7
Stipenna an ninik waŋna ramootmo an kamma mbopca malaruat
Karica taup ndamoot paŋan aniaca Stipenmo gaind madigiat, “An kambca ramtaɨra unmo mboprena kambca, anna gidkar, ki, wanaiŋ?” RL 11.31 RL 12.1Ri, ma rutica gaindopatna, “Min laiplacarapa ater, ne warac. Atua aina nicau Abraamma Mesopotemiana pitrikna inik ndeacrina mɨnna, Abraamma Earan auŋa taŋ ŋgocor ndeacri mbuŋa. Tamuŋna Raraŋ Aetaniaca ma ndona memetacna tac aniacapa gargar bagaraniacapna ramoot, ma man ndambuŋ malaruat. Karica Raraŋ Aetaniaca Abraammo gaindopatna, ‘U ndona pitrikapa ndona laiplacarmo tɨkcarica. Na u ŋgepca kabena pitrikca taŋ, na an pitrik aku unmo wandacnande.’ RL 11.31, na 12.4Aintik Abraamma Kaldiananta pitrik tɨkcarica, ma ŋgepca Earan auŋ mataŋgat. Na ma an ndeacrina mɨnna, mana aetta menacatke, Raraŋ Aetaniaca manmo mandaca, kɨpca mandeaca ne anna mbiraca eacrena pitrikca ma an mambiracat. RL 12.7, na 13.15, na 15.3, na 15.18, na 17.8, na 26.3, na 48.4, na TW 2.5Na Raraŋ Aetaniaca an pitrikna emtemmo mba kataca Abraammo mba neaŋga ma ndona ŋgomornandap eacnake, mba mbopatke. Na Raraŋ Aetaniaca gaindopatna, iŋmbai ecte, ma an pitrikmo Abraamapa mana mombonikmo an pitrik neaŋna, an pitrikca minan ŋgoin ndeacnande. Raraŋ Aetaniaca an kam ndopatna mɨn mbuŋa, Abraamma mombonik kocor ndeacrina mɨn mbuŋ ndopatna kam. RL 15.16, na NA 12.40, na Gal 3.17 RL 15.13-14Ri, Raraŋ Aetaniaca Abraammo gaindopatna, una mombonik rɨmbnarapa ŋgamrira taŋca kabena pitrik ndeac te, anna meikramtaɨra minmo tɨpemb ŋgorikca monande, na mina minapmo guiarpaika 400na mɨn ndeac te, mina minmo mbaiŋna aiŋir anik kamnder neaŋi moraŋnande. NA 3.12Na ainda moekna ramtaɨrmo, iŋmbaia aku mina nenmo ainda morena tɨpemb kirarirta ritri waparaca, aku monande. Na iŋmbaia an meikramtaɨrta mombonikca an pitrik tɨkcarica mina gan auŋ nda kɨpca an ndeac te, mina aukmo anna tɨki mbendeiraŋnande. RL 17.10-14, na 21.2-4, na 25.26, na 29.31—35.18Ri, Raraŋ Aetaniaca Abraammo kam leaca gaindopatna, u tikiŋit katac, an ŋgagatraca Raraŋ Aetaniaca Abraamma neaŋgatna. Te, iŋmbaia Abraam Aisakna aet ndaruca, Aisakna raia taŋi parmbaiapa mbutremb mbonkac ndaru te, ma Aisakna tikiŋit katacnande. Na Aisaka Iakopna aet ndaruca, na Iakopa ma aina parniŋapa mbut mbuniŋna nicarta aet.
RL 37.11, na 37.28, na 39.2, na 39.21“Na an nicarpaikca mina ŋgepca ndorita lap Iosepmo titikca moca mamo tɨp laŋa mba moatke, mina ŋgepca manmo tuomna aiŋ kamainda morena ramootta, mona moca manmo aŋgɨca kabena ramtaɨrta para tɨkca, an ramtaɨra manmo oikca Isip naaŋgɨa taŋgatke. Raraŋ Aetaniaca manap maeacri. 