5
Angwala Gaibu Guyau Lisina yai, Hige i Loholoho
Eccles 5:10-15
10 Sai moni gadosisina lebena yai haba fuya ouꞌouli ya gadogado moni.
Ite hinaga hige aniyona.
11 Yena em moni sa ouli,
dodoga boludi haba sa laowa,
sa saguhim be ami fapaisowa ofina.
Doga fafamonina ena moni ya ita
yo monina ena lau hinaga ya ita.
12 Dodoga sa paisowa adidili haba sa eno komakoman,
anꞌan begana e laꞌilaꞌi sa an, in moho haba sa eno.
Na dodoga fafamonidi,
haba sa modemodeꞌen be ibege ti eno komakoman.
13 Heyaya laꞌilaꞌina hesa E ita tanoꞌubu yai te mate doha ite:
Doga hesa haba moni laꞌilaꞌi ya abi,
na yena ya oihalayen haba ya faheyaya fuyoi.
14 Doha ibe haisa edi moni na sa kai wegowegogoꞌen
be moni ya ofi.
Yena sa peʼi nanatudi ibege edi moni.*Doha ibe haisa edi moni sa abi be seya ya une company lebedi yai
Be yena sa peꞌi, nanatudi ibege edi moni.
15 Mahudoꞌida haba doha ite, te tubuma ma tau afaꞌafada,
na yena te peꞌi, ginauli mahudoꞌina te paisowai
haba te lau afulen, ibege laꞌi ta lawen.