92
Tiga ninge na lotu. A ninge da inge tano Bung na Sinangeh.
1 I bilai wara pirpirlat no Watong
ma wara inge garaan no hinsaam, augu Nong u Naliu Harsakit.
2 I bilai wara hinhinawas tano num harmarsai ra malaan.
Ma ra bung mah, i bilai wara hinhinawas bia u la hatutun ing u tange.
3 1Sto 13:8I bilai wara gilgil huo tano kinakel na gita nong a sangahul ira sitiring tana
ma no maririsuan na kinakel tano haap.
4 Watong, u hakanakana iau ma ira num gingilaan.
Iau inge ma ra gungunuama ta ira pinapalim ta ira limaam.
5 Nng 139:17; Rm 11:33Watong, a tamat saakit ira linge u gil,
ira num lilik i manga naliu saakit tunat!
6 No babawaruana tunotuno pa na mintate,
ma no ngulo pa na nunure iakan ma i hoken:
7 Nng 37:38ira sakana tunotuno diet kubur hut hoing ra huro,
ma diet bakut ira ut na sakena diet pai sakaan supi ta linge,
iesen nu haliare hatikane at diet.
8 Iesen, augu, Watong, da raun haut ugu hathatika.
9 Watong, tutun saakit bia ira num ebar diet na pataam,
ma diet bakut ira ut na gil sakena, nu pasak harbasiane diet.
10 U te hadadas iau hoing tiga rakaia na bulumakau.
U te hurange bus iau ma ra wel na gungunuama.
11 Ira airuo matagu te nes ing u bul hasur ira sukagu.
Ma ira iruo talingagu te hadade no sunuah ta ira ut na sakena ing diet wara hinarubu ma iau.
12 Nng 1:3; Jer 17:8; Hos 14:5,6; Ese 31:3Ira ut na takodas diet na nunuhuan hoing tiga ina lamaas.
Diet na kubur hoing tiga dadas na talona ina daha me Lebanon.
13 Diet hoing ira ina daha di so tar aram tano hala tano Watong.
Diet na nunuhuan tano ngasiana no udahat God.
14 Snd 11:30Hoing ira ina daha, diet na huai at baak ing bia diet te tuarena um.
Diet na nunuhuan ma diet na sigarine at baak.
15 Lo 32:4; Rm 9:14Io kaik, diet na tangtange bia, “No Watong i takodas.
Aie no nugu Haatkis, ma taie tiga saksakena tana.”