10  RL 41.37-41Aintik Raraŋ Aetaniaca manmo otaca, mana mitkarmo moa kecarica, an mɨnna Raraŋ Aetaniaca Iosepmo landamŋiar neaŋga, ma Isipnanta gagrirta ramoot paŋan Peroap mambopri. Ri, gagrirta ramoot paŋanna Iosepna mbopatna kambca waracri, ma Iosepmo toŋtoŋ ŋgoin. Ainda moca gagrirta ramoot paŋanna manmo aŋgɨra Isipnanta ramoot paŋan naaŋgɨa wɨtɨkca, ma gagrirta ramoot paŋanna kac inikna reikta ŋginaŋ mamoat.* Pero, ma Isipnanta gagrirta ramoot paŋan. Na an i Pero, anna mina Isipnanta gagrirta ramtaɨr paŋainda neaŋrena.
11  RL 41.54, na 42.1-2“Na iŋmbaia nik wapatai aniaca Isipna inik ndaruatnanna, kocnaia taŋga Kenan pitrikap aŋgɨca, anna meikramtaɨra muruŋa an mitik bagaraniac aŋgɨca eacri. Na aina nicar toco amta reik kocortacarica kocnaia kotetecarica mori. 12  RL 42.1-5Ainda moca, Iakopa waracatnanna Isipa amta reikca eacrina kam mbaraca, ma aina nicar mbagɨrica mina out ŋgoinna mina Isip mataŋgat. 13  RL 45.1, na 45.16Na iŋmbaia mina mac taŋgatke, Iosepa ndona lacarpitikmo gaind mambopat, ‘Aku Iosep.’ Ri, gagrirta ramoot paŋan Pero, ma an kɨdrɨk mbuŋa ma Iosepna lacarpitikapa lapmbitac kaŋgumkakatacmo ma watta marapacat. 14  RL 45.9-10, na 45.17-18, na 46.27Ri, Iosepa ŋgepca ndona aet Iakopmo ndo ndambuŋ nakɨpna moca kam ndopca taŋga, aindopatna, ‘U kɨp te, ndona 75na mɨnna meacramootmo muruŋ naaŋgɨca kɨp.’ 15  RL 46.1-7, na 49.33Karica Iakopa ŋgepca Isip ŋgirikca an ndeaca, iŋmbaia ma menacatke, aina nicar, mitoco muruŋa mamenacat. 16  RL 23.3-16, na 33.19, na 50.7-13, na Ios 24.32Ri, warir minanmo, mina aŋgɨca mac nda taŋga Sekem auŋna warir tɨkrena taupca tɨkca, an mamutocat. Na an warir tɨkrena taupca atua Abraamma Amorna mombonikta pitrik ŋgoikca, ma mukur mamoat.”
17  RL 15.5, na Ŋap 105.24-25, na Up 7.5-7 NA 1.7-8Karica Stipenna gaind mambopat, “Raraŋ Aetaniaca ndo atua Abraammap ŋganŋgɨa babua mbopatna kamna kirarna rana mɨnna, maica kɨpca rambuŋairi, Israelnaŋgepca Isip ndeacrinanna, mina meikramtaɨrta ŋgaŋganŋgɨa ŋgepca wɨt ŋgoinna tɨkcamacariat. 18 Ri, iŋmbaia ramoot ianna Isipnanta gagrirta ramoot paŋan ndaruca, ma Iosepmo, ma manmo lamŋi ŋgocor. 19  NA 1.10-22Na an gagrirta ramoot paŋan, ma laruca aina meikramtaɨrmo ndona paŋan gargar mbuŋa paruca, minmo tɨp ŋgoreaca moatna. Ma minmo mina mombonik tekirca moi menacna moca anna tɨp gargar matɨkat. Mina minpembmo raekmbaia tɨkca, mina menacrenan. 20  NA 2.2, na Ib 11.23Na an mɨnna Mosesmo mana aemma mana mɨratke, ma mooŋnuoc laŋ ŋgoin, na Raraŋ Aetaniaca manmo toŋtoŋ bagaraniac ŋgoin. Ainda moca mina manmo mana aetna kaca tɨkca raupŋia eaca taŋga karwira mbonkac mamoat. 21  NA 2.3-10Iŋmbaia mina manmo aŋgɨra larua menacna moca raekca tɨkatke, gagrirta ramoot paŋan Perona mooŋa mamo watca, manmo aŋgɨca ndona mooŋnuoc ŋgoin mamoat. 22 Ri, ma ŋgepca Isipnanta tɨpemb kirarirta riptiar mataua aŋgɨra maica, mana kam up gargar aniacapa mana aiŋir gagrar anikca momona ramoot ian malaruat.
