1  aaweena amooqia.

Anutuna naaquqara amaana maqaki mina amooqiaqa.

Mina uriqarara afeeka innaaru nai marina amooqiaqa.

2 Mifa afeeka ainaina auqoo nara amooqima amaqaaqa.

Mina amiqira uriqararanara amooqiaqa.

3 Ukeena fuaqaidaqa minannai mina amooqiaqa.

Kaqikaa piripunnannai faqa firaa piripunnannai faqa mina amooqiaqa.

4 Dukaanaannai faqa idi raida niqoori raqaranannai faqa mina amooqiaqa.

Piripunnannai faqa ufireenannai faqa mina amooqiaqa.

5 Innee qumiandau qaqama kaqikaa qanda faqa firaa qanda faqa qumaree narisaa narisaa ramoo ramoo idaqa Yaaweena amooqiaqa.

6 Aiqama naanna faqaa ainaina Yaaweena amooqiaqa. Yaaweena amooqia.