3
Nuwa Esega Anꞌangogona Antalasamna
Lewitikusi 3:1-5
1 Guyau ya libalau Mose lisina iyen,
Yena bulumakau tinabawa e tamoꞌana sai ya leyama ena nuwa esega anꞌangogona antalasamna lisigu yai mate tabu tubutubu heyayana. 2 Nimana bena ya tole yosiyosi kuluna yai habahim ya lau funuhi Aba Oigogo Palaina Tabuna aba luhuluhu launa yai. Elon nanatuna, iti antalasam tau gabugabudi haba ꞌwasinana sa abi be aba antalasam sadaina fati sa lau sibusibuidi.
3-4 Yosiyosi momonana ganahewana yai, pouna luwaga ma momonadi mudumuduna sadaina yai, yo atena tefana loholohona bena ya ledima sa gabudi, na ya famala ena ainauya Guyau lisina yai.
5 Elon nanatuna haba yosiyosi atena, pouna yo momona sa tole lawedi oyagi hewana yai be ya famala edi antalasam panena loholohona Guyau lisina yai.*Hwalahwalala ouꞌouli yo maimailafi ouꞌouli antalasam tau gabugabudi Isalaela dodogadi edi antalasam sa gabudi be ai hewana haba anꞌangogo antalasamna hinaga sa gabu lawedi.
Yosiyosi piꞌadi tausomo, sa antalasamedi na mahudoꞌina mate tanuwagana ma afa efana yo haihaidana sa an. Bulumakau antalasamna lau faꞌatana Guyau ya fatalahadi. Sipi yo gouti antalasamdi sa famala anꞌangogo ainauyadi na lau faꞌatana mate doha bulumakau antalasamna lau faꞌatana.
*3:5 Hwalahwalala ouꞌouli yo maimailafi ouꞌouli antalasam tau gabugabudi Isalaela dodogadi edi antalasam sa gabudi be ai hewana haba anꞌangogo antalasamna hinaga sa gabu lawedi.