23  NA 2.11-15“Maica Mosesna guiarpaikna ŋgaŋganŋgɨa 40na mɨn aŋgɨatke, ma ndona Israelna kamkabear ŋgokena iro ndamŋica ma mataŋgat. 24 Na ma taŋga wattatnanna, Isipna ramoot ianna Israelna ramoot ianmo mo ŋgocraina mori. Na ma aind mbatca ŋgepca Israelna ramoot ŋgotaca Isipna ramootmo kaega moca manap ruŋga manmo pia mamenacat. 25 Na Moses, ma aind ndamŋiatna, mana Israelna laiplacarmo gaind ndamŋina moca, Raraŋ Aetaniaca auk mbuŋa tɨkca min ŋgotaca aŋgɨnande. Na mina ainda lamŋi ŋgocor. 26 Na kabena ra ianna ma wattatnanna, Israelna ramootniŋa ndoniŋa ruŋri. Na ma maniŋna kaega mo menac ndopca, ma tawina taŋga maniŋmo kɨraca, aindopatna, ‘Ae, oŋgo warac, oŋgo kalapniŋ, kaina moca oŋgo ndoniŋmo ainda ruŋre?’ 27 Ri, outta tɨkca kaega moa ŋgepatna ramootta, Mosesmo ŋgikia kecarica, aindopatna, ‘Umo mandaia ndo aina ramoot paŋan naaŋgɨra larua larapacatna, na aina kambca ritri waparacna ramoot paŋan naaŋgɨra wɨtɨkatna? 28 U auk mac, pi, menacna mac moek ki, ŋour ŋgoinna u Isipna ramootta pia menacatna kirar?’ 29  NA 2.21-22, na 18.3-4Ri, Mosesa an kam mbaracatke, ma ŋgepca kɨpcarica mataŋgat. Na ma taŋga Midiananta pitrikmo kɨkɨpna ramootna kirar toc ndeacrina. Iŋmbaia ma anna meac laŋgoca, nuocna mooŋnuocniŋa tɨkca mamɨrat.”
30  NA 3.1-10Karica Stipenna gaind mambopat, “Mosesa eaca guiarpaika 40na mɨn maiatke, ma ramtaɨr kocorta taup ianna Sainai takurna roumbca rambuŋaia eacrina taupca taŋga an ndeacrina. Ri, Raraŋ Aetaniacna mbaiŋna aiŋa morena ŋeroŋ ianna, man ndambuŋmo an ik tekernocna tac wɨwɨra mana ŋaikta kɨdrɨkna tacna mim inikca eacrinanna, man ndambuŋmo larurinan. 31 Ri, Mosesa an laruatna reac mbatca, ma an reacna moca tamtam ndamŋica. Ma ndomo matau watna moca taŋga rambuŋairi, Raraŋ Aetaniac Kacootta manmo gaind mambopat, 32 ‘Una nicara Abraamapa, Aisakapa, Iakopa aku mina Raraŋ Aetaniac.’ Ri, Mosesa an kamma waraca dumrikica, an reaca wat narica rugut moca nanambiamacariat. 33  Ios 5.15Ri, Raraŋ Aetaniac Kacootta manmo gaindopatna, ‘U ndona ortɨmbɨk ŋgapaocniŋ pituk, an pitrik umbumma u anna wɨtɨkca eacrenanna anna auknan, na aukna lamnɨacmo ma rat ŋgoin. 34 Aku watrina, aukna meikramtaɨra Isip ndeacrenanna, Isipna meikramtaɨra, minmo tɨp ŋgoreaca moreke, mina aereke, aku mina nananaea mawaracri. Ainda moca aku minmo Isipnanta para tɨki, mac nda aŋgɨ ndopca anna ŋgirikcapekna. Aintik u ŋgepca Isipa taŋ.’ ”
