119
1 A haraidaan na kis ta diet ing taie ta da saksakena ta ira udiet tintalen,
diet at ing diet la hanahaan haruat ma ira harkurai†Ta iakan ra katon 119, a liman ma iruo na nianga na Hibru ing no Tok Pisin na pukusane ma “lo” sen mon. Iesen kaike ra liman ma iruo na subana nianga pai haruat harsakit, kaik het te pukusane diet tikatikai ma tiga mes na nianga na Patpatar, ma i hoken: torah = harkurai; ‘edot = harpir; piqod = harakatom; choq = dadas na harkurai; mitsvah = hartula; mishpat = ula harkurai. tano Watong.
2 Lo 6:5; 10:12-13; 11:13-15A haraidaan na kis ta diet ing diet pakile haruatne ira uno harpir,
diet at ing diet sisilih tano Watong ma no udiet kidilona lon.
3 1Jn 3:9; 5:18Diet pai gil ta nironga.
Diet lon mur ira tintalen tano Watong.
4 Lo 4:13U te bul hadadas ira num nianga na harakatom
bia da mur timaan bakut.
5 Iau manga sip bia i tale bia ni tur dit
wara murmur timaan ira num dadas na harkurai.
6 Io huo, iau pa ni hirhir
ing iau liklik timaan ta ira num hartula.
7 Meram narako tunat tagu iau ni pirlat ugu
ing iau harausur ta ira takodasiana ula harkurai.
8 Iau ni mur ira num dadas na harkurai.
Waak ugu ra turtur talur hasakitne iau.
Bet
9 Tiga marawaan na tale bia na balaure ira uno tintalen hohe, kaik no uno nilon naga takodas?
Na tahut bia na lon murmur ira num nianga.
10 2Sto 15:15Iau silihe ugu ma no nugu kidilona lon.
Waak u bale tar iau bia ni rara laah ta ira num hartula.
11 Iau te suhe no num nianga narakoman tano balagu,
kaik iau pa nigi gil tiga sakena taar taam.
12 Watong, a pirhakasing tupas ugu.
Hausur iau ta ira num dadas na harkurai.
13 Ma ira palabulugu iau hinawas palai
ta ira ula harkurai bakut ing ga hansur tano haam.
14 Iau kanakana wara murmur ira num harpir
hoing tikai i guama ta ira uno halengin kinewa.
15 Iau lik murmur ira num nianga na harakatom
ma iau lilik timaan ta ira num tintalen.
16 Nng 1:2Iau manga guama ta ira num dadas na harkurai.
Iau pa ni lik luban se ira num nianga.
Gimel
17 Gil ta bilbilai tagu, no num tultulai,
ma iau nigi lon ma iau ni mur ira num nianga.
18 Papos ira matagu waing iau nigi nes
ira bilai na linge saakit kenam narakoman ta ira num harkurai.
19 1Sto 29:15; Hb 11:13Iau tiga wasire tano ula hanuo.
Waak u suhe ira num hartula bia iau pai tale bia ni nes.
20 No kaatigu i manga mur tunat
ira num ula harkurai ta ira kaba bungbung.
21 Lo 27:26U la baboor ira ut na latlaat,
diet at ing diet la hanahaan talur ira num nianga na harakatom, ma diet na kap ra harpidanau.
22 Waak u haut leh ira tunotuno bia diet na tange hagahe iau ma diet na kukutur sakasaka tagu,
kanong iau la pakpakile haruatne ira num harpir.
23 Ira tamat na lualua diet kis tika wara tangtange hagahe iau,
iesen iau, no num tultulai, iau ni lik murmur timaan ira num dadas na harkurai.
24 Ira num harpir i la hakanakana iau.
Kaike ra harpir i la tartar a bilai na harausur tagu.
Dalet
25 Di te paas hasur iau taar tano kaabus.
Halon iau haruat ma no num nianga.
26 Iau ga tange hapuasne ira nugu mangana tintalen, ma u te taram iau.
Hausur iau ta ira num dadas na harkurai.
