52
Yaubada haba Yelusalem ya Fofofahidi.
Isaiya 52:7-10
7 Wasa tau leyamana tuꞌa ya diꞌoma,
sa ita mate nuwadi sa kwade wananaha. (Loma 10:15)
Yelusalem dodogadi ya falibadi iyebom,
“Wasa Loholohona E leyama, fanuwa esega yo mwahuli wasadi.
Guyau mate emi Kin!”
8 Yelusalem tau bobodiyenna,
sa yogayoga ma kwadedi.
Saiyon yai Guyau ya fuyo,* Yelusalem hesana hesa mate Saiyon.
sa ita wananahai.
9 Yelusalem dodogadi, emi aba talotalopa yai au obiyo!
Au yogayoga ma kwademiu.
Paꞌana Guyau haꞌa nuwamiu ya liba fataludi,
na ya laoma bena ya fofofahimiu.
10 Yaubada ena gigibwali tabuna haꞌa ya famahata.
Haba ya fofofahimiu yo dodoga tanoꞌubu mahudoꞌina yai
ena gigibwali haba sa ita.
13 Guyau iyen, “Egu tau paisowa haba ana paisowa ya fawananaha.
Haba sa ita falaꞌi yo hesana sa lau hitin.
14 Salumadi haꞌa sa ita, mate sa tau hiti.
Nenena ya bui yo itaꞌitana ya heyaya.
Hige doha tau wananaha.
15 Nuꞌu boludi dodogadi haba ya fanoꞌodi,
yo kin boludi haba ya faꞌoigogodi.
Na safaluma ma supusupudi
haba sa ita lobahi.”