35  NA 2.14, na 14.11-12, na Ndu 20.16Karica Stipenna gaind mambopat, “Na outmbaica an ramoot kabe Mosesmo, Israelnaŋgepca mana kam mbarac narica, mina manmo gaindopatna, ‘Unmo mandaia ndo aina ramoot paŋan naaŋgɨra larua larapacatna, na aina kambca ritri waparacna ramoot paŋan naaŋgɨra wɨtɨkatna?’ Na an ramoot Mosesmo, Raraŋ Aetaniaca ndo mamo ramoot paŋan naaŋgɨra wɨtɨkca min mac nda aŋgɨ ndopca mandaca taŋgatna ramoot. An ramootmo Raraŋ Aetaniacna mbaiŋna aiŋa morena ŋeroŋa mamo tacna kirara, raŋ inikca wɨrrina kirar mbuŋ nakɨpca manmo gargar neaŋgatna. 36  NA 7.3, na 12.41, na 14.21, na 16.1, na 16.35, na Ndu 14.33, na Ŋap 105.27Na Mosesa Israelnaŋgepmo Isipa tɨkca aŋgɨca mina ŋgepca Isip tɨkcarica laruca, ma ŋgagatracar anikapa ainta reac, reaca moa malaruri, an Isipna inikapa Macait Laupapmo, ma an reikca moca makɨpri. Na an reik kocorta pitrik aniacmo ma guiar 40na mɨnna ma an reikca morina. 37  TW 18.15, na 18.18, na Mt 17.5, na Up 3.22Ande an ramoot Moses, ma ndo ma Israelnaŋgepmo ma gaindopatna, ‘Raraŋ Aetaniaca nena barna ianmo larapacnande, na ma aukna kirar tocna ramma morena ramoot ndarunande.’ 38  NA 19.1—20.17, na TW 5.1-33, na Ais 63.9, na Up 7.53, na Ro 3.2, na Gal 3.19, na Ib 2.2Iŋmbaia aina nicara mina taŋga tumbunna tɨkca an ramtaɨr kocorta taup ndeacatke, Moses, ma ndo ma minap eacrina. Ainda moca ma min tɨkcarica Sainai Takur tamuŋ nagacatke, Raraŋ Aetaniacna mbaiŋna aiŋa morena ŋeroŋa mamo Raraŋ Aetaniacna kamb maneaŋgat, an kambca iarwarna eteacna kamb topca maica, ma mac nda irikca nemo an kambca iarwarna eteacna kambca, ma an mawiwitiat.”
39  Ndu 14.3Karica ma gaind mambopat, “Na aina nicara Mosesna kam mbaparaca mina toŋgo ŋgocor, na mina toŋtoŋa mina ndorimo Isip mac nda tataŋna landamŋiap. 40  NA 32.1, na 32.23Ainda moca mina ŋgepca Aronmo gaindopatna, ‘U aina mɨrpembraraiŋta dawar ndeida moca mina aina outmbaica taŋraŋna. Aia Mosesmo lamŋi ŋgocor! An ramootta ma aimo Isipa tɨkca aŋgɨra laruatna ramoot, aia man ndaruapekna reaca aia lamŋi ŋgocor.’ 41  NA 32.2-6, na TW 9.16, na Ŋap 106.19Ainda moca an mɨnna, mina da ianmo bulmakao nuoc toca moca, manmo aŋgɨra ndorita mɨrɨpraraŋa moca mana gɨmbamba moca, anna toŋtoŋa moca anna amtiam rapaca keca mberairina. 42  Ŋap 81.12, na Ier 19.13, na Esi 20.24, na 20.39, na 2 Te 2.11Ri, mina ainda moca Raraŋ Aetaniaca minmo iŋ neaŋga wattacarica mina guiarapa raapa karwaimo aŋgɨri ndorita mɨrpembraraiŋa moca minmo tutpemb rɨmbɨtca mina mbendeinande. An rambca morina ramtaɨrta mbopatna kambca mina timbigta kapta inikca tirca eacrena kambta kirara gaindopatna, ‘Ne Israelnaŋgep tikca, ne an guiara, 40na mɨnna an ramtaɨr kocorta taupemb tiŋgik ndeacatke, ndorita tɨpemb ŋgorikca mo kecarina moca bulmakaorapa sipsipara rɨŋga moekna gɨmbamba, ne auk ki, ndamŋica moekna gɨmbam ki, a? Aku aindopnande, wanaiŋ ŋgoin. 