9
1 Sibasiba ena luma ya ginauli;
ana duhu faligigi luwaga uliꞌulidi ya tadidi.
2 Kalahe ya abi nonohai mataꞌasi laꞌilaꞌi ana yo ana wain ya faꞌasi;
ena fatafata hinaga ya abi nonohai.
3 Ena tau lau fayofayo wawahindi ya duidi sa lau
be tefa hewa wananahana taon lisina yai, dodoga sa yogaidi.
4 Tiyen, “Faꞌeli toutou
yo yauyaule ti laoma egu luma.
5 Au laoma, agu kalahe au an
yo wain E faꞌasi ami au nom.
6 Faꞌeli toutou au fatautau,
haba ami miya.
Sibasiba au famuli watan.”