25
Devit ga pit iakan ra ninge.
1 Nng 86:4Iau raun haut no nugu lon ukatiga ho ugu, Watong.
2 Nng 31:1Nugu God, iau so no nugu nurnuruan taam.
Waak u balbale se tar iau bia da bul iau ra hirhir
ma bia ira nugu ebar mah diet pa na paas hasur iau.
3 Ais 49:23Taie tikai ing i kis nanahai taam
bia tiga pakana bung na kaha hirhir,
iesen diet ing diet la gilgil ra sakana hasakit ma taie ta burena,
diet na kaha hirhir.
4 Tuko haminas iau ta ira num ngaas, Watong.
Hausur iau ta ira num tintalen.
5 Lue iau narako ta ira num tutun ma nu hausur iau,
kanong augu, God, no nugu Ut na Harhalon,
ma iau kis nanahai taam ta ira bungbung bakut.
6 Nng 103:17Watong, lik leh no num bala malum ma harmarsai,
kanong dir at menalua saakit.
7 Nng 51:1Waak u liklik leh ira nugu sakana magingin tano nugu pakana bung na marawaan
ma ira nugu magingin na patnau.
Haruat ma no num harmarsai, lik leh iau,
kanong a bilai ugu, Watong.
8 Nng 32:8Bilai ma takodasiana no Watong,
io kaik, gi pir ira ut na sakena ta ira uno ngaas.
9 Nng 23:3I la lulue ira matien na tunotuno ta ira linge i takodas,
ma i hausur diet tano uno ngaas.
10 Ira tintalen bakut tano Watong i hung ma ra harmarsai ma i tutun harsakit
ta diet ing diet taram ira harkurai tano uno kunubus.
11 KBk 34:9Wara gaiena no hinsaam, Watong,
lik luban ira nugu saksakena kanong a haleng saakit.
12 Sige um no tunotuno nong i burte no Watong?
No Watong na tuko hamines no ngaas gate gilamis tar ie wara uta iakano tunotuno.
13 Snd 1:33No uno kidilona nilon na kis narako ra bilbilai,
ma ira uno bulumur diet na tinane no pise.
14 Snd 3:32No Watong i la hinhinawase ira tunotuno ing diet ru ie utano uno lilik susuhai.
I la hapalaine no uno kunubus ta diet.
15 Ira matagu i la kis taar tano Watong,
kanong augu sen nu lapus ise ira kakigu tano matana hinau.
16 Talingaan ukai ho iau ma nu marse iau,
kanong iau te kis sen taar um ma ra hinangul.
17 Ira ngunngutaan tano nugu nilon i te tamtamat hakakari.
Halangalanga iau ta ira nugu tapunuk.
18 2Sml 16:12; Nng 31:7Nu nanaas ta ira nugu hinangul ma ira nugu tinirih,
ma nu kap se bakut ira nugu magingin sakena.
19 Nes baak, ing ira nugu ebar diet te haleng saakit,
ma ing diet manga malentakuane iau.
20 Nng 86:2; 25:2-3Balaure no nugu lon ma nu ras leh iau.
Waak u bale iau be da bul iau ra hirhir,
kanong iau la barahit taar taam.
21 Nng 41:12Iau sasaring bia ira bilbilai ing i kis taar tano balagu ma ira nugu taktakodas na balaure iau,
kanong iau kis nanahai taam.
22 God, halangalanga Israel
sukun ira udiet ngunngutaan.