Ionna tiratna outna timbiŋ rapar
Outna kam
Gan timbiŋ rapara ma iro mbuniŋapna mɨnɨŋap. Na outnanna gade, ma Iesusa rɨpacrena laiplacarmo, otaca mina Raraŋ Aetaniacapa, mana Nuoc Iesus Karaismo iro nikinik kabeap eacna. Na ianna gade, ma toŋgorinanna mina an neaupna wiwitna meikramtaɨrmo, kai watcarica mina minmo paruna, co, minmo wɨŋa mina Raraŋ Aetaniacmo tɨkcarina.
Na an, “Neaupna wiwitna meikramtaɨra,” mina gaindoprena, reikca gan tiacarpaikca eacrenanna, anna reik laiŋ koinda wanaiŋ. Na Iesus, ma Raraŋ Aetaniacna Nuoc, aintik ma ramootna kirara ndaruna towanaiŋ, te, gan tiacarpaikna reikap mɨknan, gan aia morena tɨpna kirar. Na mina gaindoprina, ramootta Raraŋ Aetaniacap laŋ ndeacnanna, ma gan tiacarpaikna reikta moca kai lamŋi teac. Na tɨp kirar wandoŋapa, kabena meikramtaɨrmo matŋirena tɨp kirara, an toco anna gan tiacarpaikna reac. Aintik an tɨpemb kirarirmo, kai raŋgairaŋ teac.
Na Ionna toŋgorinanna, Iesusa rɨpacrena laiplacara an kambmo kourmo kai iki warac teac. Na ma gaindopatna, Iesusa ma ramootna tik toc ŋgoinna ndarurinan, na meikramtaɨra manmo rɨpacrinan, na mina Raraŋ Aetaniacmo matau ŋgoinna matŋiraŋ, na kabena meikramtaɨr motocmo matŋiraŋ.
Aia tacna memetacna wɨwɨr mbuŋa taŋraŋ, na aia neaupna wiwitmo kai wattacarica mina aimo paruna
1
(1.1—3.10)
Iarwarna eteacna watca ma raekca larurina
In 1.1-4, na 1.14, na 20.27, na 2 Pi 1.16, na 1 Io 2.13-14Na atu, atu ŋgoinna, gan tiacarpaikca laru ŋgocor ndeacri, an Kamma ma atuna ndeacrena, na an Kamma aia waraca mamaiat, na aia ndorita lamnik puŋga watta mamaiat, na aia ndorita paɨr puŋga manmo mautiŋgat. An Kamma ma iarwarna eteacna watap. In 1.14, na 21.24, na Up 2.32, na Ro 16.26Na an iarwarna eteacna watta ma larua raekca tɨkatke, aia ndorita lamnik puŋga watca, aia anna wiwitirena. Na aia nemo an iarwarna eteacna watna kamma anna nininina kam ndoprena. Atua ma Raraŋ Aetaniacap eacrinan, na mandeaca ma larua raek matɨkri, na aia ndori puŋga watta marapacat. In 17.21, na Up 4.20, na 1 Ko 1.9, na 1 Io 2.24Ainda moca aia watri, waracrina kamma, aia nen motocmo, an kamma wiwitia mboprena. Nenmo aŋgɨca aia ndoriap aŋgɨri tumbunna tɨkca iro kabea moca Raraŋ Aetaniacapa, mana Nuoc Iesus Karaisap eacna. In 15.11, na 16.24, na 2 Io 1.12Na aia an kamma tir te, aina iroar inkara toŋtoŋgar koindap.
Aia memetacna wɨwɨr mbuŋa taŋraŋ
In 1.9, na 9.5, na 12.35-36, na 1 Ti 6.16, na Ie 1.17, na 1 Io 3.11Na aia Iesus Karaisa mbopatna kamma, aia waraca nenmo an ndoprena, mana mbopatna kamma gaind, Raraŋ Aetaniaca memetac ŋgoin, mana inikca neaup kocor ŋgoin. 2 Ko 6.14, na 1 Io 2.4Na aia ndorimo gaindop te, “Aia manap mɨkrena ramtaɨr,” na aina morena tɨpembca laiŋga wanaiŋ, na an kambca aia mbopapeknanna, aia neaupna inikca taŋrena ramtaɨrta kirarir koind. Anna aia tɨp gidik ŋgoinna mba moapeke. Aia an kammo parurenan. Ais 2.5, na In 3.21, na Epe 1.7, na Ib 9.14, na 1 Pi 1.19, na KIEK 1.5, na 7.14Na aia Raraŋ Aetaniacna memetacna inik ŋgoin ndeac taŋraŋ te, aia muruŋa aŋgɨri tumbunna tɨkca iro kabe aŋgɨca, Raraŋ Aetaniacna Nuoc Iesusna racaindpaikca ndo, aina tɨpemb ŋgorikta makukarmo muruŋa tukia kecarirenan. Te, aia meacramoot rat ndarunande.
Iop 9.2, na Ŋap 32.5, na ML 28.13, na Ie 3.2, na 1 Io 2.4Na aia ndorimo aindop te, “Aia tɨpemb ŋgorikta makukar kocor,” na an kam gidikca aina iroar inkara eac ŋgocor, anna aia ndorita iroar inkar puŋga paruapekna. Na kam gidikca aina iroar inkara mba eacreke, wanaiŋ ŋgoin. Ŋap 51.2, na ML 28.13, na 1 Io 1.7Na aia ndorita tɨpemb ŋgorikta makukarta kam ndopi laru te, Raraŋ Aetaniaca aina tɨpemb ŋgorikta makukara mo kecari ndoprinanna, ma monandet. Na ma aimo tɨp wandoŋ laŋa moca ma aina tɨpemb ŋgorikta makukara muruŋa aiap eacrenanmo, ma mo kecarica, aimo moi meikramtaɨr rat ndarunandet. 10  1 Io 1.8Na aia ndorica aia gaindop te, “Aia tɨp ŋgoreacna makukca mba morenanna.” Te, an kamma ndo Raraŋ Aetaniacna kammo paparu ndopnandet. Na aia ainda mo te, Raraŋ Aetaniacna kam gidikca aina iroar inkara mba eacreke.

1:1 In 1.1-4, na 1.14, na 20.27, na 2 Pi 1.16, na 1 Io 2.13-14

1:2 In 1.14, na 21.24, na Up 2.32, na Ro 16.26

1:3 In 17.21, na Up 4.20, na 1 Ko 1.9, na 1 Io 2.24

1:4 In 15.11, na 16.24, na 2 Io 1.12

1:5 In 1.9, na 9.5, na 12.35-36, na 1 Ti 6.16, na Ie 1.17, na 1 Io 3.11

1:6 2 Ko 6.14, na 1 Io 2.4

1:7 Ais 2.5, na In 3.21, na Epe 1.7, na Ib 9.14, na 1 Pi 1.19, na KIEK 1.5, na 7.14

1:8 Iop 9.2, na Ŋap 32.5, na ML 28.13, na Ie 3.2, na 1 Io 2.4

1:9 Ŋap 51.2, na ML 28.13, na 1 Io 1.7

1:10 1 Io 1.8