9
A nianga tupas no tunotuno nong i kure ira ut na ninge: ing da inge iakan ra ninge, da mur no kaungana no ninge “No Minaat tano Natine.” Devit ga pit ie.
1 Nng 26:7Watong, iau ni pirlat ugu ma no nugu nilon bakut.
Iau ni hapuasne ira num tamat na melmel na gingilaan na kinarup bakut.
2 Nng 5:11; 104:33,34Iau ni kanakana ma ni guama taam.
Iau ni inge na pirharlat tupas ugu, augu Nong U Naliu Harsakit.
3 Ira nugu ebar diet tahurus tapukus,
diet talau ma diet maat menalua taam.
4 Kanong warah, u te tur tano nugu palpal ma ira num gil harkurai.
U te kis aram tano num kinkinis na harkurai, ma u harkurai ma ra taktakodas.
5 Snd 10:7U te boor ira kantri ing diet pai Iudeia, ma u te gil haliare ira ut na sakena.
U te suge hatikane se um ira hinsa diet.
6 Nng 34:16A halhaliarai ing pana le pataam i te haan tupas ira adahat suk.
U te dure ira udiet pise na hala,
ma di te luban hatikane um diet.
7 No Watong i harkurai hatika.
I te hatur hadadas no uno kinkinis na harkurai wara tar harkurai.
8 Aie na kure no ula hanuo ma ra taktakodas.
Aie na balaure ira matanaiabar ma ra tutun na harkurai.
9 Nng 59:9,16,17No Watong aie no barbarahit wara audiet ing di hagahe diet.
I la balbalaure hadadas diet ta ira pakana bung na tinirih.
10 Nng 91:14Diet ing diet nunure no hinsaam, diet na nurnur taam,
kanong warah, Watong, pau la lumluban diet ing diet silsilihe ugu.
11 Inge na pirlat tupas no Watong nong i la kiskis aram Saion.
Da harpir nalamin ta ira kantri ta ira linge gate gil,
12 Stt 9:5; Nng 72:14kanong aie nong i la balbalu pukus diet ing diet bu bing tunotuno,
ma pai la hadade bia tar ira sunuah ta ing diet kap tinirih.
13 Watong, nes ira agu suk ing diet helar tagu huo.
Marse iau ma nu hatut iau talur no hanuo na minaat,
14 Nng 13:5; 51:12waing iau nigi hapuasne ira pirhakasing tupas ugu ra matmataan na haruat aram Saion,
ma kaia iau ni guama tano num harhalon tupas iau.
15 Nng 7:15,16Ira kantri ing diet pai Iudeia, diet te puko laka taar tano naan nong diet gate koh tar ie,
ma ira kaki diet te taaba baling at tano kuun diet ga kapis tar ie.
16 Di nunure no Watong tano uno takodasiana harkurai.
Ira ut na sakena diet taaba baling ta ira pinapalim na lima diet.
17 Jop 8:13Ira ut na sakena diet tapukus taar tano midi,
ma ira matanaiabar ta ira kantri bakut ing diet luban God.
18 Snd 23:18Iesen ira malahahin, God pa na luban hatikane diet.
No harharahut nong ira maris diet nuruan ie, pa na pataam hatika.
19 Nam 10:35Nora Watong, taman tut! Waak u bale leh tiga tunotuno mon bia na petlaar ugu.
Bale ira kantri ing diet pai Iudeia bia diet na tur ra matmataan taam, ma nu kure diet.
20 Nng 62:9Watong, haramramin diet.
Hapalaine ira matanaiabar ta ira kantri bia a tunotuno mon diet.