18
Luma Gwaꞌu Lau Faꞌatadi
Lewitikusi 18:1-6, 19-24
1 Guyau ya libalau Mose lisina iyen,
2 Isalaela dodogadi u falibadi uwe, “Guyau, mate emi Yaubada. 3 Isalaela dodogadi, beyabeyana ma afa haidamiu ami miyamiya Idipi yai na aho E lawemiu Kanana. Tabu emi laulau doha Idipi yo Kanana dodogadi.
4 “Yau Guyau, emi Yaubada
Au ataꞌatahi na egu laugagayo
au lau watan komakomanidi.
5 “Yau Guyau!
Egu oibulu yo egu laugagayo au lau watanidi!
Sai hige i awa abiyedi, ibege i mwahuli.
6 “Yau Guyau!
Tabu sai laꞌi efana hesa
maꞌena ti luma gwaꞌu.”
Guyau iyen,
19 Yena waihin ena nawalahi asiyebona ya abi,
tabu au luma gwaꞌui,
paꞌana in ya bida.
20 Falem tau miya lahuna
tabu u luma gwaꞌui.
Haba ya fabidahem.*Fabidahem e bida aniyona mate laugagayo hinaga.
21 Yau Guyau emi Yaubada!
Tabu natumiu laꞌi au antalasamen
Yena ami ginauli doha
haba ami fataumayamayagu.
22 Tabu tatau luwaga ti luma gwaꞌu,
doha taumoho maꞌena waihin sa luma gwaꞌu.
Laulau ni Yaubada ya ꞌwaiyoꞌo.
23 “Tabu taumoho e waihin laꞌi
maꞌena suisui ti luma gwaꞌu be i fabida fuyoi,
mate hige i dudulai.
24 “Logena, laulaudi te, tabu laꞌi i fabidahemiu, paꞌana laulaudi te debadi yai, Kanana dodogadi safaluma haba E weꞌaidi matamiu yai, haꞌa sa fabidahedi.”