89
Tiga ninge tane Etan tano huntunaan ta Esra.
1 Ta ira kaba bungbung tano nugu nilon iau ni inge utano tamat na harmarsai tano Watong.
Iau ni hinawas palai ta ira tunotuno ing diet lon katin ma namur mah bia u la hatutun ing u tange.
2 Iau ni hinawas palai be no num harmarsai i la tur dikdikit taar ma pana le pataam,
ma bia u te hatutun ing u tange hoing ira linge kenam ra mawe pai kikios.
3 1Kng 8:16U ga tange bia, “Iau te gil tiga kunubus tika ma nong iau te gilamis leh ie.
Iau te kubus nianga taar ma Devit no nugu tultulai, iau gaam tange hoken:
4 2Sml 7:16; 7:13; Ais 9:7; Lk 1:33‘Iau ni hakisi hatikane tar no num huntunaan,
ma iau ni hatur hadadas no num kinkinis na king ma pana le pataam.’ ”
5 Watong, ira angelo aram ra mawe diet pirlat ira num tamat na melmel na gingilaan na kinarup,
ma kaia tano udiet kis hulungai diet pirlat mah ugu bia u hatutun ing u tange.
6 Kanong sige tikai aram ra mawe da hapupuo tikanei ma no Watong?
Sige tikai nalamin ta ira angelo bakut ing i haruat hoing no Watong?
7 Di manga ru God nalamin tano kis hulungai ta ira angelo.
Aie nong da manga rui ta diet bakut ing diet kis luhutane tar ie.
8 Watong, augu no God Nong i Dadas Harsakit, sige nong i haruat ma ugu?
U manga dadas, Watong, ma u la hatutun ira linge bakut ing u tange.
9 U kure mah no tes ing i gus.
Ing ira pakananoh i tut, u hamarur diet.
10 Ais 30:7; 51:9U ga pas rigis Rahap*Rahap: No hinsana tiga tamat na sui ares na tes ta ira pir menalua saakit, ma a malalar ie ta ira sakana magingin ma bia pataie ta malum ta ira nilon ta ira tunotuno. I tale bia i iangianga uta Isip kaiken, no ebar ta Israel. hoing tikai di kato bing ie.
U ga pasak harbasiane ira ebar ma no dadas na limaam.
11 A num no mawe ma a num mah no ula hanuo.
U ga hakisi no ula hanuo ma ira linge bakut kenam narakoman tana.
12 Het 4:6; Lo 3:8U ga gil no ula hanuo bakut, hatahun leh mekatiga hono kasakes i la tutut hut ures hono kasakes i la sungsuguh.
No uladih Tabor ma no uladih Hermon dir la inginge ma ra gungunuama tano hinsaam.
13 No limaam i hung taar ma ra baso.
A dadasine no limaam, no kata na limaam da manga lat ie.
14 A takodasiana magingin ma ra tutun na harkurai dir ira burena no num kinkinis na king.
A harmarsai ma no tutun dir la hanahaan nalua taam hoing ira num tultulai.
15 Watong, a haraidaan na kis ta diet ing diet te lasa bia diet na pirlat ugu,
ma diet ing diet haan tano murarang tano matmataan taam.
16 Diet guama tano hinsaam tano kudulena bung bakut.
Diet kanakana tano num taktakodas.
17 Kanong augu no burena bia no udiet baso i tamat saakit,
ma u guama bia nu tar ra tamat na dadas ta mehet.
18 Tutun saakit, no nuhet bahbahit gar tano Watong ie.
No nuhet king gar tano Halhaliana God ta Israel.
19 2Sml 17:10; 1Kng 11:34; Nng 78:70Tiga pakaan u ga ianga narako tiga barbarien,
u ga tange hoken ta diet ing diet la murmur ugu:
“Iau te tar baso ta tiga umri.
Iau te raun haut tiga marawaan mekaia nalamin ta ira matanaiabar.
20 1Sml 13:14; 16:1-13; Ap 13:22Iau te silihe leh Devit, no nugu tultulai.
Iau te puk ie ma ira nugu wel ing i halhaal.
21 No limagu na harahut ie.
Tutun bia no limagu na hadadas ie.
22 2Sml 7:9-10Taie ta ebar na tale be na paas hasur ie.
Taie tiga ut na sakena i tale bia na hangungutaan ie.
23 Iau ni bisang ira uno ebar ra matmataan tana
ma ni bu hasur ing diet malentakuanei.
24 No nugu harmarsai nong pana le pataam na kis tika mei,
ma iau ni tar ra tamat na dadas tana.
25 Iau ni hatamat no uno kingdom bia na harkurai hatahun laah mekai tano tes,
tuk ta ira taman ing a mon taah saal.
26 2Sml 7:14; 1Sto 22:10Na tataau ukai ho iau, ‘Augu no ragu Sus,
no nugu God, ma no nugu Haatkis nong i halon iau.’
27 Nng 2:7; Kl 1:15,18Ma iau ni hatur ie hoing no nugu matana bulu,
nong di manga raun haut ie naliu ta ira king bakut tano ula hanuo.
