55
A nianga tupas no tunotuno nong i kure ira ut na ninge: da ting ira mangana gita ing da inge iakan ra ninge. Devit ga pit ie.
1 Nng 27:9God, taram ira nugu sinasaring.
Waak bia nu malok tano nugu sinasaring marmaris.
2 Ais 38:14Hadade iau ma nu balu iau.
Ira nugu lilik i hapurpuruan iau ma iau te tapunuk
3 2Sml 16:7,8ta ira inga diet ira ebar,
ma ta ira mata diet ira ut na sakena ing diet ngokngok dikdikit tagu,
kanong diet ubal iau ma ra ngunngutaan,
ma diet tange hagahe iau ma ira udiet ngalngaluan.
4 No nugu lilik i haruburubu.
No bunurut na minaat i manga ubal iau.
5 Jop 21:6A bunurut i haan tupas iau ma iau manga dedar.
A ramramin i sigam iau.
6 Iau ga tange bia, “Awai! Ing bia gor mon babagu hoing ra bun,
iau gor pupungo laah ma nigi sangeh.
7 1Sml 23:14Iau gor hilau laah utapaka
ma iau gor kis tano hanuo bia.
8 Ais 4:6; 25:4Iau gor habir ukatiga tiga subaan na barbarahit,
tapaka tano morohiluo ma no baiangin.”
9 Stt 11:9Watong, nu hangunguo ira ut na sakena bia diet na ianga lalawata,
kanong iau nes ra magingin na harhagawai ma ra hargau kai tano pise na hala.
10 Ra kasakes ma ra bung diet haan kumaan hurbit ta ira lar tano pise na hala.
A sakana tintalen ma ra purpuruan kenam narako tana.
11 Nng 5:9; 10:7A tintalen wara halhaliarai kenam narako tano pise na hala.
A harabota ma ra harmang pai la patpataam ta ira uno mansuk bakut.
12 Ing bia tiga ebar gor sa sakana nianga taar tagu,
iau gor tale bia ni bala maat taar at mon.
Ing bia tiga sukagu gor tut na ngalngaluan ma iau,
iau gor tale bia ni mun tana.
13 Jop 19:14; Nng 41:9Iesen augu mon nong u te gil kan ra linge, a tunotuno augu hoing iau,
no nugu harwis tutun nong dar git lalon tika.
14 Nng 42:4Ma augu ing dar git guguama tika
ing dar git hanahaan tika ma ra haleng tunotuno tano hala ta God.
15 Snd 6:15; Ais 47:11; 1Te 5:3; Nam 16:30-33Iau sip bia no minaat na hakarup ira nugu ebar
ma diet na maat lilon,
kanong no saksakena i lalon nalamin ta diet.
16 Iesen iau tataau uram ho God
ma no Watong i halon iau.
17 Dan 6:10Ra matarahien, ra malaan ma ra pokona kasakes
iau suah puasa ma ra ngunngutaan
ma i hadade no ingagu.
18 A haleng diet tur mamate iau
iesen God i kul pukus iau ma iau pai hiruo
tano hinarubu di gil ie ma iau.
19 Lo 33:27God, nong no uno kinkinis na harkurai i kis hathatikai,
aie na hadade diet ma na hangungutaan diet,
diet ira tunotuno ing diet pa na kios ira udiet magingin
ma diet pa na burte God.
20 Nam 30:2Nong mir la lalon tika i tut na hinarubu ma ira uno harwis.
I kutus no uno kunubus tika.
21 Nng 12:2; 28:3; Snd 5:3,4Ira uno nianga i namnamien hoing ra baata,
iesen no uno lon i sip hinarubu taar.
Ira uno katona nianga i manga ududuh ta ira wel,
iesen kaike ra nianga i haruat ma ra wise i taguro taar wara harkato.
22 1Pt 5:7Tar se ira num tinirih tano Watong
ma aie na hadadas ugu.
Pa na waak se ira ut na takodas bia diet na puko.
23 Iesen augu, God, nu bul hasur ira ut na gil sakena
ukaia narako tano lulur na minaat.
Ira ut na hinarubu bingibing ma ira ut na hinarabota
diet pa na lon lawas.
Iesen iau at, iau so nurnur taam.
55:1: Nng 27:9
55:2: Ais 38:14
55:3: 2Sml 16:7,8
55:5: Jop 21:6
55:7: 1Sml 23:14
55:8: Ais 4:6; 25:4
55:9: Stt 11:9
55:11: Nng 5:9; 10:7
55:13: Jop 19:14; Nng 41:9
55:14: Nng 42:4
55:15: Snd 6:15; Ais 47:11; 1Te 5:3; Nam 16:30-33
55:17: Dan 6:10
55:19: Lo 33:27
55:20: Nam 30:2
55:21: Nng 12:2; 28:3; Snd 5:3,4
55:22: 1Pt 5:7