43 An Ndamma ne aŋgɨra taŋrenanna, anna aukna Ndamma wanaiŋ. Anna mɨrɨpraraŋ Moleknan. Ri, ne toco guina da ianna moca, an guimo mɨrɨpraraŋ Repannan ndopca ne anap aŋgɨrca taŋrena. Ne an paparuna reikmo mɨrpembraraiŋ topca moa maica, ne ndorimo mina outmo tutpemb rɨmbɨtca mina mbendeina moca. Aintik aku nenmo nena eacrena pitrikca tɨki aŋgɨri ootca, nenmo mandaca ne taŋca pitrik aniac Babilonmo werapca monmbai waŋna pitrikca mandaca ne taŋca an ndeacnande.’ ” An mɨrɨpraraŋ Molek, ma Iudana meikramtaɨr wanaiŋna mɨrɨpraraŋ. Na Repan toco, ma reac tamuŋna gui ian, na mina manmo mbendeirena mɨrɨpraraŋ ian. Na an kamma Stipenna mbopatnanna, ma ramma morina ramoot Emosna timbigta kap sapta 5 wes 25 taŋca wes 27na mɨn. Na Emosa gainda ninirina, Israelnaŋgepca atu ŋgoinna mina Raraŋ Aetaniacmo mba mbendeirenanna, wanaiŋ ŋgoin. Mina Raraŋ Aetaniacna kammo nda mboprena, na an tɨpna kirara mina an Iudana meikramtaɨr wanaiŋna mɨrpembraraiŋmo raŋgaica mbendeirena. Aintik iŋmbaia Raraŋ Aetaniaca watrinanna, Israelnanda manmo iŋ neaŋri, na ma Babilonnanmo wattacarica mina ŋgepca minapmo ruŋga, mina Israelnanmo aŋgɨca Babilonna pitrikna kaik ŋgorikca tɨkatna.
44  NA 25.9, na 25.40, na 26.30, na Ib 8.5Ri, Stipenna gaind mambopat, “Aina nicara an ramtaɨr kocorta taup ndeacrina mɨn mbuŋa, mina Raraŋ Aetaniacna Ndam aniacap aŋgɨra taŋrina. Ri, an Ndam aniacna inikca Raraŋ Aetaniaca ndo ŋgoinna an inik ndeacrenan. Na maica mina an Ndamma mona mo te, mina Raraŋ Aetaniaca Mosesmo wandacatna reikta kirar ŋgoinna raŋgaica, an Raraŋ Aetaniaca Mosesmo riptica mboprena kirara, mina ainda monande. 45  Ios 3.14-17, na 18.1, na 23.9, na Nei 9.24, na Ŋap 44.2, na Up 13.19Iŋmbaia an nicarta mombonikca an Raraŋ Aetaniacna Ndam aniac aŋgɨrca, Iosua raŋgaica mina taŋca kabena meikramtaɨrta pitrikmo, Raraŋ Aetaniaca an pitriknaŋgepta meikramtaɨrmo aina nicarta lamnɨac ŋgoutta tɨkca, ootta mandacatna pitrikmo, mina Raraŋ Aetaniacna Ndam aniacmo an naaŋgɨri wɨtɨkca, an Ndam ndeaca taŋca Dewitta gagrirta ramoot paŋan ndaruekna mɨnna tɨknande. 46  1 Sml 16.1, na 2 Sml 7.1-16, na 1 GRP 8.19, na 1 Nin 17.1-14, na Ŋap 89.19, na 132.1-5An ramoot Dewitmo, Raraŋ Aetaniaca manmo otaca mataua morena ramoot, aintik ma Raraŋ Aetaniacmo mambendeiat, ndomo watcari te, ma mana kac laŋ ianna moca Iakopna rɨmbnarapa ŋgamrira an kac inikca mbukca tutpemb rɨmbɨtca tamuŋna Raraŋ Aetaniaca mbendeiraŋna moca. 47  1 GRP 6.1-38, na 8.20, na 1 Nin 17.12, na 2 Nin 3.1-17Aindopatna kaca, Solomonna ndo iŋmbai mamoat.”
48  1 GRP 8.27, na 2 Nin 2.6, na 6.18Karica Stipenna gaind mac mbopatna, “Na auŋ tamuŋna Raraŋ Aetaniaca, ramoot par moekna kaca ma gidik, gidik ŋgoinna mba eacitndai, an kamma anna rambca morina ramtaɨrta mbopatna kamb,
 