27 Hapalaine iau uta ira ngaas ta ira num nianga na harakatom,
waing nigi lik murmur ira num bilai na gingilaan harsakit.
28 1Pt 5:10A tapunuk i te ubal tar iau.
Hadadas iau haruat ma no num nianga.
29 Kap se no tintalen na hinarabota tagu,
ma hamines no num harmarsai ing nu tar ira num harkurai tagu.
30 Iau te pilak leh ira tutun na tintalen.
Iau te bul ira num ula harkurai menalua tagu bia ni mur haruatne.
31 Lo 11:22Watong, iau la palpalim hadadas tar ta ira num harpir.
Waak u bale bia da hahirhir iau.
32 Iau ni hilau mur ira num hartula,
kanong nu hapalaine timaan no nugu lilik.
He
33 Watong, hausur iau wara murmur ira num dadas na harkurai,
ma iau pa ni sangeh wara tartaram kaike ra nianga.
34 1Sto 22:12Tar palpalai tagu waing nigi taram ira num harkurai
ma ni mur timaan ma no nugu nilon bakut.
35 Lue iau tano ngaas ta ira num hartula,
kanong kaia iau ni silihe ira gungunuama.
36 1Kng 8:58; Ese 33:31Hurusane no balagu tupas ira num harpir,
ma waak bia ukatiga hono magingin na gumut.
37 Kap se ira matagu ta ira linge ing a linge bia mon.
Balaure timaan no nugu nilon haruat ma no num nianga.
38 2Sml 7:25Hatutun ira nianga u ga kukubus taar tagu, no num tultulai,
waing daga burte ugu.
39 Kap se tar ira nianga na kukutur tupas iau ing iau hirhir ine,
kanong ira num ula harkurai, a bilai at diet.
40 Tutun saakit, no kaatigu i la murmur ira num nianga na harakatom.
Balaure bat no nugu lon ma ira num tutun na magingin.
Waw
41 Watong, iau sasaring bia no num harmarsai nong pai la patpataam na hanuat taar tagu,
io huo, nu halon iau haruat ma ing u ga kukubus taar huo.
42 Io, iau ni tale bia ni balu sige nong na tange hagahe iau,
kanong iau nurnur tano num nianga.
43 Bale iau bia ni hinawas palai utano num tutun na nianga,
kanong iau kis nanaho ta ira bilbilai ta ira num ula harkurai.
44 Io, iau ni murmur hatikane ira num harkurai,
katin, namur, ma pana le pataam.
45 Snd 4:12Ma iau ni langalanga timaan,
kanong iau te silihe leh ira num nianga na harakatom.
46 Ap 26:1,2Ma iau ni hinawas ta ira num harpir menalua ta ira king
ma pa da hahirhir iau.
47 Io, iau guama ta ira num hartula,
kaike ra hartula ing iau kalak.
48 Ma iau raun haut ira iruo limagu ukatiga ho ira num hartula ing iau sip,
ma iau la liklik murmur ira num dadas na harkurai.
Zayin
49 Lik leh no num nianga u ga kubus ie tika ma iau, no num tultulai,
kanong u te lue iau bia ni kis nanaho ta ira bilbilai ta ira num nianga.
50 Rm 15:4No linge i habalaraan iau tano nugu ngunngutaan i hoken,
bia no num nianga na kunubus i balaure bat tar no nugu lon.
51 Ira ut na latlaat diet manga hasakit sakasaka tagu,
iesen iau pa ni haan talur ira num harkurai.
52 Watong, iau lik kawase ira num ula harkurai u ga bul tar nalua saakit,
ma diet habaraam iau.
53 KBk 32:19; Esr 9:3; Neh 13:25No ngalngaluan i manga tamat tagu kanong ta ira ut na sakena,
diet ing diet te waak kapis ira num harkurai.
54 Iau la inginge uta ira num dadas na harkurai
ta ira katon iau la hanahaan ukaia.
55 Ais 26:9; Ap 16:25Watong, ra bung iau lik kahe no hinsaam,
ma iau la murmur ira num harkurai.
