Totowai aniaca rɨtɨpacna laiplacarmo laruca mina gɨrgɨr aŋgɨatna
4
(4—5)
Aia nikinik iroar bagrarta iroarmo ndarekrekke
Ro 6.2, na 6.7, na Gal 5.24, na Kol 3.3-5Na Karaisa ma ndona tikna gɨrgɨr aniaca aŋgɨatna, aintik ne toco an iro kabea ma aŋgɨatnanmo, ne an iro motocmo utiŋ gagara. Ainda moca nena ianna ndona tikna gɨrgɨr aŋgɨ te, ma tɨp ŋgoreacna makukna tɨp kirara ma tɨkcaririnan. In 1.13, na Ro 6.11, na 2 Ko 5.15, na Gal 2.20, na 1 Io 2.16Na an mɨnna ne tik mbuŋa eacrena, ne iro bagarna toŋtoŋmo mba raŋgaiitndai. Wanaiŋ ŋgoin. Ne Raraŋ Aetaniacna iro niŋgikca raŋgainandet. Up 17.30, na Epe 2.2-3, na 4.17, na Ta 3.3Na ne nikinik iroar bagrarta tɨpemb kirarirmo raŋgaica moa taŋtaŋa mɨnna matɨkri, na an tɨpemb kirarira rɨtɨpaik kocorta raekmbaina meikramtaɨra toŋgorenan ŋgoin. Na an tɨpemb kirarira meikramtaɨra morenanna, anna tɨpemb ŋgadudukarapa, nikinik iroara moa ŋgepca reik ŋgorikca morenan, na puik gagrara amba ŋaŋaorena tɨpemb kirarirapa, runduik anikca morenan, na amtiambca moca amta reik anikca ambrenan, na puik gagrara amba tɨpemb kirarir ŋgorikca morenan, na Raraŋ Aetaniacna tɨpemb kirarirmo ndarenan, na mɨrpembraraiŋmo mbendeirenan. Up 13.45, na 18.6, na 1 Pi 3.16Na mandeaca ne an tɨpemb kirarira an rɨtɨpaik kocorta meikramtaɨrapa mba morenan. Na mina anna moca ŋgep ŋgoreac naŋgepca nenmo peperena kamb ŋgorik toprenan. Up 10.42, na 17.31, na 1 Ko 15.51-52, na Ie 5.9Aintik iŋmbaia mina ndorimo ritri waparaca wɨtɨk te, mina ritri waparac aniacna ramootna outta wɨtɨkca ndori moatna reikmo manmo mbopnandet. Na an ritri waparacna ramoot, ma kocroca an menacrinanapa, menac kocorta meikramtaɨrta tɨpemb kirarirmo ritrinandet. Ro 8.10, na 1 Ko 5.5Aintik anna mɨnɨŋna moca an menacrina meikramtaɨra mina menac ŋgocor ndeacri, mina kam wembaŋ laŋa mina waracrinan. Na anna gidik, mina menacrinan, an kirara meikramtaɨra muruŋa tɨpemb ŋgorikta makukara morenanna mina menacrenan. Na mandeaca mina iarwarna eteacna wat aŋgɨca mina ŋerŋgaurta kirar toco eacnande, na an kirara Raraŋ Aetaniaca eacrena.
Raraŋ Aetaniaca aimo wanaiŋa neaŋrina reik laiŋga aia matau aiŋa moraŋ
Mt 24.13-14, na Lk 21.34, na Ro 13.11-12, na 1 Ko 10.11, na Pil 4.5, na Kol 4.2, na 2 Pi 3.9, na 1 Io 2.18Na reikta mamaina kɨdrɨkca kɨpca marambuŋairi. Ainda moca ne kai ŋaŋao teac, ne ndorita tɨpemb kirarirmo matau raupŋi, te, ne matau mbendeinandet. ML 10.12, na 1 Ko 13.7, na Kol 3.14, na Ib 13.1, na Ie 5.20, na 1 Pi 1.22Na ne Raraŋ Aetaniacna meikramtaɨrmo matŋirena tɨpemb kirarirmo, matau utiŋa gagra. Na kabena meikramtaɨrmo matŋirena tɨpna kirara ma tɨpemb ŋgorikta makukar wɨtmo, mo irikrenan, na ma kabena tɨp kirarmo kundrena. 2 Ko 9.7, na Pil 2.14, na Pm 1.14, na Ib 13.2Na Raraŋ Aetaniacna kabena meikramtaɨra nenap kɨpi eac te, ne minmo matau ŋgoinna raupŋi. Na ne an aiŋa mo te, ne kai kekelamun ke teac. 10  Ro 12.6-8, na 1 Ko 4.1-2, na 4.7, na Ta 1.7Na Raraŋ Aetaniac ma nenmo kabe, kabemo, kadmaica ma nenmo ndona kakadmaina opotaca wanaiŋa neaŋrenan. Ainda moca ne kabe, kabea mana aiŋna ramoot laŋ ndeacraŋ te, Raraŋ Aetaniacna meikramtaɨr damarmo, ma nenmo wanaiŋa neaŋrina kakadmaina opotaca minmo an mbuŋa otacraŋ. 