49  Mt 5.34-35, na 23.22 Ais 66.1-2‘Raraŋ Aetaniac Kacootta gaindopatna,
“Tamuŋna auŋa anna aukna mbiracrena taup,
na tiacarpaikca aukna orniŋ lotairena taup,
aintik ne aukmo titocna kac ŋgoinna moit?
Na titocna taupca ndo aukna wɨktɨtɨkna taupca moit?
50 An reikca auk moa maiatna reik.” ’ ”
 
51  NA 32.9, na TN 26.41, na TW 10.16, na Ais 48.4, na 63.10, na Ier 6.10, na 9.26Ri, Stipenna ninikar waŋgorapna ramtaɨrmo gaind mac mbopatna, “Ne paŋaind gagrarta ramtaɨr koind, ne kam mbarac ŋgocorta ramtaɨrta kirar, nena nikemb inkarta iroara kocnaia watta mboraca, anna ma raekmbai ndeacreke, morena ramtaɨrta kirarir koind. Na nena kour inkara kocnaia rɨkdacarica, ne Raraŋ Aetaniacna kamma mba waracrenanna. Ainda moreke, nena nicara atua memetmbaca morina kirara, ne Ŋeroŋ Ratna kam mbarac narica karirina. 52  2 Nin 36.16, na Mt 21.35, na 23.31, na 1 Te 2.15Na titocna ramma morina ramootmo atua, nena nicara minmo tɨp kirar laŋa moatna? Wanaiŋ ŋgoin. Na rambca morina ramtaɨra minmo gan kam ndopatna, tɨp wandoŋ niŋgikca morena ramoot ian ma kɨpnande, aindopatna ramtaɨrmo nena nicara minmo, rɨŋga menaca mamaiat. Mina aindopatna ramootta, ma kɨpca laruatke, ne maŋgepatnanna manmo aŋgɨra puŋnaŋgepta, para tɨkca mina mamo rɨŋga mamenacat. 53  NA 20.1, na Up 7.38, na Gal 3.19, na Ib 2.2Ne Tɨp Wandɨkmo mbaiŋna aiŋa morena ŋerŋgaur tambuŋa tɨkca aŋgɨratna, na ne anmo mba ŋaŋaria raŋgairinanna.”
Mina Stipenmo watur puŋga rɨŋga mamenacat
54  Up 5.33Iudananta ninikar waŋgorta ramtaɨr paŋainda, mina Stipenna mbopatna kamb mbaraca, manmo nikembkatacarica ndaɨrpakemb irikca, ikca maica. 55  Mt 22.44, na Up 2.33-34, na 5.31, na 6.5Ri, Stipenmo Ŋeroŋ Ratta manmo mbukca lacakeca, ma tamuŋna auŋa raia watca ma Raraŋ Aetaniacna memetacna tac aniaca mawatat. Na Iesusa Raraŋ Aetaniacna par umbaina waŋga wɨtɨkca eacrenan tocmo ma mawatat. 56  Esi 1.1, na Dan 7.13, na Mt 3.16, na Up 10.11, na Kol 3.1Ri, ma minmo gaind mambopat, “Ae, ne warac, tamuŋna Raraŋ Aetaniacna auŋa gootca maeacreke, aku wattapeknanna Ramootna Nuoca ndona Aetna par umbaia wɨtɨkca maeacreke.”
57 Ri, mina an kambca waracatke, mina an kambca waparaca, toŋgo ŋgocor, aintik mina kamb anik keca mina muruŋa, ootta taŋga Stipenmo muocameraca. 58  TW 13.9, na Lk 4.29, na Up 6.13-14, na 22.20, na Ib 13.12Mina manap aŋgɨca wuoc raek naaŋgɨrca malaruat, manmo watur puŋga rɨŋ menac ndopca. Aŋgɨca larua raekca tɨkca, manmo ŋgaua paparuta kamb topatna ramtaɨra, mina ŋgepca ndorita tikemb ŋgapoik anikmo riaŋga aŋgɨra ramoot ŋgam ianna kɨtɨmma tɨkcamacariat, na an ramootna ia Sol. Tɨp Wandɨkca Israelnaŋgepmo aindoprena, ramootta tɨp ŋgoreac ŋgoinna mo te, mina manmo auŋmo raekmbai naaŋgɨ laruca, watur puŋga mamo rɨŋi taŋi ma menacnandet. Na Taup Ndamtaɨrna timbigta kap sapta 24 wes 13 taŋca wes 16na mɨn, na Ndunduna timbigta kap sapta 15 wes 35na inikca u anna wat, an kam toco an ndeacrena. 59  Ŋap 31.5, na Lk 23.46Na an mɨnna, mina Stipenmo watur puŋga rɨŋ menacna rɨŋri, Stipenna Kacoot Iesusmo mbendeica aindopatna, “U aukna irikekna ŋeroŋmo u aŋgɨ.” 60  Mt 5.44, na Lk 23.34, na Up 9.40, na 21.5Ri, ma tutupniŋ rɨmbɨtca mbiraca kam aniac keca, gaindopatna, “Kacoot, mina aukmo ainda morena tɨp ŋgoreacna makukmo, u kai lamŋi teac.” Stipenna aindopacarica, ma mamenacat.

