71
1 Nng 25:2,3; 31:1-3Watong, iau te barahit taam.
Waak u bale bia da hahirhir iau.
2 Kap pukus iau ma nu halangalanga iau haruat ma no num magingin takodas.
Sa talingaam ukai ho iau ma nu halon iau.
3 Lo 33:27; Nng 18:2Nu hanuat hoing no nugu haatkis wara barbarahit,
nong i tale bia ni hanahaan hait ukaia.
Tar no nianga bia da halon iau,
kanong augu no nugu haatkis ma no nugu dadas na subaan na munmun.
4 Nugu God, halon iau talur ira limana no ut na sakena,
ma ta ira lapara luma diet ira ngarngarine ma ira ut na hanghagahai.
5 Watong Kiskis, iau la kis nanaho ma ra nurnuruan taam.
Iau te balaraan taam mekatiga laah ing iau ga marawaan taar.
6 Nng 22:9,10; 34:1Mekaia laah di ga kap iau, iau ga soh lilik taar taam.
U ga kap hawaat iau mekatiga ra balana no nugu makai.
Iau ni pirlat ugu hathatikai.
7 Ais 8:18; Nng 61:3Iau te hanuat tiga hakilang uta ira halengin,
kanong augu no nugu dadas ma no nugu barbarahit.
8 No hagu i hung ma no num pirharlat,
ma i tange hapuasne no num minamar tano bung bakut.
9 Ais 46:4Waak u malok se iau ing iau ni patuana.
Waak u haan sukun iau ing ira nugu dadas na pataam.
10 Mt 27:1Ira nugu ebar diet tange bia diet wara hagahe iau.
Diet ing diet nanaho wara bingbing iau, diet wawor kumaan tika.
11 Nng 3:2; 7:2Diet tange, “God i te haan talur ie.
Da hilau mur ie ma da palim kahei,
kanong taie tikai na harahut ie.”
12 God, waak u taptapaka tagu.
Nugu God, hanuat gasien wara harharahut iau.
13 Est 9:2Iau sip bia diet ing diet tung iau, diet na hirhir ma diet na hiruo hatika laah.
Iau sip bia diet ing diet wara haliare iau, na ubal diet ira nianga na hinasakit ma diet na malahuan.
14 Iesen iau balik, iau ni nanaho hatika ma ra nurnuruan taam,
ma no nugu pirharlat tupas ugu na tamtamat hanahaan.
15 Iau pai tale bia ni was bakut leh ira num takodasiana magingin
ma ira num magingin na harhalon,
iesen iau ni hinawas palai uta kaike ra magingin tano kidilona bung.
16 Watong Kiskis, iau ni hanuat ma ni tange hapuasne ira num dadas na gingilaan.
Iau ni tange hapuasne ira num magingin takodas sen mon, ma pataie bia tano taktakodas gar ta tiga mes.
17 Lo 4:5; 6:7; Nng 26:7; 40:5God, tur leh mekatiga laah ing iau ga marawaan taar, u ga hausur iau,
ma tuk katin iau hinawas palai ta ira num tamat na gingilaan na kinarup ing i melmel saakit.
18 Nng 22:31; 78:4,6Ma ing mah iau patuana ma iau te ul hipala,
God, waak u haan sukun iau,
tuk iau ni hinawase hapalaine tar ira bulumur tano num dadas,
ma utano num baso ta diet baak ing diet na hanuat.
19 Lo 3:24God, no num takodasiana magingin i hanut muk uram ra mawe,
augu nong u te gil ra tamat na linge saakit.
God, taie tikai i haruat ma augu.
20 Hos 6:1,2U te gil iau bia ni kilingane ra haleng na tinirih ma ra ngunngutaan,
iesen nu ru timaan habaling no nugu lon.
Mekatiga ra balana no pise,
nu raun haut habaling iau.
21 Ais 49:13Nu hatamat no hinsagu
ma nu habalaraan habaling iau.
22 Nugu God, iau ni pirlat ugu ma no haap,
kanong u la gilgil haruatne ira num kunubus.
Augu no Halhaliana me Israel,
iau ni inga ninge na pirharlat tupas ugu ma no nugu gita.
23 Nng 34:22; 55:18Ira palabulugu na kup ma ra gungunuama,
ing iau ni inga pirharlat taar taam.
Iau ni pirlat ugu ma no nugu nilon bakut kanong u te kul pukus leh iau.
24 No karamegu na hinawas ta ira num takodasiana gingilaan tano kidilona bung,
kanong diet ing diet ga wara hangungutaan iau,
u te gil hahirhir ma u te hamalahuan diet.