14
A nianga tupas no tunotuno nong i kure ira ut na ninge: Devit ga pit iakan ra ninge.
1 Nng 53:1-6; Rm 3:10-12;No ulba i tange narako tano kaatine,
“Taie ta God.”
Ira udiet nilon i mapus sakasaka ma da miliguruane ira udiet tintalen.
Taie tikai i gil no tahut.
2 Nng 33:13-15No Watong i nanaas suur meram ra mawe
ta diet ing a tunotuno mon diet
wara nesnes ing bia tikai i palai
ma bia tikai i sisilih uta God.
3 Nng 58:3Diet bakut diet te siel wiis laah.
Diet tika bakut, diet te hanuat sakena.
Taie tikai pai gil no tahut,
taie tunat tikai.
4 Mai 3:3; Ais 64:7 Hohe, pai tale bia ira ut na gil nironga diet na nunure tiga linge?
Diet ing diet harsirikane ira nugu matanaiabar hoing tikai i ien beret,
ma diet pai la sasaring tupas no Watong.
5 Diet ke, nora ramramin i manga ubal diet,
kanong God i kis tika ma ira ut na takodas.
6 Nng 9:9Muat ira ut na sakena, muat habatbat ira lilik udiet ira maris,
iesen no Watong aie no udiet barbarahit.
7 Maris, iau manga sip bia no harhalon ta ira Israel na hanuat me Saion!
Ing no Watong na bul pukus habaling ira bilbilai taar ta ira uno matanaiabar,
i tahut bia ira bulumur te Iakop diet na guama. I bilai bia ira Israel diet na laro.