7:2 RL 11.31

7:2 RL 12.1

7:4 RL 11.31, na 12.4

7:5 RL 12.7, na 13.15, na 15.3, na 15.18, na 17.8, na 26.3, na 48.4, na TW 2.5

7:6 RL 15.16, na NA 12.40, na Gal 3.17

7:6 RL 15.13-14

7:7 NA 3.12

7:8 RL 17.10-14, na 21.2-4, na 25.26, na 29.31—35.18

7:9 RL 37.11, na 37.28, na 39.2, na 39.21

7:10 RL 41.37-41

*7:10 Pero, ma Isipnanta gagrirta ramoot paŋan. Na an i Pero, anna mina Isipnanta gagrirta ramtaɨr paŋainda neaŋrena.

7:11 RL 41.54, na 42.1-2

7:12 RL 42.1-5

7:13 RL 45.1, na 45.16

7:14 RL 45.9-10, na 45.17-18, na 46.27

7:15 RL 46.1-7, na 49.33

7:16 RL 23.3-16, na 33.19, na 50.7-13, na Ios 24.32

7:17 RL 15.5, na Ŋap 105.24-25, na Up 7.5-7

7:17 NA 1.7-8

7:19 NA 1.10-22

7:20 NA 2.2, na Ib 11.23

7:21 NA 2.3-10

7:23 NA 2.11-15

7:29 NA 2.21-22, na 18.3-4

7:30 NA 3.1-10

7:33 Ios 5.15

7:35 NA 2.14, na 14.11-12, na Ndu 20.16

7:36 NA 7.3, na 12.41, na 14.21, na 16.1, na 16.35, na Ndu 14.33, na Ŋap 105.27

7:37 TW 18.15, na 18.18, na Mt 17.5, na Up 3.22

7:38 NA 19.1—20.17, na TW 5.1-33, na Ais 63.9, na Up 7.53, na Ro 3.2, na Gal 3.19, na Ib 2.2

