Gaimumu Bukana
Liba Famahata.
BUKA yai te liba boludi. Miyamiya dudulaidi lau faꞌatadi bukana yai te mate Yaubada ena dodoga ya fatalahadi. Lau faꞌata boludi Kin Solomon ya ulidi na haisa mate dodoga hahaisa sa ulidi. Doga hesa hesana Agula haisa ya ulidi (U itaꞌita lau Gaimumu 30:1). Yo Kin Lemuwela hinaga haisa ya ulidi (U itaꞌita lau Gaimumu 31:1). Lau faꞌata laꞌilaꞌi esega buka yai te mate sibasiba mahudoꞌina Yaubada, ena ainauya lebeda yai be doga sibasibana haba Yaubada ya faꞌatiti bwaꞌiyen. Sibasiba ya sagusaguhida eda miya lahaidi mahudoꞌidi yai. Ya saguhida eda luma yai, Gabeman ganahewadi yai yo aba paisowa ganahewadi yai. Ita bena dodoga somo - somoheda, laulau dudulaidi sidohana eda ginaginaulidi, tabu ta nuwa saesae, bena te paisowa adidili yo bena dodoga gogo gesagesadi te saguhidi lau faꞌatadi hinaga buka te ya fatalahada.
1
Heyaya u Gebaen
Gaimumu 1:7-9
Guyau ꞌwasabuna mate sibasiba fatufatubuna,
na yauyauledi mate gaimumu sa ꞌwaiyoꞌoꞌedi.
Natugu, tamam ena gaimumu u atahiyedi
yo tinam ena lau faꞌata tabu u awayagalaꞌedi.
Edi lau faꞌata haba ya saguhim, wa famala doga dudulaina, doha mula kulum yai,
yo doha gadogado gadom yai nenem ya faloholoho.