesiri embo nenei Uriah detero besisina. Ainda amboda peroveta Nathan mi David da jimbo ainde karigesisina, edo David mi benunu tesiri God ainda jimbo kotembedo doturisina. Ata God mi David da yai rirowa pipisisina (2 Samuel 11-12; Psalm 51).
Solomon awa Rehoboam da mamo,
Rehoboam awa Abijah da mamo,
Abijah awa Asa da mamo,
Asa awa Jehoshaphat da mamo,
Jehoshaphat awa Joram Joram da dao nei awa ‘Jehoram’, edo embo awa Jehoshaphat da mai edo Judah da daotari. Iji dá ainde Jehoshaphat da mai Judah da embomai tuturo edo gisijijisina, Ahab da maimi Israel da embomai matawa gisijido esisina. (Ahab da mai awa Israel embomaida daotari edo ainda dao awa ‘Joram’, ata imo awa embo eve.) Ge 2 Kings 8:16-17 edo 1 Chronicles 3:10-11 giwo. da mamo,
Joram awa Uzziah da mamo, 2 Chronicles 21:4-26:23 giwo. ‘Mamo’ da moka einda awa ‘ewowo’ ango, awatedo Joram awa Uzziah da ewowo.
Uzziah§ Uzziah da dao nei awa ‘Azariah’ (2 Kings 15:7; 2 Chronicles 26:23). awa Jotham da mamo,
Jotham awa Ahaz da mamo,
Ahaz awa Hezekiah da mamo,
10 Hezekiah awa Manasseh da mamo,
Manasseh awa Amon da mamo,
Amon awa Josiah da mamo,
11 Josiah awa Jeconiah ae ainda nanonameji deda mamo.* 2 Chronicles 36:1-9 giwo. ‘Mamo’ da moka einda awa ‘apiye’, awatedo Josiah awa Jeconiah ae ainda nanonameji deda apiye. Jehoiakim awa Jeconiah da mamobé, edo Jeconiah da dao nei awa ‘Jehoiachin’ (2 Kings 24:6) o ‘Coniah’ (Jeremiah 22:24). Iji ainde awamane isiretera, Babylon itoro embobomi awamane bundedo kundo Babylon maunsitera.
12 Babylon kundo maunsitera ainda amboda awa:
Jeconiah awa Shealtiel da mamo,
Shealtiel awa Zerubbabel da mamo, 1 Chronicles 3:17-19 giwo. Ove Kotopuda atopatari nenei kotembedo era awa Shealtiel mi ainda nameji Pedaiah da mai, Zerubbabel, unjisina. Awatedo embomaimi tedo esitera mai awa Shealtiel da mai.
13 Zerubbabel awa Abiud da mamo,
Abiud awa Eliakim da mamo,
Eliakim awa Azor da mamo,
14 Azor awa Zadok da mamo,
Zadok awa Achim da mamo,
Achim awa Eliud da mamo,
15 Eliud awa Eleazar da mamo,
Eleazar awa Matthan da mamo,
Matthan awa Jacob da mamo,
16 edo Jacob awa Joseph da mamo. Joseph awa Mary da iu, edo Mary mi Iesu engisina. Edo embomaimi imo Keriso Keriso da moka awa ‘God da Avigari Embo’. dao tedo era.
17 Awatedo ainda ewowo gawowo Abraham da yai edo aundo David da yai awa ajigari berari 14, edo David da yai aundo iji ainde awamane gitopo embobomi bundedo kundo Babylon maunsitera awa ewowo gawowo ajigari berari 14, edo awamane bundedo kundo Babylon maunsitera edo aundo iji ainde Keriso engisina awa ewowo gawowo ajigari berari 14.
Mary mi Iesu Keriso engisina.
18 Edo Iesu Keriso nongo edo engisini awa engo: Ainda ai Mary awa Joseph mi jimbarate geritera. Ata awamane jimbae gisida, Asisi Kotopu da gorobami esiri watou jijirisina. 19 Edo Joseph, Mary da gerari iu, awa wasiri dambu darari embo. Edo iji angode Mary watou jiriri gido imo eutu awa dowain kotembesisina. Ata eutu awa imo mengari awa jipapa ae esisina, awatedo embomaida jisida dowainyae esisina.
20 Ata giwo, imo eiwa kotembeteiri Badari§ Badari awa God da dao nei. Ainda moka awa ‘Embo Bajina’ o ‘Gisijiari Bajina’. da anela* anela awa asisi dave da dao. Awamanemi God tumondebain edo era, edo God da gebé ari embomai kondade edo era. Kondade ari ge nenei Ge Moka Teteka doda ove gaiari einda beaoda daedo giwo! aturoda idegedo ainde sisina, “Joseph, David da mai, Joseph, David da mai da moka awa Joseph da ewowo awa Daotari David. Asisi Kotopu da gorobami esiri mai awa sinenembatara, awatedo adu eote. Mary buyo ito aro are. 21 Edo eutu ami mai engaina, edo mai ami ainda embomai jimbo bebegaeda bundari awa toregaina, awatedo ine ainda dao Iesu Iesu da moka awa ‘Toregari Embo’. tata.”
22 Aindabé Badari mi peroveta§ peroveta awa God da bino onjigarida karigari embo o eutu. Ami God da deroda petedo embomaida yai God da ge tedo esisina. da yai rorae eiwa idegaina sisina, awatedo ro berari idegarate sisina awa gundo bé esisina. Edo sisina awa engo: 23 “Giwo, gagara kombo ae awa watou jirido mai engaina, edo ainda dao Immanuel tedo ara.” Isaiah 7:14 (Immanuel da moka awa “God kaenamonde daedo”.)
24 Ango edo Joseph jitao awari dodo erido Badari da anelami ro arate sisina awa esisina. Edo imo Mary kumbiri ainda aro esisina. 25 Ata embo ami ainde kombo ae aundo eutu ainda mai buwo engae gisida. Edo ainda amboda engesiri Joseph mi ainda dao Iesu sisina.

