5
Fafanau usuf foron Famfamu turan Fanu Fufuuh
1 Igii ia ier isi ian orek sing gam foron famfamu na lotu, wara le ia sabin ia nenge famfamu arae gam, ia par ta Karisito aunbiing i kalsakai fangungut, ma aunbiing in fis, ia sabin ian kiis tura na memeh kia. 2 Jon 21:15-17Gamen fofonoi rokap na fanu ke God ae ka luun ta u na liumi, arae foron tom fofonoi na sipsip. Gong gam foim sau wara le fanu ri fangongos gam, gong. Gamen tel foim ini laes, arae God i ier isi. Gong gam foim sau isi pitkalang, gong. Gamen foim tom ini gesges na balmi. 3 Gong gam luun rakrakai na nagogon na olon fanse ae God i unune ufu ta ri na liumi, isau le gamen tapiek rokap na tintof usuf ri. 4 Ke aunbiing Laulaumet ken foron tom fofonoi na sipsip in tapiek, in suat gam ini bangbang ae memeh lo biil in to rop.
5 Sindaun 3:34Ke orek kiak usuf fanu fufuuh i aragii, gamen fapu gam na piklin foron famfamu. Gam tikii gamen ges ini sinangun fapu gam tom na fatpoto gam. Wara le Buk na Gogoh i use u aragii,
“God biil i ges e bala ini fanse ae ri sik ri la tom,
isau le, i finngas famais kia la usuf fanse ae ri fapu ri la tom.”
6 Metiu 23:12; Luk 14:11; 18:14Pesu, gamen fapu gam tom na piklin rakrakai na lima God, isi na aunbiing kia tom, ik sik gam. 7 Gamen ta foron tatawin tikii kimi usuf i, wara le i lala wol lo gam.
8 Wolwol kimi in malal ma gamek tumarang, wara le tuui kimi Satan i aragii laion ae i famam kukuk sararah, ma ka batbatam fanu isi kiim ri. 9 Gamen tifat na unune kimi ke gamek tikale u, wara gam usum le foron tualik gam na foron maleh tikii na piklinbat, ri sabin ri kalsakai matngan fangungut ae gam kalsakai u.
10 Isau le God i e God na famais, ma lo Karisito, ka tawi pes ta gam isi gamen kiis turim tura na memeh kia ae biil ti farfarop lo. Ke aunbiing gam kalsakai ta fangungut na fatuklin aunbiing sau, i tom in tumarnge fafis gam, ik ta rakrakai sing gam ke ik farakrakai gam isi gamek tifat. 11 Rakrakai kia in kiis fitliu ma biil ti farfarop lo. Amen.
Farfarop na Orek ke Pita
12 Aposel 15:22,40Sailas i lupes ta iau aunbiing ia siit fatuklin leta igii. Ia tel u la arae tuaklik tutus ae imel e unune kiak lo. Na leta igii, ia lala ier tom isi ian farakrakai gam, ke iak famalal gam ini famais tekentu ke God. Gamen tifat lo. 13 Aposel 12:12,25; 13:13; 15:37-39; Kolosi 4:10; Pilimon 1:24Foron tom unune ae ri kiis na Babilon,*Fale tom tasum na Buk na Gogoh ri wol le Pita i foteng Rom ini Babilon, wara le sinang laulau i laumet na maleh ae ri ta orek an famais kiri usuf gam. Ri sabin ri fanu ae God i tim pes ta ri arae gam. Mak sabin, keng kalalik na asa Iesu, i ta orek an famais kia usuf gam. 14 Aunbiing gam faorek pes gam, gamen fador ini sinangun famais. Siaroh usuf gam tikii ae gam patep lo Karisito.
5:5: Sindaun 3:34
5:6: Metiu 23:12; Luk 14:11; 18:14
5:13: Aposel 12:12,25; 13:13; 15:37-39; Kolosi 4:10; Pilimon 1:24
*5:13: Fale tom tasum na Buk na Gogoh ri wol le Pita i foteng Rom ini Babilon, wara le sinang laulau i laumet na maleh ae