115
1 Ais 48:11; Ese 36:22Watong, da nes kilam bia a num no minamar,
ma taie tunat bia a numehet ie,
kanong u la marmarse mehet ma u la hatutun ing u tange.
2 Nng 79:10Wara biha bia ira hunhuntunaan ta ira mes na hanuo diet tange bia,
“Ie he no udiet God?”
3 Dan 4:35No udahat God ie kenam ra mawe.
I la gilgil ira linge haruat ma no uno sinisip.
4 Jer 10:3-5; 2Kng 19:18; Ais 37:19Iesen ira udiet palimpuo di gil ma ra siliwa ma ra gol,
ma a lima na tunotuno mon i gil.
5 A mon ha diet, iesen diet pai haruat bia diet na ianga.
A mon mata diet, iesen diet pai nanaas.
6 A mon talinga diet, iesen diet pai haruat bia diet na hadoda.
A mon ngarngaro diet, iesen diet pa na huhurana linge.
7 A mon lima diet, iesen diet pai haruat bia diet na hamaan ta linge.
A mon kaki diet, iesen diet pa na haan.
Pai tale bia tiga kinakel na hansur ta ira adiet kabalakor.
8 Ais 44:9-11Sige diet ing diet pakile kaiken ra palimpuo, diet na haruat mah huo,
ma huo mah ta diet ing diet so nurnuruan ta diet.
9 Muat ira Israel, i tahut bia muat na so nurnuruan tano Watong.
Aie no numuat harharahut ma bahbahit.
10 Muat tano huntunaan ta Aaron, i tahut bia muat na so nurnuruan tano Watong.
Aie no numuat harharahut ma bahbahit.
11 Muat ing muat burte no Watong, i tahut bia muat na so nurnuruan tana.
Aie no numuat harharahut ma bahbahit.
12 No Watong i la lik tar dahat ma na haidane dahat.
Na haidane ira matanaiabar ta Israel,
ma na haidane ira ut na pakila lotu, diet ira bulumur ta Aaron.
13 Ni 19:5Na haidane diet ing diet burte no Watong,
diet ira hansik ma diet ira tamat mah huo.
14 Lo 1:11I bilai bia no Watong na hapuar muat,
bia muat tika ma ira nati muat, muat na kapis bulu.
15 Ap 14:15; Ni 14:7I bilai bia no Watong nong ga hakisi no mawe ma no ula hanuo,
na haidane muat.
16 Nng 8:6No mawe a gar tano Watong ie,
iesen no ula hanuo, i te tar se tar ie ta ira tunotuno.
17 Nng 6:5Taie bia ira minaat diet na pirlat no Watong,
diet ing diet hansur ures tano hanuo bia diet na noh kunkun mon kaia.
18 Iesen dahat kaik, dahat na pirhakasing no Watong,
kaiken ma namur ma pa na pataam.
Pirlat no Watong.