49
A nianga tupas no tunotuno nong i kure ira ut na ninge: ira bulumur ta Korah diet ga pit iakan ra ninge na lotu.
1 Hadade ken, muat ira tunotuno.
Taram, muat ing muat lon ta iakan ra ula hanuo,
2 muat ira lualua ma muat ira malahahin,
muat ira watong ma muat ira maris mah.
3 No hagu na tange ira nianga na minminonas.
Ira inga na nianga mekai ra kaatigu na tar palpalai.
4 Iau ni sa talingagu taar ta ira nianga na minminonas.
Ing ni ting no haap ni palas no kukuraina i susuhai taar tano nugu nianga.
5 Nng 23:4; 27:1Iau pa ni burut ing ira sakana pakana bung na hanuat,
ma ing bia ira ut na harabota sakasaka diet na luhutane iau,
6 Jop 31:24; Nng 52:7; Snd 11:28; Mk 10:24diet ing diet so nurnuruan ta ira udiet tamat na bunbulaan
ma diet latlaat ta ira udiet kinkinis na watong.
7 Taie tikai i tale bia na kul pukus no lon auno tiga mes,
bia na tar kunkulaan ta God wara gaena.
8 Mt 16:26No kunkulaan wara gaena tiga lon a tabi matana.
Taie ta kunkulaan i haruat
9 Nng 16:10; 89:48bia na kul halon hathatikane habaling ie
ma pa na nes no minaat.
10 Sav 2:16,18,21; Lk 12:19-20Dahat bakut i tale bia dahat na nes ira ut na mintota diet na maat.
Ira ba ma ira ngulo diet hiruo tiga mangaan mon
ma diet waak kapis tar ira udiet minsik taar ta ira mes.
11 A ngasia diet hatika at um ira udiet midi,
ma nudiet katon na kinkinis mah ta ira kaba pakana bung,
sukmaal bia diet te hasur hinsa diet taar ta ira kaba katon na pise.
12 No tunotuno ing bia auno mon tamat na bunbulaan, iesen pa na kis lawas,
i ngan hoing ira wawaguai di haliare.
13 Iakan aie no kunkulaan audiet ing diet so nurnuruan baling at ta diet,
ma si mah ing diet murmur diet ma diet haut leh ira udiet nianga.
14 Dan 7:18; Mal 4:3; 1Ko 6:2; Ni 2:26Diet haruat hoing ra sipsip di te tagure tar wara ures ra midi,
ma no minaat na iaiaan ta diet.
Ira ut na takodas diet na kure kaike ra tunotuno ra malaan,
ing ira palatamai diet na marsang ares ra midi
tapaka ta ira udiet melmel na hala.
15 Nng 16:10-11Iesen God na kul pukus leh iau mares ra midi.
Tutun saakit, na lamus leh iau tupas ie.
16 Nng 37:7Waak u ramramin ing bia tikai na hanuat watong,
ma bia no minarine no uno hala na tamtamat hanahaan,
17 1Tm 6:7kanong pana le kap tiga linge mei ing na maat,
ma no minamarine pa na hansur tika mei.
18 Ing ga lon taar, ga lik bia no uno kinkinis ga manga bilai,
(ma a tutun bia di la pirpirlat ugu ing u petlaar),
19 Stt 15:15; Jop 33:30iesen na kis tika ma ira luptamana menalua
ing diet pa na nes habaling no palai tano kasakes.
20 Tikai auno mon tamat na bunbulaan ma taie ta palpalai tana,
i ngan hoing ira wawaguai di haliare.