56 No nugu mangana magingin i hoken,
bia iau la tartaram ira num nianga na harakatom.
Het
57 Nng 16:5; Kra 3:24Watong, augu no pinlawegu.
Iau te kukubus be iau ni mur ira num nianga.
58 Iau te silihe ira num haraidaan ma no nugu nilon bakut.
Marse iau haruat ma no num nianga na kunubus.
59 Lk 15:17Iau te lik murmur ira nugu magingin
ma iau te tapukus taar ta ira num harpir.
60 Iau ni habir ma pa ni halis
wara murmur ira num hartula.
61 Bia ira ut na sakena diet na kubus iau ma ra hinau,
iau pa ni lik luban ira num harkurai.
62 Iau tangahun ra tingena bung wara tanga tahut saakit taam
uta ira num takodasiana ula harkurai.
63 Iau tiga harwis ta diet bakut ing diet ru ugu,
ma ta diet ing diet mur ira num nianga na harakatom.
64 Watong, no ula hanuo i hung ma no num harmarsai.
Hausur iau ta ira num dadas na harkurai.
Tet
65 Watong, u te gil ra tahut taar tagu, no num tultulai,
haruat ma no num nianga.
66 Pi 1:9Hausur iau ra mintota ma ra bilai na minminonas,
kanong iau nurnur ta ira num hartula.
67 Hb 12:5-11Ing iau pa ga harsomane baak ra tamat na tinirih, iau ga haan talur ugu,
iesen kaiken um iau mur ira num nianga.
68 A tahut ugu, ma ira linge u gil i bilai.
Hausur iau ta ira num dadas na harkurai.
69 Ira ut na latlaat diet te tange ra haleng na bis na nianga utagu,
iesen iau taram ira num harkurai ma no nugu kudulena lon.
70 Ais 6:10; Ap 28:27Ira ulu diet i tabanot,
iesen iau guama ta ira num harkurai.
71 Ing iau ga harsomane ra tamat na tinirih, ga bilai tagu,
kanong ga hausur iau ta ira num dadas na harkurai.
72 Nng 19:10; Snd 8:10,11,19Iau nes kilam tano nugu lon bia ira harkurai meram tano haam i manga tirih
ta ira arip na subana siliwa ma ra gol.
Yod
73 Ira lumaam ga gil iau ma ga hakisi iau.
Hapalaine iau waing nigi harausur ta ira num hartula.
74 Iau sip bia diet ing diet ru ugu, diet na guama ing diet nes iau,
kanong iau kis nanaho ta ira bilbilai tano num nianga.
75 Hb 12:10Watong, iau nunure bia i takodas ira num ula harkurai,
ma bia narako tano tutun na magingin u te hangungutaan iau.
76 Bale tar no num harmarsai nong pai la patpataam bia na habaraam iau,
haruat ma ing u ga kukubus taar tagu, no num tultulai.
77 Marse iau waing iau nigi lon,
kanong iau kanakana ta ira num harkurai.
78 Hahirhir ira ut na latlaat kanong diet tung iau ma ra harabota na nianga,
iesen iau ni lik mur ira num nianga na harakatom.
79 Diet ing diet ru ugu, iau sip bia diet na haan tapukus ukai ho iau,
diet at ing diet palai ta ira num harpir.
80 Iau sip bia no balagu na bilai harsakit, naga haruat ma ira num dadas na harkurai,
waing iau pa nigi kaha hirhir.
Kap
81 No nugu lon i te maalum ing iau kis kawase no num harhalon,
iesen iau kis nanaho ta ira bilbilai tano num nianga.
82 Ira matagu i te manga tirih wara ninaas bia nu gil haruatne ira num nianga na kunubus.
Iau tange hoken, “Hunanges um nu habaraam iau?”
83 Jop 30:30Tutun bia iau haruat hoing tiga gingop ing di gil ma ra pala bulumakau ing a mis i te rang hagahe tar,
iesen iau pai lik luban ira num dadas na harkurai.
