18
Babilon ka Luut
1 Nami na foron tier igii, ia ka par nenge angelo sabin i pupu la tinbae na kukulii. Imel e tara rakrakai kia ma piklinbat ka malal tikii na memeh kia. 2 Aisaia 13:21; 21:9; Jeremia 50:39; 51:8; Parpar 14:8 Ke ka lala perek aragii,
“Ka luut tah! Ka luut ta e tara maleh na Babilon!
Ma igii ka tapiek maleh ken foron kinit,
ke felun mumumun ken foron tanwa laulau tikii,
ke felun mumumun ken foron man tikii
ae ri duh ma ri laulau kanaka.* Fale tom tasum na Buk na Gogoh ri wol le fale orek biitom na rina igii, i aragii: ke felun mumumun ken foron muruuw tikii ae ri duh ma ri laulau kanaka.
3 Aisaia 23:17; Jeremia 51:7Wara le fanu na marmarsan falifu tikii
ri ka umin ta wain rakrakai tina sinangun puur kia.
Foron king tina piklinbat
ri ka tel ta sinangun puur tura.
Ke foron tom foimnge pitkalang tina piklinbat sabin,
ka fuun ta e minsik kiri
tina foron sinangu ae i laulau kanaka.”
4 Aisaia 48:20; Jeremia 50:8; 51:6,45Namih, ia ka ongen kinen tikas sabin tina kukulii ka tarah,
“Fanu kiak,
gam suuh koseng u,
isi gong gam fatal u na
foron sinang laulau kia
ke isi gong gam kalsakai
ti fangungut ae in kep u.
5 Stat 18:20,21; Jeremia 51:9Wara le foron sinang laulau kia
ka kiiskiis pungpung ubae tom na kukulii,
ma God i wol papte
foron tier laulau tom ae i tel ta u.
6 BukSong 137:8; Jeremia 50:29Sani i ta ta u usuf gam,
ta fafis u sing i.
Ma fawu rin kiliis fafis u usuf i,
namin sani i tel ta u.
Kap na dan rakrakai ae i faumin ta gam ini,
gamen kiliis fafis u usuf i
ini dan ae i rakrakai kanaka.
7 Aisaia 47:7-9Ta tara fangungut turan tara mamais usuf i,
in fasi ini memeh ae i me ta u ini,
turan minsik ae i kiis ta na olo.
Na wolwol kia,
i usefages u tom aragii,
‘Ia kiis arae nenge kuin,
biil ia nenge makos,
ke biil ifasi ian mamais.’
8 Pesu, foron tatawin
arae minet, mamais ke fitol,
in tapiek lo na in tikii e biing,
ma ik fatakal u.
Ke ik sok tikii na yiif,
wara le i rakrakai e Kumguui God ae i nagogon u.”
9 Esekiel 26:16,17Foron king tina piklinbat ae ri tel ta sinangun puur tura ma ri ka fatal u na foron sinang laulau kia, rin mamais ke rik teng aunbiing rin par bau na yiif ae in sok lo. 10 Rin ti tapak koseng u, wara le rin nangnangih na fangungut ae i kalsakai u ke rik teng aragii,
“Kiskam! Kiskam!
Kiskam e tara maleh.
Babilon, rakrakai na maleh!
Na fatuklin aunbiing sau,
ke nagogon ke God ka falaulau wo!”
11 Esekiel 27:31,36Fanu tikii tina piklinbat ae ri foimnge pitkalang la rin teng ke rik mamais, wara le biil mang tikas in fiil ti tier sing ri. 12 Esekiel 27:12,13,22Foron tier arae: Goul, siliwa, foron fat ae i fen kanaka e matri ke foron kolson matanwah. Foron rokap na kaen, foron kaen ae i par arae sian gaih, foron kaen ae i silika ke foron kaen ae i melmelek. Foron au tikii ae imel e rokap na sana, foron tier tikii ae ri tel u ini kom na elefen, foron au ae i fen kanaka e matri, baras, aen ke nenge matngan fat ae ri foteng u ini mabel. 13 Ke fale tier ae i furung rokap e sana, arae sinamon, mir ke foron tier ae bau lo i furung rokap. Ke wain, wel na olif, palawa turan wit, foron bulmakau, foron sipsip, foron os turan kariis ke foron fafauun foes sabin.
