60
A nianga tupas no tunotuno nong i kure ira ut na ninge: ing da inge iakan ra ninge, da mur no kaungana no ninge “No Puspuspal tano Kunubus.” Devit ga pit iakan ra ninge wara tar harausur. I hinhinawas utano pakana bung ing ga harubu me Aram Naharaim ma ne Aram Zobah, ma Ioab ga tapukus ma ga bu bing ra sangahul ma iruo na arip na tunotuno me Edom kaia tano salil di kilam ie bia “Sol.”
1 God, u te malok se het ma u te bul hasur het.
U gate ngalngaluan. Kaiken um, kap pukus habaling leh mehet ukatiga ho ugu!
2 2Sto 7:14U te gune no pise ma u te habanga ie.
Hatakodas pukus ing i banga, kanong kana baak i gungunagune.
3 Ais 51:17,22U te ubal ira num matanaiabar ma ira dadas na pakana bung.
U te hamamo het ma ra wain ing i gil het gi haan lakaleka.
4 Ais 11:12; 13:2Iesen uta diet ing diet ru ugu tika ma ra bunurut,
u te kute haut tiga hakilang waing diet naga barahit kaia ta ira rumus.
5 HNng 108:6-13alon het ma no dadas na kata na limaam, ma nu taram no nugu sinasaring,
waing mehet ing u manga sip het, mehet naga langalanga taar.
6 Stt 33:17-19; JGod i te ianga meram tano uno halhaliana subaan hoken:
“Iau te kap taman taar, kaik iau ni palau ira nugu matanaiabar ma no taman Sekem
ma ni hapupuo tar no salil Sukot ma ni tar ie ta diet.
7 Jos 13:31; Lo 33:17; Stt 49:10No hanuo Gileat a nugui, ma no huntunaan Manase a nugu mah ie.
Epraim no nugu kukuha na hinarubu,
ma Iudeia no nugu hakilang na harkurai.
8 2Sml 8:1,2,14Moab aie no nugu tultulai wara gisgis ira kakigu.
Iau te se tar ira nugu pala lamaas na pinpaas ta Edom wara hamines bia iau te hahirhir ie.
Iau te barangang ing iau petlaar Pilistia.”
9 Sige na lamus halaka tar iau tano pise na hala nong i manga naliu ira uno lar?
Sige na lua tagu ukaia Edom?
10 Jos 7:12Kanong warah, God, augu at u te malok se tar het,
ma pau hanahaan tika ma ira nuhet umri.
11 Tar ta harharahut wara turtur bat ira amehet suk,
kanong a linge bia mon ira harharahut gar na tunotuno.
12 Dahat na bul hasur ira adahat suk ma no harharahut ta God.
Aie at na papasuane hasur diet.