80
A nianga tupas no tunotuno nong i kure ira ut na ninge: ing da inge iakan ra ninge, da mur no kaungana no ninge “Ira Puspuspal tano Kunubus.” A ninge na lotu ta Asap.
1 KBk 25:22; 1Sml 4:4; 2Sml 6:2Hadade mehet, augu no Ut na Harbalaurai ta Israel.
Augu ing u lue Iosep hoing ra kaba sipsip.
Augu ing u kis tano num kinkinis na king nalamin ta ira iruo kerubim, het saring ugu bia nu rarang
2 nalua ta ira huntunaan na Epraim, Beniamin ma Manase.
Hamines ta mehet ira num dadas.
Mai, ma nu halon mehet.
3 Kra 5:21; Nam 6:25God, nu hasigarine habaling het.
No matmataan taam na rarang naliu ta mehet,
waing mehet naga langalanga sukun ira numehet tinirih.
4 Watong, augu no God Nong i Dadas Harsakit,
na haruat hunanges no num bala mamahien taar ta ira sinasaring ta ira num matanaiabar?
5 Nng 42:3U te tabar diet, ma diet iaan tika ma ra polo na mata diet.
U te hamamo diet ma ra tamat na polo na maata.
6 Nng 44:13U te gil bia ira tunotuno diet kis hutet ta mehet, diet na harubu pane ira numehet pise,
ma ira numehet ebar, diet kukutur ta mehet.
7 God Nong u Dadas Harsakit, nu hasigarine habaling het.
No matmataan taam na rarang naliu ta mehet,
waing mehet naga langalanga sukun ira numehet tinirih.
8 Ais 5:1,2,7; Ese 17:6; Jos 13:6; 2Sto 20:7; Ap 7:45; Amo 9:15U ga rau tiga ina wain ma Isip.
U ga pasak hasur ira huntunaan bakut ta ira nudiet pise ma u gaam so ie.
9 KBk 23:28; Jos 24:12; Ais 5:2U ga sasare no pise utana,
ma i ga mon boline ma i ga burung no pise.
10 No maguruh tana ga kasar ira uladih.
Ira katena ga kasar ira tamat na taltalona daha.
11 Ira singarena i haan saakit ures na tes.
Ira boline i haan tapaka saakit ukaia tano taah Iuperetis.
12 Ais 5:5Warah u dure hasur no wer nong i la long bat tar ie,
kaik diet ing diet hanahaan saakit ta iakano ra ngaas, diet gi dik ira hunena?
13 Jer 5:6Ira bore maram ra tingena malit, diet haliarei,
ma ira rakaia na wawaguai diet iaan tana.
14 God Nong u Dadas Harsakit, tapukus ukai ta mehet.
Nanaas suur maram ra mawe ma nes het.
Nes mur iakan ra ina wain.
15 Nng 80:8No kata na limaam gate so no boline.
Aie no bulu nong u te halon hatamat leh ie wara num at.
16 2Sto 36:19No num ina wain di te buruh ie, ma di te hakarat ie.
Ira num matanaiabar diet hiruo na minaat kanong u gate boor diet.
17 Nng 89:21; 80:15I tahut bia nu hadadas no tunotuno i tur taar tano kata na limaam,
iakano tunotuno nong u ga gilamis leh ie wara num at.
18 Io huo, mehet pa na tur talur ugu.
Hanunuhuan mehet, ma mehet na tataau utano hinsaam.
19 Watong, augu no God Nong i Dadas Harsakit, nu hasigarine habaling het.
No matmataan taam na rarang naliu ta mehet,
waing mehet naga langalanga sukun ira numehet tinirih.