15
Harathɨgi enseri, mbe harathɨgi bigi mbatɨgi guarira suigi.
1 Wkp 26.21; VB 12.1-3; 14.10; 15.6-7; 21.9Gu mbaram garav, gu harigi khesharigi bigɨna guarara garim, ana Hevenan hɨgim, gu guigira ŋgava mbatɨga muuŋgi. Gu garav, harathɨgi enseri garim, mbe kha nuianan ki gumgi gu mbigir farfarga harathɨgi bigi mbatɨgi guarira, mbe nta suigi. Mba bigi mbatɨgi, nta za vhɨzgirga, wom harigi bigɨna mbatɨk the hɨgɨrga fhu. Mba harathɨgi bigi mbatɨgi hegɨp, guigira Fhe Bakɨme ndav shirɨ vhɨzgirga.
2 VB 4.6; 5.8; 13.15-17; 14.2; 21.18Gu mbaram garav, gu mbasɨga mbe garim, ana gras gu vhava fara muuŋgi. Gu vhɨra garim, mba ntara mbuav, mba ruaŋruaŋgi sɨga phorga shogav, ana mbevav, vhɨra ana tuma kargi bigɨna mbevav, vhɨra ana tum gu zɨ mbevigi gumgi gu mbigi, mbe mba grasa fara muuŋgi mbasɨga taan thivgia ki. Mbe thivgiap, Fhe Bakɨme mbe nɨɨŋgi gitagi suigiap, thivgiap ki. aKha saptan buni vhɨrve, nta Moses neŋgegi buni fara muuŋgi. Moses Idzɨvin farfar zav bigi mbatɨgi ga mbuim, nta hegi. Mba Isreriŋ, mbe Idzɨp thav, vov, mbasɨk sharav, muen hɨgap, mbe mbasɨk taaŋra thivgiap kav, Moses Isrerin kov, mbe Fhe Bakɨmen ŋgava mbui. Ndu Taagia Ndigi o, Kisim Bek 15 ganɨri. 3 Kis 15.1; Lo 31.30; Sng 92.5; 111.2; 139.14; 145.17; VB 11.17; 14.3; 16.7Mbe kav, Fhe Bakɨmen ŋaara guma Moses gum Sipsiva Ŋguk muuŋgi ŋgava mbui. Mba ŋgav khaŋ muuŋgi,
“Guma Bakɨme, ndu Za Ŋkasŋka Ki Fhe Bakɨme ma.
Ndu mbarkɨrga ŋaari nta ŋkasŋka ki.
Ndu guigira ŋaari bakɨvi, ndu nta mbui.
Nza mba ŋaari garav, nza guigira ŋgava mbatɨga mbui.
Ndu za kha nuianan ki ŋgui bakɨvir ki gumgi gu mbigi gari, ŋgui vhɨrve gari guman pan ma.
Ndu mbui tɨvi, nta za nzerigi.
4 Sng 86.9; Ais 66.23; Jer 10.7Guma Bakɨme, ndu nduara, ndu za ŋgaravra ki.
Maaŋ muuŋgiap, kha gumgi gu mbigi, mbe za ndun rɨvɨri.
Mbe ndun rɨvɨv, ndu zɨ ndiv vun kuamkuari.
Kha nuianan ki gumgi gu mbigi za zɨv, ndun rotur muuŋri.
Ne khaŋ muuŋgi, ndun tɨvir vhuuiŋ za kɨrar hɨgi.”
5 Kis 38.21Kha bigi hɨgim, gu nta zɨ mbugum Fhe Bakɨme Sher Phena garim, mba Guigi Guarara Ŋgarigi Rum, ana fhogi. Mba Fhe Bakɨme Sher Phen, ana guigira buni guari ndi hiaŋ tɨgi. 6 VB 15.1Gu garav, gu harathɨgi enseri garim, mbe guigira kha nuianan ki gumgi gu mbigir farfarga, harathɨgi bigi mbatɨgi guarira suigiap, Fhe Bakɨme Sher Phenan kegap kɨrar hi. Mbe rinenan muuŋgi shagi vhuuiŋ guarira, nta guigira ŋgara garav, guigira vhekvhegi, mbe nta shargi. Mbe nta shargiap, mbe gorar muuŋgi reri mparavi bakɨvi rɨgi, nta mbe fheeŋphugi vhagi. 7 2 Te 1.9; VB 4.6; 4.9; 10.6; 14.10Mba fethɨgi ŋamki bigɨna, mbe harathɨgi gorar muuŋgi thuuri, ana nta ndiga zav, mba harathɨgi enseri ga ndɨɨi. Mba thuuri zazera mbara muuŋgiap ki Fhe Bakɨmen ndav shirɨ bakɨ guar mba thuurir ki. 8 Kis 40.34; 1 Kin 8.10-11; 2 Sto 5.13-14; Ais 6.4; Ese 44.4; 2 Te 1.9Fhe Bakɨmen vhava ŋaarar thuur, ana ŋkasŋka Guigi Guarara Ŋgarigi Ruman givav ki. Guma the ana phenan vhen ŋgirgɨrga tuktɨgi fhuvara. Zakɨra fhuvara! Mbe mba harathɨgi enseri, mba harathɨgi bigi mbatɨgir, mbe ntan ŋgarigi thugɨrim, mbe za mba Fhe Bakɨme Phena vhen ŋgirɨrga.
15:1 Wkp 26.21; VB 12.1-3; 14.10; 15.6-7; 21.9
15:2 VB 4.6; 5.8; 13.15-17; 14.2; 21.18
a15:2 Kha saptan buni vhɨrve, nta Moses neŋgegi buni fara muuŋgi. Moses Idzɨvin farfar zav bigi mbatɨgi ga mbuim, nta hegi. Mba Isreriŋ, mbe Idzɨp thav, vov, mbasɨk sharav, muen hɨgap, mbe mbasɨk taaŋra thivgiap kav, Moses Isrerin kov, mbe Fhe Bakɨmen ŋgava mbui. Ndu Taagia Ndigi o, Kisim Bek 15 ganɨri.
15:3 Kis 15.1; Lo 31.30; Sng 92.5; 111.2; 139.14; 145.17; VB 11.17; 14.3; 16.7
15:4 Sng 86.9; Ais 66.23; Jer 10.7
15:5 Kis 38.21
15:6 VB 15.1
15:7 2 Te 1.9; VB 4.6; 4.9; 10.6; 14.10
15:8 Kis 40.34; 1 Kin 8.10-11; 2 Sto 5.13-14; Ais 6.4; Ese 44.4; 2 Te 1.9