Yesus Aqa Anjam Bole
This is the New Testament in the Anjam Language
of Madang Province, Papua New Guinea
 
Revised Second Edition, 2014 — 3C
 
R 262P―2014―338
 
ISBN 9980 63 1002 6
 
© 2014 Wycliffe Bible Translators, Inc.
Namo Qaji Anjam
Anjam endi Yesus Kristus aqa anjam bole. Anjam endi iga bulyosim tamo uŋgasari Astrolabe Bay di unub qaji naŋgo anjam na neŋgreŋyem. Astrolabe Bay di agi Madang Provins di unu.
Yesus Kristus aqa anjam bole agiende. Qotei na Yesus qariŋyonaqa a mandamq aisiqa ŋamburbasq di moiyej. Osiqa olo subq na tigelej. Yesus aqa anjam bole agide.
Anjam endi Qotei aqa segi anjam. Endi tamo naŋgo anjam sai. Qotei aqa Mondor Bole a na aqa wau tamo naŋgi powo enjrnaqa naŋgi anjam bole endi neŋgreŋyeb. Naŋgi Grik anjam na neŋgreŋyeb. Ariya bunuqna tamo qudei naŋgi olo anjam endi bulyoqnsib anjam gargekoba na neŋgreŋyoqneb. Tamo qudei naŋgi bulyosib Inglis anjam na neŋgreŋyeb. Tamo qudei naŋgi bulyosib Qebari anjam na neŋgreŋyeb. O anjam gargekoba na neŋgreŋyoqneb.
Tulaŋ nami Moses a ti Qotei aqa medabu o qaji tamo naŋgi ti Qotei aqa anjam bei neŋgreŋyeb. Di Qotei aqa anjam namij. Ariya bunuqna Yesus a bosiqa Qotei na iga eleŋqajqa gam torei babtekritej. A Qotei aqa anjam bunuj osi bej. Anjam bunuj agiende.