84 Nng 39:4; Ni 6:10Iau, no num tultulai, iau ni kis nanaho haruat hunanges?
Hunanges kaik nu bul no num ula harkurai wara hapidanau diet ing diet helar tagu?
85 Ira ut na latlaat diet te kil hasur no pise wara hakuni iau.
Diet pai lon mur ira num harkurai.
86 I haruat bia da so nurnuruan ta ira num hartula.
Harahut iau, kanong ira tunotuno diet helar tagu ma ira bis na nianga.
87 Dahin ma diet gar te hapataam se tar iau mekai ra ula hanuo,
iesen iau pa ga waak se tar ira num nianga na harakatom.
88 Balaure bat no nugu lon haruat ma ira num harmarsai,
waing iau nigi mur ira kaba harpir mekaia tano haam.
Lamed
89 Ais 40:8; Mt 24:35; 1Pt 1:25Watong, ira num nianga na kis hathatika.
I tur dadas aram ra mawe.
90 No num tutun na magingin na haan taar ta ira tunotuno ing diet lon katin ma namur mah.
U ga hakisi no ula hanuo, ma i kis hatika taar.
91 Jer 33:25Ira num ula harkurai i kis taar tuk katin,
kanong ira linge bakut i la tartaram ugu.
92 Ing bia ira num harkurai pa naga haguama iau,
iau gor te maat ma ira nugu ngunngutaan.
93 Iau pa ni lik luban ira num nianga na harakatom,
kanong ta kaike ra nianga na harakatom u te balaure no nugu lon.
94 Halon iau, kanong a num iau.
Iau te silihe leh ira num nianga na harakatom.
95 Ira ut na sakena diet nanaho wara haliare iau,
iesen iau ni lik mur ira num harpir.
96 Iau nes bia a mon patpataam ta ira linge bakut,
iesen ta ira num hartula, taie ta patpataam ine.
Mem
97 Iau la manga kalak tar no num harkurai!
Iau lik mur ie tano kidilona bung bakut.
98 Lo 4:6Ira num hartula diet gil iau bia ni manga mintot ta ira nugu ebar,
kanong kan ra nianga na harakatom i la kis hatika taar ma iau.
99 Iau manga minonas ta ira nugu ut na harausur,
kanong iau la liklik murmur ira num harpir.
100 Iau manga palai ta mehet ma ira patuana,
kanong iau la tartaram ira num nianga na harakatom.
101 Iau pas ira sakana ngaas
waing iau nigi mur ira num nianga.
102 Jos 23:6; 1Kng 15:5Iau pai haan talur ira num ula harkurai,
kanong augu at u te hausur iau.
103 Nng 19:10; Snd 8:11; 24:13,14Ira num nianga i namien ududuh!
I manga namnamien ta ira tiri na imara akai ra hagu!
104 Iau kap ra palpalai mekai ta ira num nianga na harakatom,
io kaik, iau malentakuane ira ngaas ing pai tutun.
Nun
105 Snd 6:23No num nianga a laam ie ta ira iruo kakigu,
ma ra lulungo ie tano nugu ngaas.
106 Neh 10:29Iau te sasalim ma iau ni gil haruatnei,
bia iau ni mur ira num takodasiana ula harkurai.
107 Watong, i te manga ubal iau ra haleng tinirih.
Balaure bat no nugu lon haruat ma no num nianga.
108 Watong, nu haut leh ira pirhakasing tano hagu ing iau kanakana bia ni tar taam,
ma nu hausur iau ta ira num ula harkurai.
109 I tutun bia iau la taguro taar bia ni hiruo, nigi maat,
iesen iau pa ni lik luban ira num harkurai.
110 Ira ut na sakena diet te kapis tar tiga kuun wara utagu,
iesen iau pai rara sukun ira num nianga na harakatom.
111 Lo 33:4Iau ni kap usurane hatikane ira num harpir.
A sape na kaatigu at diet.
112 Iau te bul no nugu lilik wara gilgil haruatne ira num dadas na harkurai hathatikai
tuk bia ni maat.