*1:6 awa gisi Uriah da aro. Uriah da aroda dao awa Bathsheba. David eutu ainde ipuda esisina, edo amboda David mi tesiri embo nenei Uriah detero besisina. Ainda amboda peroveta Nathan mi David da jimbo ainde karigesisina, edo David mi benunu tesiri God ainda jimbo kotembedo doturisina. Ata God mi David da yai rirowa pipisisina (2 Samuel 11-12; Psalm 51).

1:8 Joram da dao nei awa ‘Jehoram’, edo embo awa Jehoshaphat da mai edo Judah da daotari. Iji dá ainde Jehoshaphat da mai Judah da embomai tuturo edo gisijijisina, Ahab da maimi Israel da embomai matawa gisijido esisina. (Ahab da mai awa Israel embomaida daotari edo ainda dao awa ‘Joram’, ata imo awa embo eve.) Ge 2 Kings 8:16-17 edo 1 Chronicles 3:10-11 giwo.

1:8 2 Chronicles 21:4-26:23 giwo. ‘Mamo’ da moka einda awa ‘ewowo’ ango, awatedo Joram awa Uzziah da ewowo.

§1:9 Uzziah da dao nei awa ‘Azariah’ (2 Kings 15:7; 2 Chronicles 26:23).

*1:11 2 Chronicles 36:1-9 giwo. ‘Mamo’ da moka einda awa ‘apiye’, awatedo Josiah awa Jeconiah ae ainda nanonameji deda apiye. Jehoiakim awa Jeconiah da mamobé, edo Jeconiah da dao nei awa ‘Jehoiachin’ (2 Kings 24:6) o ‘Coniah’ (Jeremiah 22:24).

1:12 1 Chronicles 3:17-19 giwo. Ove Kotopuda atopatari nenei kotembedo era awa Shealtiel mi ainda nameji Pedaiah da mai, Zerubbabel, unjisina. Awatedo embomaimi tedo esitera mai awa Shealtiel da mai.

1:16 Keriso da moka awa ‘God da Avigari Embo’.

§1:20 Badari awa God da dao nei. Ainda moka awa ‘Embo Bajina’ o ‘Gisijiari Bajina’.

*1:20 anela awa asisi dave da dao. Awamanemi God tumondebain edo era, edo God da gebé ari embomai kondade edo era. Kondade ari ge nenei Ge Moka Teteka doda ove gaiari einda beaoda daedo giwo!

1:20 Joseph, David da mai da moka awa Joseph da ewowo awa Daotari David.

1:21 Iesu da moka awa ‘Toregari Embo’.

§1:22 peroveta awa God da bino onjigarida karigari embo o eutu. Ami God da deroda petedo embomaida yai God da ge tedo esisina.

1:23 Isaiah 7:14