4
1 TN 25.43, na 25.53, na Epe 6.9Na ne tuombta aiŋir kamnderta meikramtaɨrta ramtaɨr paŋainda, ne tɨpemb kirarir laiŋapa, tɨpemb kirarir wandoikmo minmo muruŋa moraŋ. Na ne gaind ndamŋi, ne toco tamuŋna auŋna Ramoot Paŋanap.
Na aia mbembendei gargarna tɨp kirarapa wandoŋa taŋraŋna tɨp kirara raŋgairaŋ
2 Epe 6.18, na Pil 4.6Ainda moca ne mbembendeina tɨpemb kirarirmo matau utiŋraŋ. Na an kɨdrɨkca ne mbendeina mo te, ne matau ŋgoinna lamŋica Raraŋ Aetaniacmo kam laŋ neaŋ. 3 Ro 15.30, na 1 Ko 16.9, na Epe 6.19Na ne Raraŋ Aetaniacmo mbendeia ma ai motocmo otacnan. Na manmo digica ma aimo taup gootca aia Karaisna kam wiwitina. Na an kamma atua ma iŋgoroca eacrenan, na mandeaca ma laruca raekca tɨkca eacrenan. Ainda moca meikramtaɨra an kamma waracna karirinan, ri, mina aukmo kac ŋgoreaca tɨkrinan. 4 Epe 6.20Ainda moca ne mbendeiraŋ te, aku an kammo matau wiwitina, na an tɨpna kirara Raraŋ Aetaniaca toŋgorenanna aku ainda mona.
5 Epe 5.15-16, na 1 Te 4.11-12Na an kɨdrɨkca ne raekmbaina meikramtaɨra Iesusna rɨtɨpaikta meikramtaɨrta tumbunap eac te, ne iroar laiŋga raŋgairaŋ, na tɨpemb kirarir laiŋga moraŋ. Na memetmbaca ne kocroca eaca, minmo Karaisna tɨpemb kirarira wandacna. 6 Mk 9.50, na Epe 4.29, na Kol 3.16, na 1 Pi 3.15Na memetmbaca ne kamb laiŋ tiŋgik ndopraŋ, ainta kamb tiŋgikca meikramtaɨra toŋgoca waracrenan. Na ne kabena meikramtaɨrta kambmo nda ruti mbopna mo te, ne matau lamŋica ruti mbop.
Pola Tikikusapa Onesimusmo Kolosia mandaca taŋrinan
7 Up 20.4, na 2 Ti 4.12Epe 6.21-22Aintik Tikikusa ma auk morina aiŋirta kambmo, muruŋa mbopnandet. Na ma aina aiŋ kabeapa, aina Iesusa rɨpacrena laiplacarta ian ŋgoin, na ma Kacootna aiŋa mona ramoot laŋ ŋgoin. 8 Na anna mɨnɨŋna moca aku manmo nen ndambuŋa mandaca kɨprinan, te, ne lamŋinandet, aia titoca eacrenan, na ma nena iroar inkara moi gagranande. 9 Pm 1.10-12Aintik aku Onesimusmo, Tikikusap mandaca kɨprinan. Na Onesimus, ma aina Iesusa rɨpacrena laiplacarta ian ŋgoin, na ma nena kamkabe. Na maniŋa nenmo gan ndarurina reikta kambmo, muruŋa mbopnandet.*Onesimusa ma Pilimonna tuomna aiŋ kamainda morena ramoot.
Pola Kolosinandmo ra laŋ neaŋga taŋrina
10 Up 12.12, na 12.25, na 13.13, na 15.37-39, na 19.29, na 27.2, na Pm 1.24Na Aristakas, ma aukap kac ŋgoreaca eacrenan, na ma nenmo ra laŋ neaŋrinan. Na Banambasna mɨk Mak, ma toco nenmo ra laŋ neaŋrinan. Na ma nen ndambuŋa kɨp te, ne man aŋgɨna toŋtoŋap aŋgɨ, na anna moca aku nenmo kamma neaŋga kɨpca mboprinan. 11 Na Iesus, mina manmo Iastus ŋgacrenan, ma toco nenmo ra laŋ neaŋrinan. Na Iudana wiwitna inikna an ramtaɨr mbonkac niŋgikca aukmo otaca Raraŋ Aetaniacna bubuoca mo ŋgeprenan, na mina aukmo matau ŋgoinna otacrenan.