Samek
113 1Kng 18:21; Jm 1:8; 4:8Iau malentakuane diet ira liliklumet na tunotuno,
iesen iau sip tar ira num harkurai.
114 Augu no nugu subaan na munmun, ma no nugu bahbahit.
Iau kis nanaho ta ira bilbilai tano num nianga.
115 Muat ira ut na sakena, muat na haan talur iau,
waing iau nigi mur ira hartula tano nugu God.
116 Balaure timaan iau haruat ma no num nianga, waing iau nigi lon.
Ma waak u bale iau bia ni malahuan ta ira linge iau kis kawasei ma ra nurnur.
117 Hatatol iau waing iau nigi kap no harhalon huo,
ma nigi manga lik hatikane ira num dadas na harkurai.
118 U malok se diet bakut ing diet tamapas laah talur ira num dadas na harkurai,
kanong diet lamus habato ira tunotuno ma ira udiet hinarabota.
119 Ais 1:22,25; Ese 22:18,19U te waak se ira ut na sakena bakut tano ula hanuo hoing di gope se ira bilinge ing i booka ta ira siliwa ing di tun ie.
Io kaik, iau sip ira num harpir.
120 No palatamaigu i dedar ma ra bunurut wara utaam,
ma iau ru ira num ula harkurai.
Ayin
121 2Sml 8:15Iau te gil ing i takodas ma i tutun.
Waak u bale se tar iau ta ira ut na haraubaal.
122 Hatutun bia iau, no num tultulai, ni kap ira bilbilai.
Waak u bale tar ira dadas na ulpat bia diet na ubal iau.
123 Ira matagu i tirih ing iau nanaas tano num harhalon
ma ta ira num gingilaan haruat ma no num takodasiana kunubus.
124 Papalim narako tagu, no num tultulai, haruat ma no num harmarsai,
ma hausur iau ta ira num dadas na harkurai.
125 Iau no num tultulai. Hapalaine no nugu lilik
waing iau ni palai ta ira num harpir.
126 Watong, no pakana bung kaiken um bia nu tut ma nu pakile ira num pinapalim,
kanong di te kutus ira num harkurai.
127 Nng 19:10Io kaik, iau kalak ira num hartula.
No nugu sinisip uta kaike ra hartula i tamat ta dir ma ra gol, a gol at mah ing a tabi matana.
128 Nng 19:8Io kaik, iau nes kilam bia ira num nianga na harakatom bakut i takodas,
ma iau malentakuane ira kaba ngaas na hinarabota.
Pe
129 A bilai saakit ira num harpir,
io huo, iau la tartaram diet.
130 Snd 6:23; Nng 19:7No tamtamapapos ta ira num nianga i tar lulungo.
I tar palpalai ta ira bawine.
131 Iau panganga ma iau mehmeh,
kanong iau masingane ira num hartula.
132 Talingane iau ma nu marse iau,
hoing u la gilgil ta diet ing diet kalak no hinsaam.
133 Rm 6:12Hadadas ira nugu hinahaan haruat ma ira num nianga na kunubus.
Ma waak u bale iau bia ni kis ra henai no dadas ta tiga magingin sakena.
134 Halangalanga iau sukun ira haraubaal ta ira tunotuno
waing iau nigi mur ira num nianga na harakatom.
135 Nam 6:25Bale bia no matmataan taam na murarang naliu tagu, no num tultulai,
ma nu hausur iau ta ira num dadas na harkurai.
136 Ira polo na matagu i manga saal suur ta ira matagu,
kanong pa di mur ira num harkurai.
Tsade
137 Esr 9:15; Neh 9:33; Jer 12:1; Kra 1:18Watong, a takodasiana ugu,
ma ira num ula harkurai i takodas.
138 Nng 19:7-9Ira harpir ing u te tar, i takodas,
ma i tale bia da so nurnuruan ta diet.
139 No balagu i manga mamahien
kanong ira nugu ebar diet lilik tatohun ta ira num nianga.
