3
Ginauli Mahudoꞌina Ana Lahai
Tau Guguya 3:1-11
1 Ginauli mahudoꞌina maꞌana lahai;
galewa ubuna yai maꞌana fuya.
2 Tubu fuyana yo peꞌi fuyana,
uma fuyana yo lau gabu fuyana.
3 Aiyunu fuyana yo faloholoho fuyana,
lau lopa fuyana yo ginauli fuyo fuyana,
4 Tantan fuyana yo kwade fuyana,
nuwa heyaya ana fuya yo leꞌi ana fuya.
5 Umeꞌehu fafapei fuyana yo pei gogonidi fuyana,
fagado bainewa fuyana, yo fagado bainewa haꞌasi.
6 Yoꞌo fuyana, yo yoꞌo sa fatautau,
ita wata fuyana, yo fapei fuyana.
7 Kampuliti fuyana yo bodibodi fuyana,
moꞌa pwakum fuyana yo libaliba fuyana,
8 Gadosisi fuyana yo fawaiyunu fuyana,
Hiyala fuyana yo miya daumwali fuyana.
9 Tau paisowa ena paisowa yai, somo ya lobahi?
10 Yaubada mwahu ya tole dodoga lebedi yai mate E ita.
11 Ginauli mahudoꞌina ya ginauli komakomaniꞌidi adi maihala yai.
Fuya hige ana siga Guyau ya tole dodoga nuwadi yai,
in moho somo Yaubada ya ginauli fuya bwaꞌibwaꞌina yai ya lau ee–, ofiꞌofina yai,
mate hige gonowana ta nuwatuhu lobahi.