8
Yali Aba Husanina sa Leyama Yaubada ena Luma
1 Kin 8:1, 3-6, 10-11, 22-23, 27-30, 41-43
1 Habahim Isalaela ganahewadi yai sulu hesa - hesa yo boga hesa - hesa babadadi Baꞌisa Solomon ya yoga gogondima Yelusalem yai na ya falibadi bena Guyau ena yali aba husanina*Yali Aba Husanina hesana hesa mate “Laugagayo Aba Husanina” paꞌana beyabeyana, laugagayo Guyau mate Mose ya felen, Mose wa ya toledi bogesina ganahewana yai te. sa bahe hasaꞌen Deiwidi ena nuꞌu, Saiyon.†Siu hesa Yelusalem ganahewana yai, hesana mate Saiyon - Deiwidi ena tefa.
3 Fuyana Isalaela babadadi sa mahano, tau antalasam yali aba husanina sa bahei. 4 Tau antalasam yo sulu Lewi tataudi Guyau ena yali aba husanina yo Palai Tabuna ma ginaulina sa bahe hasaedi Yaubada ena Luma.
5 Solomon yo Isalaela dodogadi mahudoꞌidi sa faꞌoigogoma yali aba husanina hafohafona yai. Sipi yo bulumakau boludi sa anꞌantalasamedi, hige gonowana ti fatilidi.
6 Habahim tau antalasam Guyau ena yali aba husanina sa leyama Yaubada ena Luma Tabuna ganahewana, be Bili Fafatabuna Wananaha yai, Anelu hesadi Selubim mabedi ubudi yai, sa tole.
10 Tau antalasam Bili Fafatabuna Wananahana yai sa kalamahanoma mate Guyau ena Luma Tabuna yada ya fakou 11 be tau antalasam hige edi paisowa ti ginauli paꞌana Guyau namanamalina yadana ya lidima Luma Tabuna ya famohafu.
22 Habahim Solomon, Guyau ena aba antalasam hafohafona yai ya obiyo, Isalaela dodogadi nuwanuwadi yai na nimana ya lolo hasaedi galewa, 23 na ya lauꞌuꞌula iyebom,
Isalaela ema Yaubada! Hige Yaubada hesa galewa yai e tanoꞌubu yai doha um. Um em tau paisowa sai gadosisi yalina ma nuwa ofi fahina ya famuli watan mate em gadosisi yalina wa fawananaha lisina yai.
27 In moho Um Yaubada! Hige gonowana ai tanoꞌubu u miya, higeꞌe wananaha. Galewa hinaga hige i laꞌi haba ainiya u miya, be Luma Tabuna E ginauli te ya kiu wananaha, hige gonowana ainiya u gogo. (Paisowa 7:29) (Isaiya 66:1)
28 Aee–, Guyau egu Yaubada, yau em tau paisowa! Egu lauꞌuꞌula aho te, u atahi be somo E anꞌetai, u fawananaha. 29 Beyabeyana wa libaen uwen, “Ainiya haba ami fadebasaegu be aee–, Guyau! Dubu Tabuna te, iꞌipa yo lahai u ita watan. Amaiteꞌi E lauꞌuꞌula laowa te, u atahi. 30 Yau yo em dodoga Isalaela, ema anꞌeta u atahi. Yena E sana lau nuꞌuna be E lauꞌuꞌula mate em aba miya Galewa yai, ainiya ema lauꞌuꞌula u atahi, na ema heyaya u nuwatuhu afuledi.”
41 Yena taꞌowawa eda lofalofa yai sa laoma hesam debana yai. 42 Na dodoga sa sana lau Luma Tabuna lisina be sa lauꞌuꞌula, haba sa atahi mate hesam ya laꞌi, yo em gigibwali yo ginauli lalaꞌi wa ginaulidi haba sa atahiyedi. 43 Em aba miya galewa yai, ainiya edi anꞌeta u atahi be haba dodoga mahudoꞌidi tanoꞌubu yai te hesam sa sibai yo sa faꞌatitiyem doha ai em dodoga, Isalaela. Haba sa sibai Luma Tabuna E ginauli te, mate hesam edi aba faꞌatitiyenna.