110
Guyau ena Kin ya Tole Hitin
1 Guyau ya libalau egu Guyau lisina;
Ai sibagu u taꞌai ya lau ee–, am waiyunu E abidi,
be ahem ubuna yai E toledi.
2 Guyau! Em gigibwali ya tadada Saiyon Nuꞌuna yai,
be am waiyunu haba wa tanuwagaidi.
3 Lahaina ni haba am waiyunu wa hiyalaidi.
Haba em dodoga sa faisagusagu.
Doha hwahwalala sibudi, tanohi sa faꞌwau,
am hewahewali tatau haba sa laoma sa saguhimiu.*Lausoisoi te ya poꞌi wananaha Buka haisa tiyen: am hewahewali tatau haba sa laoma lisim ai tuꞌa tabudi. Na haisa sa lau hudoꞌi.
4 Guyau haꞌa ya angwala yo ibege nuwana i bui.
Um haba tau antalasam hige ana siga,
doha Melekisideki ena pele.
5 Guyau mate In nima sibam yai,
lahaina ni yena ya manabala haba kin ya faheyayadi.
6 Haba ena fakasa ya fatalu ai nuꞌu hesa - hesa,
be haba silan yai ya famohafudi,
na tanoꞌubu edi kin haba ya sai tawanidi.
7 Sagasaga edaꞌeda sadaina yai, haba ainiya Kin hoꞌowa ya nom,
be tauna ya faꞌadidilidi.
Ana waiyunu haba ya lei hafihafitidi.
*110:3 Lausoisoi te ya poꞌi wananaha Buka haisa tiyen: am hewahewali tatau haba sa laoma lisim ai tuꞌa tabudi. Na haisa sa lau hudoꞌi.