11  1 Ko 3.10, na 10.31, na Epe 5.20, na 1 Pi 5.11, na KIEK 1.6Ainda moca ramoot ianna ma kam wembaŋ laŋ wiwitina kakadmaina opotacna reac laŋa wanaiŋa aŋgɨ te, ma an mbuŋa kam wembaŋ laŋmo wiwitiraŋnandet. Na ramoot ianna ma kabena meikramtaɨrmo otacrena aiŋa mo te, ma an aiŋmo Raraŋ Aetaniaca manmo neaŋrina gargar mbuŋa moraŋ. Te, an reikca ne muruŋa morenanna, meikramtaɨra an mbatnandet, na Iesus Karaisna i mbuŋa mina Raraŋ Aetaniacna i aniacmo aŋgɨ ŋgepnandet. Na ma i aniacapa, gargarap memetmbaca iarwara eacraŋnandet. Na anna gidik.
Na Karais aŋgɨrina gɨrgɨr tocmo aia toŋgoca aŋgɨraŋ
12  1 Ko 3.13, na 1 Pi 1.6-7Ne aukna aikndamtaɨr koind, tac tocna totowai ianna nenmo larurenan. Na ne kai ŋgep ŋgoreac naŋgepca gainda kai lamŋi teac, anna reac dam ŋgoinna nenmo larurenan. Wanaiŋ ŋgoin. 13  Up 5.41, na Ro 8.17, na 2 Ko 1.7, na 2 Ti 2.12, na Ie 1.2, na 1 Pi 1.5-6, na KIEK 1.9Na an mɨnna Karaisa aŋgɨatna gɨrgɨra, ne toco aŋgɨrinan, aintik ne toŋgoraŋ. Ainda moca Karaisna i aniacapa gargar aniaca laruca raekca tɨkrina, na ne toŋtoŋ aniac ŋgoinna monandet. 14  Ŋap 89.50-51, na Mt 5.11, na 2 Ko 12.10, na Ie 1.12, na 1 Pi 2.20Na ne Karaisna imo, ne utiŋga eacrenan, na anna moca mina nemo kam ŋgorik top te, ne toŋgoraŋ. Ainda moca ne lamŋirenan, Raraŋ Aetaniacna Ŋeroŋa, ma i aniacapa gargar aniacapna Ŋeroŋ, na ma nenap eacrenan. 15  1 Te 4.11, na 1 Ti 5.13, na 1 Pi 2.20Aintik ne ndorimo matau wat, moca mina nenmo gɨgɨrar neaŋ nari, moca ne ramoot ianna mo menacri, co, reik makɨmrina, co, ne kabena tɨpemb ŋgorikca mori, co, ne kabena meikramtaɨrta aiŋmo ndiaŋga aŋgɨrinan. 16  Up 11.26, na Pil 1.20Na ramootta Karaisna meacramoot ian ndaru te, na anna mɨnɨŋna moca ma gɨrgɨr aŋgɨ te, ma anna moca numbira kai mo teac. Wanaiŋ, ma an i, Karaisnandna moa ma toŋgoraŋ, na Raraŋ Aetaniacna imo aŋgɨca ŋgepraŋ.
17  Ier 25.29, na Mal 3.5, na Lk 10.12-14, na 23.31, na 2 Te 1.8Na Raraŋ Aetaniacna ritri waparacna ra kɨpca laru te, aia mana meikramtaɨra ma aimo ritri waparaca monande. Na an ritri waparaca aimo outta laru te, ma titoca tɨkca an Raraŋ Aetaniacna kam wembaŋ laŋmo ndarena meikramtaɨrmo moitndai? 18  ML 11.31, na Lk 23.31Ainda moca Raraŋ Aetaniacna timbigta kapca aindoprinan, “Meikramtaɨr wandoik laiŋmo mac nda aŋgɨna owai te, an meikramtaɨra Raraŋ Aetaniacmo iŋ neaŋrenanapa, tɨpemb ŋgorikta makukara morenanmo tida moit?” 19  Ŋap 31.5, na Lk 23.46, na 2 Ti 1.12Ainda moca Raraŋ Aetaniacna toŋtoŋ mbuŋa ramtaɨr ndeida gɨrgɨr aŋgɨ te, an ramtaɨra ndorita iarwarna eteacna watmo mana para tɨk te, mina tɨpemb kirarir laiŋ tiŋgikca moraŋ. Na Raraŋ Aetaniaca ma ndo aimo morinan, aintik memetmbaca ma aimo mataua raupŋirenan.