140 Nng 19:8Di te walar tar no num nianga na kunubus ma di te nes bia i bilai harsakit,
io kaik, iau no num tultulai, iau la sip tar ie.
141 A tutun bia a tunotuno bia mon iau ma di mikiane iau,
iesen iau pai lik luban ira num nianga na harakatom.
142 Nng 19:9Ira num takodasiana magingin i la kis hatika taar
ma ira num harkurai i tutun.
143 A tinirih ma ra tapunuk i te haan tupas iau,
iesen iau la kanakana taar ta ira num hartula.
144 Ira num harpir i la takodas hatika taar.
Hapalaine no nugu lilik waing iau nigi lon.
Qop
145 Iau tataau ma no nugu kidilona lon. Balu iau, Watong.
Iau ni taram ira num dadas na harkurai.
146 Iau tataau ukatiga ho ugu. Halon pukus iau
ma iau ni mur ira num harpir.
147 Iau tut ra malabungbung ma iau suah wara harharahut.
Iau kis nanaho ta ira bilbilai ta ira num nianga.
148 Iau pai la hapulo ira iruo matagu tutun at ra bung,
waing iau nigi lik murmur ira num nianga na kunubus.
149 Hadade no ingagu haruat ma no num harmarsai.
Watong, balaure bat no nugu lon haruat ma ira num ula harkurai.
150 Diet um ken hutet ing diet pingit saksakena,
iesen diet tapaka taar ta ira num harkurai.
151 Watong, augu at ken hutet,
ma ira num hartula i tutun.
152 Nalua saakit iau ga harausur ta ira num harpir
bia u gate hakisi hatikane tar diet.
Res
153 Hos 4:6Nes ira nugu ngunngutaan ma halon iau,
kanong iau pai lik luban ira num harkurai.
154 1Sml 24:15; Mai 7:9Tur harahut iau ma nu halangalanga ise iau.
Balaure bat no nugu lon haruat ma no num nianga na kunubus.
155 No harhalon i tapaka ta ira ut na sakena,
kanong diet pai silihe tupas ira num dadas na harkurai.
156 2Sml 24:14Watong, no num harmarsai i manga tamat.
Balaure bat no nugu lon haruat ma ira num ula harkurai.
157 Haleng ira sukagu ing diet hahelar tagu.
Iesen iau pai tahurus talur ira num harpir.
158 Iau nes ira ut na harababo ma iau mikiane diet,
kanong diet pai mur ira num nianga.
159 Nes bia iau kalak ira num nianga na harakatom.
Watong, balaure bat no nugu lon haruat ma no num harmarsai.
160 No burena ira num nianga bakut a tutun.
Ira num takodasiana ula harkurai bakut i la kis hatika taar.
Sin ma Shin
161 1Sml 24:11; 26:18Ira lualua diet helar bia mon tagu ma taie ta burena,
iesen iau dedar ma urur tano num nianga.
162 1Sml 30:16; Ais 9:3Iau guama ta ira num nianga na kunubus
hoing tikai i paas hasur no uno ebar ma i kap leh ira uno haleng na minsik.
163 Snd 13:5Iau malentakuane ma iau malok se no magingin na harabota
iesen iau kalak no num harkurai.
164 Iau pirlat ugu ra liman ma airuo na pakaan tiga bung
kanong ta ira num takodasiana ula harkurai.
165 1Jn 2:10A tamat na malum saakit na kis ta diet ing diet kalak no num harkurai,
ma taie ta linge na hapuko diet.
166 Watong, iau nanaho tano num harhalon,
ma iau la gilgil haruatne ira num hartula.
167 Iau mur ira num harpir,
ma iau manga kalak diet.
168 Jop 24:23; Nng 139:3; Snd 5:21Iau mur haruatne ira num nianga na harakatom ma ira num harpir,
kanong warah, ira nugu tintalen u nunure bakut tar.
Taw
169 Watong, bale leh no nugu sunuah bia na haan tupas ugu.
Tar no palpalai tagu haruat ma ira num nianga.
170 Bale leh no nugu sinasaring bia na hanuat taar taam.
Halon iau haruat ma no num nianga na kunubus.