28 Iau ni tar no nugu harmarsai tana hathatika.
Ma no nugu kunubus tika mei pana le pataam.
29 1Kng 2:4; Ais 9:7; Jer 33:17Iau ni hakisi hatikane tar no uno huntunaan.
No uno kinkinis na king na kis hatika hoing no mawe i kis hatika taar.
30 2Sml 7:14; Nng“Ing bia ira natine, diet na waak kapis ira nugu harausur
ma diet pa na mur ira nugu harkurai,
31 ma diet pa na mur ira nugu dadas na nianga
ma diet pa na mur timaan ira nugu hartula,
32 io, iau ni hadakdak diet uta ira udiet sakana tintalen,
ma iau ni hadangat diet gaena ira nudiet nironga.
33 2Sml 7:15Iesen iau pa ni kap leh no nugu harmarsai talur ie,
ma iau ni gil haruatne ing iau ga tange bia ni gil.
34 Jer 33:20,21Iau pa ni kutus no nugu kunubus tika mei.
Iau pa ni kios asa ing iau gate tange.
35 Tiga pakaan sen mon iau te sasalim ma no halhaliana hinsagu, ma no nugu kunubus na kis hatika taar.
Pa ni habato ne Devit.
36 Nng 72:5,17Iau te kukubus bia no uno huntunaan na kis hatika taar,
ma bia no uno kinkinis na king na kis hathatikai ra matmataan tagu hoing no kasakes.
37 Na tur hatika taar hoing no teka,
nong i la kiskis aram ra mawe wara hamines bia iakan i tutun.”
38 1Sto 28:9;Iesen, Watong, u gate manga ngalngaluan taar tano king nong u ga gilamis leh ie.
U te malok sei ma u te malentakuane mah ie.
39 U te kutus no kunubus ma no num tultulai,
ma u te gil habilinge no uno balaparik na lualua tano kaabus.
40 U te papat hasur ira uno palpal na balo bakut,
ma u te dure hasur ira uno dadas na subaan na barbarahit.
41 Diet bakut ing diet haan saakit, diet kikinau kaia ho ie.
Sige ing diet kis hutaten tar ie, diet kukutur tana.
42 U te raun haut no kata na limana ira uno ebar.
U te haguama ira ana suk bakut.
43 U te hurusane pukus no ngisena no uno wise,
ma pau le tur harahut ie tano tamat na hinarubu.
44 U te hapataam se tar ira uno minamar
ma u te se hasur no uno kinkinis na king ukaia ra pise.
45 U te puo hakumkum ira uno pakana bung na marawaan,
ma no hirhir i te pulus ie.
46 Watong, na haruat hunanges? Nu suhe hatikane no num matmataan?
Na haruat hunanges ing no num ngalngaluan na iaan hoing ra iaah?
47 Sav 1:2; 2:11Lik leh no nugu kumkumina nilon.
Taie ta burena kaik u gom hakisi ira tunotuno bakut.
48 A tunotuno sa nong na lon ma pa na nes no minaat?
I tale be na pas no dadas tano midi? Taie.
49 2Sml 7:15; Jer 30:9; Ese 34:23Watong, u la hatutun ing u tange, io kaik, ahe ira luena gingilaan i hamines no num harmarsai
nong u ga kubus taar ta Devit?
50 Watong, lik mur leh ing di ga kukutur tano num tultulai huo.
Lik leh ira nianga na harangat ta ira hunhuntunaan ta ira mes na hanuo ing i manga ubal iau.
51 Nng 74:10,18,22Watong, ira num ebar diet kukutur tano king nong u ga gilamis leh ie.
Diet kukutur tana ta ira uno hinahaan bakut.
52 A pirharlat tupas no Watong hathatika!
Amen! Amen!
89:3: 1Kng 8:16
89:4: 2Sml 7:16; 7:13; Ais 9:7; Lk 1:33
89:10: Ais 30:7; 51:9
*89:10: Rahap: No hinsana tiga tamat na sui ares na tes ta ira pir menalua saakit, ma a malalar ie ta ira sakana magingin ma bia pataie ta malum ta ira nilon ta ira tunotuno. I tale bia i iangianga uta Isip kaiken, no ebar ta Israel.
89:12: Het 4:6; Lo 3:8
89:19: 2Sml 17:10; 1Kng 11:34; Nng 78:70
89:20: 1Sml 13:14; 16:1-13; Ap 13:22
89:22: 2Sml 7:9-10
89:26: 2Sml 7:14; 1Sto 22:10
89:27: Nng 2:7; Kl 1:15,18
89:29: 1Kng 2:4; Ais 9:7; Jer 33:17
89:30: 2Sml 7:14; Nng
89:33: 2Sml 7:15
89:34: Jer 33:20,21
89:36: Nng 72:5,17
89:38: 1Sto 28:9;
89:47: Sav 1:2; 2:11
89:49: 2Sml 7:15; Jer 30:9; Ese 34:23
89:51: Nng 74:10,18,22