4:1 Ro 6.2, na 6.7, na Gal 5.24, na Kol 3.3-5

4:2 In 1.13, na Ro 6.11, na 2 Ko 5.15, na Gal 2.20, na 1 Io 2.16

4:3 Up 17.30, na Epe 2.2-3, na 4.17, na Ta 3.3

4:4 Up 13.45, na 18.6, na 1 Pi 3.16

4:5 Up 10.42, na 17.31, na 1 Ko 15.51-52, na Ie 5.9

4:6 Ro 8.10, na 1 Ko 5.5

4:7 Mt 24.13-14, na Lk 21.34, na Ro 13.11-12, na 1 Ko 10.11, na Pil 4.5, na Kol 4.2, na 2 Pi 3.9, na 1 Io 2.18

4:8 ML 10.12, na 1 Ko 13.7, na Kol 3.14, na Ib 13.1, na Ie 5.20, na 1 Pi 1.22

4:9 2 Ko 9.7, na Pil 2.14, na Pm 1.14, na Ib 13.2

4:10 Ro 12.6-8, na 1 Ko 4.1-2, na 4.7, na Ta 1.7

4:11 1 Ko 3.10, na 10.31, na Epe 5.20, na 1 Pi 5.11, na KIEK 1.6

4:12 1 Ko 3.13, na 1 Pi 1.6-7

4:13 Up 5.41, na Ro 8.17, na 2 Ko 1.7, na 2 Ti 2.12, na Ie 1.2, na 1 Pi 1.5-6, na KIEK 1.9

4:14 Ŋap 89.50-51, na Mt 5.11, na 2 Ko 12.10, na Ie 1.12, na 1 Pi 2.20

4:15 1 Te 4.11, na 1 Ti 5.13, na 1 Pi 2.20

4:16 Up 11.26, na Pil 1.20

4:17 Ier 25.29, na Mal 3.5, na Lk 10.12-14, na 23.31, na 2 Te 1.8

4:18 ML 11.31, na Lk 23.31

4:19 Ŋap 31.5, na Lk 23.46, na 2 Ti 1.12