7:39 Ndu 14.3

7:40 NA 32.1, na 32.23

7:41 NA 32.2-6, na TW 9.16, na Ŋap 106.19

7:42 Ŋap 81.12, na Ier 19.13, na Esi 20.24, na 20.39, na 2 Te 2.11

7:43 An mɨrɨpraraŋ Molek, ma Iudana meikramtaɨr wanaiŋna mɨrɨpraraŋ. Na Repan toco, ma reac tamuŋna gui ian, na mina manmo mbendeirena mɨrɨpraraŋ ian. Na an kamma Stipenna mbopatnanna, ma ramma morina ramoot Emosna timbigta kap sapta 5 wes 25 taŋca wes 27na mɨn. Na Emosa gainda ninirina, Israelnaŋgepca atu ŋgoinna mina Raraŋ Aetaniacmo mba mbendeirenanna, wanaiŋ ŋgoin. Mina Raraŋ Aetaniacna kammo nda mboprena, na an tɨpna kirara mina an Iudana meikramtaɨr wanaiŋna mɨrpembraraiŋmo raŋgaica mbendeirena. Aintik iŋmbaia Raraŋ Aetaniaca watrinanna, Israelnanda manmo iŋ neaŋri, na ma Babilonnanmo wattacarica mina ŋgepca minapmo ruŋga, mina Israelnanmo aŋgɨca Babilonna pitrikna kaik ŋgorikca tɨkatna.

7:44 NA 25.9, na 25.40, na 26.30, na Ib 8.5

7:45 Ios 3.14-17, na 18.1, na 23.9, na Nei 9.24, na Ŋap 44.2, na Up 13.19

7:46 1 Sml 16.1, na 2 Sml 7.1-16, na 1 GRP 8.19, na 1 Nin 17.1-14, na Ŋap 89.19, na 132.1-5

7:47 1 GRP 6.1-38, na 8.20, na 1 Nin 17.12, na 2 Nin 3.1-17

7:48 1 GRP 8.27, na 2 Nin 2.6, na 6.18

7:49 Mt 5.34-35, na 23.22

7:49 Ais 66.1-2

7:51 NA 32.9, na TN 26.41, na TW 10.16, na Ais 48.4, na 63.10, na Ier 6.10, na 9.26

7:52 2 Nin 36.16, na Mt 21.35, na 23.31, na 1 Te 2.15

7:53 NA 20.1, na Up 7.38, na Gal 3.19, na Ib 2.2

7:54 Up 5.33

7:55 Mt 22.44, na Up 2.33-34, na 5.31, na 6.5

7:56 Esi 1.1, na Dan 7.13, na Mt 3.16, na Up 10.11, na Kol 3.1

7:58 TW 13.9, na Lk 4.29, na Up 6.13-14, na 22.20, na Ib 13.12

7:58 Tɨp Wandɨkca Israelnaŋgepmo aindoprena, ramootta tɨp ŋgoreac ŋgoinna mo te, mina manmo auŋmo raekmbai naaŋgɨ laruca, watur puŋga mamo rɨŋi taŋi ma menacnandet. Na Taup Ndamtaɨrna timbigta kap sapta 24 wes 13 taŋca wes 16na mɨn, na Ndunduna timbigta kap sapta 15 wes 35na inikca u anna wat, an kam toco an ndeacrena.

7:59 Ŋap 31.5, na Lk 23.46

7:60 Mt 5.44, na Lk 23.34, na Up 9.40, na 21.5