120
Ruaengicac nunumu
Hombannu kekenggac yegec.
1 Ni ebicgoc kecma KEBU kpacba yeng kiacna negemma turunga merennembeso.
2 O KEBU, ngic goa enacbibicngina ikohagoc nga nedzarangnginaunac ngic ogofocngina tobangyunugecdeac yoac maande, ge yenearunac mesinuna. 3 Nedzarang ge ngicngac tobangyununadeac yoacgoc kecnec, ge yoacna negenna. Ge noc wiac anggembesonga? Amma geac turunga noc wiac gembesonga? 4 Wasaingic yeneac tebemedaha nga icngina gerecyohohagoc, imoc genggecde.
5 Ni nocac Meseke bangecfu kuric kecduae nga Kedare yeneac kporucbedzoac botucfu kecduae.
6 Ngicngac ruaeac modzongina tiande, ngic ifia yenigoc naso hereangoc kefaiac modzona tide. 7 Ni ruaengic nga ruaeyoac deba yeneng ine dzikacac ngic andae.