12 Kol 1.7, na Pm 1.23Na Epaparas toco, ma nenmo ra laŋ neaŋrinan. Na ma toco, nena kamkabeapa, ma Karais Iesusna aiŋna ramoot. Na memetmbaca ma gagraca mbendeica Raraŋ Aetaniacmo digica nenmo otaca gagraca wɨtɨkna. Na Raraŋ Aetaniacna an tɨpna kirara ne maaŋgɨri, na ne mana toŋtoŋa muruŋa matau ŋgoinna lamŋirenan. 13 Na aku nenmo gaindopnandet, ma nenapa Iesusna rɨtɨpaikta meikramtaɨrta tumbunna auŋ aniac Laodisiananapa, auŋ aniac Ierapolisa eacrenanmo opotacna aiŋ aniaca morenan. 14 2 Ti 4.10-11, na Pm 1.24Na Luk, ma an pitir gagamma aia muruŋa matŋirenan ŋgoin, manapa Demasa maniŋa nenmo ra laŋ neaŋrinan.†Na meikramtaɨr wɨtta gaind ndamŋirena, gan Luka ma ndo gan timbigta kapniŋmo tiratna, anna Luka tiratna Kam Wembaŋ Laŋapa, Iesusna Up Aŋgɨrena Ramtaɨrta Aiŋna Nininina Timbigta Kap.
15 Na aku toŋgorinanna, ne aukna ra laŋmo Laodisia eacrena Iesusa rɨpacrena laiplacarmo neaŋ. Na Nimpana kaca punirena Iesusna rɨtɨpaikta meikramtaɨrta tumbunapa, Nimpamo ra laŋ tocmo neaŋ. 16 Na an kɨdrɨkca ne gan timbiŋ rapara wati mai te, ne Laodisiana Iesusna rɨtɨpaikta meikramtaɨrta tumbunmo neaŋ taŋca min toco, anna watna. Na an kabena timbiŋ rapara Laodisiananmo, aku ŋgaua tirra neaŋga taŋrinanmo, ne toco anmo aŋgɨca anna wat. 17 Pm 1.2Te, ne Akipusmo gaindop, “An aiŋa u Kacoot ndambuŋa tɨkca aŋgɨrinanna, u matau ŋgoinna raupŋi, na u an aiŋmo matau moraŋ.”
18 1 Ko 16.21, na 2 Te 3.17Ainda moca aku Pol, aku ndona par mbuŋa nenmo gan ra laŋ neaŋna moca, gan kambca tirrina. Na ne aukna moca lamŋiraŋ, aku kac ŋgoreac maeacreke. Na Raraŋ Aetaniacna kakadmaica nenapmo eacnande.
4:1 TN 25.43, na 25.53, na Epe 6.9
4:2 Epe 6.18, na Pil 4.6
4:3 Ro 15.30, na 1 Ko 16.9, na Epe 6.19
4:4 Epe 6.20
4:5 Epe 5.15-16, na 1 Te 4.11-12
4:6 Mk 9.50, na Epe 4.29, na Kol 3.16, na 1 Pi 3.15
4:7 Up 20.4, na 2 Ti 4.12
4:7 Epe 6.21-22
4:9 Pm 1.10-12
*4:9 Onesimusa ma Pilimonna tuomna aiŋ kamainda morena ramoot.
4:10 Up 12.12, na 12.25, na 13.13, na 15.37-39, na 19.29, na 27.2, na Pm 1.24
4:12 Kol 1.7, na Pm 1.23
4:14 2 Ti 4.10-11, na Pm 1.24
†4:14 Na meikramtaɨr wɨtta gaind ndamŋirena, gan Luka ma ndo gan timbigta kapniŋmo tiratna, anna Luka tiratna Kam Wembaŋ Laŋapa, Iesusna Up Aŋgɨrena Ramtaɨrta Aiŋna Nininina Timbigta Kap.
4:17 Pm 1.2
4:18 1 Ko 16.21, na 2 Te 3.17