146
1 Da pirlat no Watong.
I tahut bia iau ni pirlat no Watong ma no nugu kidilona nilon.
2 Iau ni pirlat no Watong ta ira kaba bungbung tano nugu nilon.
Iau ni pirhakasing no nugu God ing iau lon taar at baak.
3 Waak muat so ira numuat nurnur ta ira tamat na lualua.
A tunotuno mon diet, ma diet pai tale bia diet na halon muat.
4 Sav 12:7; 1Ko 2:6Ing ira tanua diet na haan talur diet, diet na tapukus baal taar tano pise.
Ta iakano ra bung at ira udiet nianga na harpingit na linge bia.
5 A haraidaan na kis ta nong no uno harharahut no God tane Iakop,
ma ing mah no uno nurnuruan i kis taar tano Watong, no uno God,
6 Ni 14:7; Ap 14:15nong ga hakisi no mawe ma no ula hanuo,
no tes mah ma ira linge bakut kenam narako ta dal.
Aie no Watong nong i gil haruatne hathatikane ira uno kunubus.
7 Ais 61:1I la harharahut ira tunotuno ing di ubal diet bia pa da kure hagahe diet,
ma i tabar diet ing diet taburungan.
No Watong i halangalanga ira tunotuno ta ira hala na harpidanau.
8 Mt 9:30; Jn 9:7No Watong i papos ira mata diet ira pulo.
No Watong i raun haut diet ing diet kis tudu ma ra tapunuk.
No Watong i sip ira ut na takodas.
9 KBk 22:21; WkP 19:34; Lo 10:18No Watong i nes mur ira wasire.
I balaure timaan ira tintana ma ira makosa,
iesen i habosbos ira lilik ta ira ut na sakena.
10 No Watong i harkurai hathatika.
Muat ira matanaiabar ta Saion, no numuat God na harkurai ta ira tunotuno bakut ing diet na lon ta ira kaba pakana bung.
Da pirlat no Watong.