104
1 I tahut bia iau ni pirlat no Watong ma no nugu kidilona nilon.
Watong, no nugu God, u manga tamat saakit.
U sigasigam taar ma ira mangana minamarim.
2 Dan 7:9I la sulu taar ma ra lulungo hoing no uno maal.
I sarat palase no mawe hoing tikai i se hakukuh tiga palpalih ma tiga sel.
3 Amo 9:6Ma i salur ira kip tano uno hala ta ira bahuto na bata aram ra mawe.
I gil ira bahuto haruat ma no uno karis,
ma i kis kora tano dadaip ma no dadaip i kap hawaat ie hoing bia a mon babana.
4 Hb 1:7; 2Kng 2:11; 6:17I gil ira dadaip ma diet hanuat auno ut na kap nianga,
ma ira karamena iaah auno tultulai.
5 Jop 38:4Ga hakisi no ula hanuo tano burena iat.
Pai tale tunat bia da riu ie.
6 Stt 1:2U ga pulus no ula hanuo ma ra lamlamana tes hoing ra maal,
ma no tes ga kasar bakut ira uladih.
7 Iesen ing u ga boor no tes, ga hilau laah.
Ing no tes ga hadade no num parparara, ga saal habir laah.
8 Ga saal bus ira uladih,
ma ga saal suur ta ira salil
ukatiga ta ira katon u gate bul tar wara uno.
9 Jop 38:10,11U ga bul no wasasar ma pai tale bia no tes na balos ie,
ma pai tale bia no tes na kasar bakut habaling no ula hanuo.
10 I tule ira taah i saal suur mekaia ta ira puat ukaia ta ira salil.
Ira taah i saal nalamin ta ira uladih.
11 Jop 39:5Ira puat i tar taah ta ira rakaia na wawaguai bakut tano pitoka.
Ira rakaia na donki diet mom ma diet pai maruk baling.
12 Ira maan tano hur mauho diet gil ira posi diet hutet ta ira taah,
ma diet inge naliu ta ira katena daha.
13 I la kapkapal ira uladih ma ra taah meram naliu tano uno hala,
ma no ula hanuo i hung ma ira hunena ira uno pinapalim.
14 Jop 38:25-27; Stt 1:29I gil ira huro bia na kubur wara adiet ira bulumakau,
ma i gil ira nian na saso ma ira pat na daha waing ira tunotuno diet naga so
wara hatahuat ta nian tano ula pise
15 Sav 10:19ma ira wain mah nong i haguama ira udiet nilon,
ma ira wel mah nong i hanunuhuan ira udiet matmataan,
ma ira beret mah nong i tar dadas ta ira udiet nilon.
16 Ira ina daha tano Watong, diet mame ra tamat na taah,
kaike ra tamat na ina daha saakit me Lebanon ing ga so.
17 Ira maan diet gil ira posi diet kaia,
ma ira pos na kau mah kenam naliu ra talona ina daha.
18 Snd 30:26Ira tamat na uladih audiet taman ira rakaia na me,
ma ira tamat na haat a taman na munmun udiet ira kanga.
19 Stt 1:14No hintagolapit a hakilang ie tiga sigar teka,
ma no kasakes i nunure bia hunanges na suguh.
20 U tule hawaat no kankado gi hanuat bung,
ma ira wawaguai meram ra malit diet lul.
21 Jop 38:39Ira laion diet ngangar wara adiet tari,
ma diet sisilih ta ira adiet nian meram ho God.
22 Jop 37:8No kasakes i pupuruk ma diet haan tapukus
wara ninahon matien ta ira udiet matana haat.
23 Stt 3:19Io, ira tunotuno diet haan taar um ta ira udiet pinapalim,
ma diet pai sangeh tuk gi matarahien.
24 Watong, u te gil ira haleng na mangana linge saakit!
U ga gil diet bakut ma no num minminonas.
No ula hanuo i hung ma ira num hakhakisi.
25 No tes i manga tamat ma i kangkonga,
ma i hung ma ira hakhakisi ing pai tale bia da was diet,
kaike ira lilona linge, ira tamat ma ira hansik mah.
26 Jop 41:1Kaia ira sip i hilau urau ma ures,
ma ira tamat na kirip saakit mah ing u ga gil diet wara minamagu kaia.
27 Nng 145:15,16Kaiken bakut diet nahnahe ugu
bia nu tabar diet ma ira adiet nian haruat ma ira udiet sunupi.
28 Ing u tabar diet,
diet kap leh.
Ing u papos no limaam,
diet hahos ta ira bilai na nian bakut.
29 Jop 10:9Ing u suhe no num matmataan,
diet ramramin.
Ing u kap se no mansungu diet,
diet maat ma diet hanuat kaabus baling.
30 Jop 33:4Bia ing u tule no Tanuaam, i hatahuat diet,
ma u hasigarine no ninaas tano ula hanuo.
31 I bilai bia no minamarine no Watong na kis hathatika.
Ma i bilai mah bia no Watong na guama ta ira uno pinapalim.
32 KBk 19:18Aie nong i nes no ula hanuo ma no ula hanuo i dedar.
Ma aie mah nong i sigire ira uladih, ma a mis i tut.
33 Iau ni inginge uram tano Watong ta ira bung tano nugu nilon bakut.
Iau ni inginge na pirharlat uram tano nugu God ta ira kaba bungbung ing iau lon taar at baak.
34 Iau sip bia no nugu ninge na haguamai.
Iau at, iau ni laro tano Watong.
35 Iesen i bilai bia ira ut na sakena diet na panim laah tano ula hanuo,
ma na taie baling ta ut na gil nironga.
I tahut bia iau ni pirlat no Watong ma no nugu kidilona nilon.
Pirlat no Watong.
104:2: Dan 7:9
104:3: Amo 9:6
104:4: Hb 1:7; 2Kng 2:11; 6:17
104:5: Jop 38:4
104:6: Stt 1:2
104:9: Jop 38:10,11
104:11: Jop 39:5
104:14: Jop 38:25-27; Stt 1:29
104:15: Sav 10:19
104:18: Snd 30:26
104:19: Stt 1:14
104:21: Jop 38:39
104:22: Jop 37:8
104:23: Stt 3:19
104:26: Jop 41:1
104:27: Nng 145:15,16
104:29: Jop 10:9
104:30: Jop 33:4
104:32: KBk 19:18