1 Kinna Serkisisafa faiqi ooruku nammari afaiqara marusa faqa narí maqa maaqaki marusa faqa nifiqasoofaqa misa mifa rakisi maru maqanasa dadaaqira saika auqee mariqau. 2 Aiqama amiqira ainaina faqa firaa ainaina faqa kinna fannoo auqaidanoo mifa Moodeekaina firaa auqu amimarufaqa aiqama mi oosannara ufa qimariqau. Aiqama mi ufana misa Peereesiaa maqannaasa faqa Midiannaa maqannaasa faqa kinna papiqaki akara riqau. 3 Mi Yuda maqannaa fasiqafa Moodeekaifa kinna Serkisisana namba 2 marinau. Yuda maqannaasa minara firaaqoo uqanna nidimarufaqa misa mina firaa auqu amimariqau. Amimarufanoo mifa misa dadaaqinaqa amiqimmasee ooqu mariaqeera ainaini marinau. Mifa miqimma sainaqa misa niku nisauku kasooaqee kambiqainausa misa sia moo ainainara rufieefaranoo amiqimmasee marifaranoo.