171 Ais 2:3; Mai 4:2No palabulugu na hung ma ra pirhakasing,
kanong u la hauhausur iau ta ira num dadas na harkurai.
172 No karamegu na inge garaan ira num nianga,
kanong ira num hartula a takodasiana.
173 Nng 37:24; Jos 24:22Bale tar no limaam bia na taguro wara harharahut iau,
kanong iau te pilak leh ira num nianga na harakatom.
174 No kaatigu i la murmur no num harhalon, Watong,
ma iau kanakana ta ira num harkurai.
175 Bale leh iau bia ni lon waing iau nigi pirlat ugu,
ma bale ira num ula harkurai bia diet na harahut iau.
176 Ais 53:6; Mt 18:12; Lk 15:4Iau te rara hoing tiga sipsip i te panim.
Silihe iau, no num tultulai,
kanong iau pai lik luban ira num hartula.
*^ No leta tano alfabet ta ira Hibru. Ma ira buturkus ta tiga katon di ga hatahun ma tiga leta sen mon.
†119:1: Ta iakan ra katon 119, a liman ma iruo na nianga na Hibru ing no Tok Pisin na pukusane ma “lo” sen mon. Iesen kaike ra liman ma iruo na subana nianga pai haruat harsakit, kaik het te pukusane diet tikatikai ma tiga mes na nianga na Patpatar, ma i hoken: torah = harkurai; ‘edot = harpir; piqod = harakatom; choq = dadas na harkurai; mitsvah = hartula; mishpat = ula harkurai.
119:2: Lo 6:5; 10:12-13; 11:13-15
119:3: 1Jn 3:9; 5:18
119:4: Lo 4:13
119:10: 2Sto 15:15
119:16: Nng 1:2
119:19: 1Sto 29:15; Hb 11:13
119:21: Lo 27:26
119:28: 1Pt 5:10
119:31: Lo 11:22
119:34: 1Sto 22:12
119:36: 1Kng 8:58; Ese 33:31
119:38: 2Sml 7:25
119:45: Snd 4:12
119:46: Ap 26:1,2
119:50: Rm 15:4
119:53: KBk 32:19; Esr 9:3; Neh 13:25
119:55: Ais 26:9; Ap 16:25
119:57: Nng 16:5; Kra 3:24
119:59: Lk 15:17
119:66: Pi 1:9
119:67: Hb 12:5-11
119:70: Ais 6:10; Ap 28:27
119:72: Nng 19:10; Snd 8:10,11,19
119:75: Hb 12:10
119:83: Jop 30:30
119:84: Nng 39:4; Ni 6:10
119:89: Ais 40:8; Mt 24:35; 1Pt 1:25
119:91: Jer 33:25
119:98: Lo 4:6
119:102: Jos 23:6; 1Kng 15:5
119:103: Nng 19:10; Snd 8:11; 24:13,14
119:105: Snd 6:23
119:106: Neh 10:29
119:111: Lo 33:4
119:113: 1Kng 18:21; Jm 1:8; 4:8
119:119: Ais 1:22,25; Ese 22:18,19
119:121: 2Sml 8:15
119:127: Nng 19:10
119:128: Nng 19:8
119:130: Snd 6:23; Nng 19:7
119:133: Rm 6:12
119:135: Nam 6:25
119:137: Esr 9:15; Neh 9:33; Jer 12:1; Kra 1:18
119:138: Nng 19:7-9
119:140: Nng 19:8
119:142: Nng 19:9
119:153: Hos 4:6
119:154: 1Sml 24:15; Mai 7:9
119:156: 2Sml 24:14
119:161: 1Sml 24:11; 26:18
119:162: 1Sml 30:16; Ais 9:3
119:163: Snd 13:5
119:165: 1Jn 2:10
119:168: Jop 24:23; Nng 139:3; Snd 5:21
119:171: Ais 2:3; Mai 4:2
119:173: Nng 37:24; Jos 24:22
119:176: Ais 53:6; Mt 18:12; Lk 15:4