1 O Tamo Koba Qotei, ni urur bosim e aqaryaibosim e padalo sawaq na ame. 2 Tamo qudei naŋgi na e lubib moiqajqa are koba unu. Ni na naŋgi jemai enjrsim niñaqnjre. Tamo qudei naŋgi e jaqatiŋ ebqajqa are koba unu. Ni na naŋgi winjrsim naŋgo ñam aguq atime. 3 Tamo naŋgi dena e misiliŋbeqnub. Ni na naŋgi jemai enjrsim winjre. 4 Ariya Qotei, tamo kalil ni daurmeqnub qaji naŋgi ni qa areboleboleinjreme. Tamo kalil ni padalo sawaq na eleŋqajqa arearetnjreqnu qaji naŋgi bati gaigai endegsib maroqnebe, “Qotei a segi qujai bolequja.” 5 O Abu Qotei, e siŋgila saiqoji unum. E sougetejunum. Deqa ni ijoq boqujat. O Tamo Koba Qotei, ni urur e aqaryaibime. Ni tariŋaim. E qalie, ni ijo aqaryaibo tamo unum deqa ni e padalo sawaq na eqnum.