14 Ke rik tara aragii, “Fuan au ae o masmas u la, ka mangmangal ta koseng o. Foron minsik turan memeh kiam ka mangmangal ta koseng o ma biil mang on par u sabin.” 15 Esekiel 27:31,36Fanu ae ri foimnge pitkalang la na foron tier ae ke ka fuun ta e minsik kiri lo, rin soti tapak koseng u, wara le ri nangnangi na fangungut ae i kalsakai u. Rin mamais ma rik teng 16 ma rik tarah,
“Kiskam! Kiskam!
Kiskam e tara maleh.
I kilkiliis la ini foron rokap na kaen,
fal i par arae sian gaih
ke fal i melmelek.
Ma i ges la ini goul
ke ini foron kutkute ae ri tel u ini foron fat ae i fen kanaka e matri
turan foron rokap na kolson matanwah.
17 Aisaia 23:14; Esekiel 27:26-30Itikii sau e awa,
ke tara minsik kiam ka laulau tikii!”
Foron kiapten tikii, fanu tikii ae ri wof la na foron sip, foron tom foim na foron sip turan fanu tikii ae ri kep pitkalang la na palgantes, rin soti tapak. 18 Esekiel 27:32Aunbiing rin par bau na yiif ae i sok lo, rik tarah, “Maleh sa i arae tara maleh igii?” 19 Esekiel 27:30-34Rin saba piyiif na paklu ri, rik mamais ke rik teng aragii,
“Kiskam! Kiskam!
Kiskam e tara maleh.
Fanu tikii ae imel e foron sip kiri na palgantes,
ka fuun ta e minsik kiri tina foron minsik kia!
Isau le na itikii sau e awa,
ka laulau sikit!”
20 Lo 32:43; Jeremia 51:48“Kukulii, on laes isi!
Gam fanu kalkaluu,
foron aposel ke foron profet,
gamen laes,
wara le God ka nagogon ta u
kunan sani i tel ta u ulo gam.”
21 Jeremia 51:63,64; Esekiel 26:21Ke nenge rakrakai na angelo ka kep nenge tara na fat arae fat una fapekpekes wit ke ka lin u na palgantes ma ka tarah,
“Tara maleh na Babilon,
rin lin fatuktuk u arae fat igii,
ke in mangmangal sikit.
22 Aisaia 24:8; Jeremia 7:34; 25:10; Esekiel 26:13 Ke kinen gita, kinen foron tom seksek,
kinen foron tom kuf tulal
ke kinen foron tom kuf tafih,
biil mang rin ongen u na maleh igii.
Ke biil sabin rin par fanu
ae ri usum na marmarsan foim aiwa.
Ke biil sabin rin ongen kinen fat
ae ri fapekpekes wit la ini aiwa.
23 Biil ti malal na lam in popos sabin aiwa.
Biil sabin rin ongen
kinen ti kaltu ke fifin
ae ru fakekel fuuh aiwa.
Fanu kiam ae ri foimnge pitkalang la,
i laumet ta e asri na piklinbat.
O lame fager fanu na foron funmat tikii
ini malera kiam.
24 Jeremia 51:49Ma na Babilon, ri tafe daun foron profet,
daun fanu kalkaluu
ke daun fanu tikii ae ri siimete ta ri na piklinbat.”
18:2: Aisaia 13:21; 21:9; Jeremia 50:39; 51:8; Parpar 14:8
*18:2: Fale tom tasum na Buk na Gogoh ri wol le fale orek biitom na rina igii, i aragii: ke felun mumumun ken foron muruuw tikii ae ri duh ma ri laulau kanaka.
18:3: Aisaia 23:17; Jeremia 51:7
18:4: Aisaia 48:20; Jeremia 50:8; 51:6,45
18:5: Stat 18:20,21; Jeremia 51:9
18:6: BukSong 137:8; Jeremia 50:29
18:7: Aisaia 47:7-9
18:9: Esekiel 26:16,17
18:11: Esekiel 27:31,36
18:12: Esekiel 27:12,13,22
18:15: Esekiel 27:31,36
18:17: Aisaia 23:14; Esekiel 27:26-30
18:18: Esekiel 27:32
18:19: Esekiel 27:30-34
18:20: Lo 32:43; Jeremia 51:48
18:21: Jeremia 51:63,64; Esekiel 26:21
18:22: Aisaia 24:8; Jeremia 7:34; 25:10; Esekiel 26:13
18:24: Jeremia 51:49