10
1 Segowo, ategu goi latuwogu toina guna bodao adi yava bei sibabane, e moe manuna nakae akaawanoi Yaubada yaina. 2 Ataalavaita tauyadi manudi bego madi salau sipooisógana Yaubada manuna go, idi poisoganayana goi geya idi nanamsamo. 3 Ame moitamo. Yaubada ina kibóbwata ina kanasíuna manuna kidi Isileli tubunao sitamogemogeye. Tuwo sipoikiki bego toinidi idi túwana siwodugu aditava manudi bego kidi anasíuna tomotaidi kiboobosidi. Tauna Yaubada ina kibobwatayana ina kanasíuna manuna geya siuyaoneyeta. 4 Moe moitamo. Yaubada ina Katukeda Guyau goi imalatomota, e bei avatauwa neta Tauyana sinumise, Yaubada matana goi kidi kiboobosidi.
5 Moitamo Guyau goi imalatomota. Mosese boi igini tomota manakaedi bego Atukedayana ana guinuwa pasina Yaubada matana goi kidi anasíuna tomotaidi kiboobosidi, idigo kana,
‘Avatauwa neta lovina Yaubada ina Katukeda goi siguuinuwedi, e guinuwayadi goi bei siiketoiya.’†Gal 3:12.
Vininabeso 18:5
6 Go ida numisa pasina kita anasíuna tomotaida kiboobosida, moe manuna Gínina Kimaasabaina idigo kana,
‘Atem goi taabu kudigodīgo kam,
“Avatau bei ituko ina yábana?” ’
Atukeda 30:12
Moe ana yagoina kada, ‘Tomota tayamo itoboine ituko ina yábana bego Guyau ikabi isouye.’ Go Guyauyana bogina isou ima! 7 Aiyuwoina taabu kudigodīgo kam,
‘Avatau bei isou tokamasa vata idi dadava goi?’
Atukeda 30:13
Moe ana yagoina kada, ‘Guyau tokámasa yaidi goi takabi takaitáoe.’ Go Guyauyana tokámasa yaidi goi bogina itaoyamna! 8 Guyau ada yava bogina ime. Tauna ada yavayana geya kada aduwanau goi geya, go sem Gínina Kimaasabaina manakaena ilatuwokoida? Idigo kana,
‘Yaubada ina livala bogina kikim goi ikaaiyaka; nakae sopam goi be atem goi ikaaiyaka.’
Atukeda 30:14
Moe livalayana numisa valena kai kataalavaite 9 bego neta sopada goi Yeisu takatomoyae kina Tomoya‡Tomoya: Kidi Diyuu Yaubada yoina geya siivatoi geya, go sem kadi, ‘Tomoya.’ Tauna Paulo ina buki goi neta latuwona kana, ‘Yauwe’, Tomoya bei igini. Ameko geya tayagoiyeta ina nuwonúwana ame Yauwe o tomoya. be nakae ateda goi tanumisa bego Yaubada tokámasa yaidi goi ikaitáoe, e ada yava bei tababane. 10 Moitamo. Ateda goi tanumisa, tauna kita Yaubada matana goi kiboobosida. E sopada goi Yeisu takatomoyae bego Tauyana Tomoya, e bei ada yava tababane. 11 Moe nakae Gínina Kimaasabaina idige kana,
‘Avatauwa neta Tauyana sinumise,
e liliudi Yaubada bei geya igieomaemaedita.’
Aiseya 28:16
12 Bogina koyagoi. Kita Diyuu be kidi Totuyoyowo tavavasa; enao tayamo goi madabokida ada yava tababane. Ida Tomoya tayamo; e Tauyana tomota liliuuda ida Tomoya. Tauyana Toesaesa; bei liliuda neta taduduwe, e yaida goi ikaiguyau gagaina. 13 Moe nakae Iyoeli idige kana,
‘Avatauwa neta Yauwe yaina goi
siduduwo vaita manuna,
bei adi yava sibabane.’†Gui 2:21.
Iyoeli 2:32
Isileli tubunao Vala Dedevina
ana talavaita sinove go, geya sinumiseyeta
ana talavaita sinove go, geya sinumiseyeta
14-15 E tauna Yaubada neta totalavaita geya ivamoleyedita, manakaedi bei Vala Dedevina sitalavaite? Geya. Neta Valayana geya sitalavaiteyeta, tomota manakaedi bei sinove? Geya. Neta tomota geya sinoveyeta, manakaedi bei sinumisa Yeisu yaina? Geya. Neta geya sinumiseyeta, manakaedi bei siduduwo Tauyana yaina vaita manuna? Neta Yaubada ina totalavaita ivamoleyedi sina sitalavaita, moe bei dedevina toina. Moe nakae Gínina Kimaasabaina idige kana,
‘Vala Dedevina ana totalavaita idi sowóduwo
moe kaausaraina toina.’
Aiseya 52:7
16 Valayana tomota liliudi sinove go, maniyedi geya sikabikaoneyeta. Moe nakae Aiseya ina livala. Tauyana idigo kana,
‘Yauwe,
Geya vatau tayaamo talavaita ina pakonayana manuna kanove bei inumise.’†Iyo 12:38.
Aiseya 53:1
17 Tauna numisa ana kenao ame nakae: Tomota sinumisa unana Guyau Valena sinove go, Valenayana sinove tomota idi talavaita pasina.
18 Nakona maniyedi sitamogemoge unana Valayana geya sinoveyeta. Go manakae? Yau abobóbwara bego kidi Isileli tubunao Valayana geya sinoveyeta? Geya! Moitamo, bogina sinove. Same goi nakae igini kana,
‘Idi talavaita ina poyapoya ame
ana madabokina goi tomota sinove.
O tadigo kada,
“Idi livala bogina inúnuwo ina asa liliuudi goi.” ’
Same 19:4
19 Go manakae? Yau abobóbwara bego Yeisu valenayana ana yagoina kidi Isileli tubunao geya siyagoiyeta? Geya! Siyagoi go, sikatae! Boi mainao Mosese nakae idige kana,
‘Komi Isileli tubunao, Totuyoyowo geya guna bodao geya go, bei sinumisegu, e bei komi komatakikivedi. Tauyadi sitamogemoge go, bei avaitedi, e pasidi komi gamomi igoyo.’
Atukeda 32:21
20 E Aiseya nakae mana katepatu Yaubada ina livala italavaite Totuyoyowo manudi idigo kana,
‘Tauyadi geya silusaleguta,
e sibabanegu.
Tauyadi geya silumadadeguta go,
tuwo yaidi goi avagitakoigu.’
Aiseya 65:1
21 Go Isileli tubunao manudi Yaubada idigo kana,
‘Tuta maanawena magu kawanoi nimagu ayosale
guna bodao kapipiilovaidi be vakaaleyaidi yaidi goi
bego auyaonemneidi sikaluvilamna sima.
Go geya simekoiguta.’
Aiseya 65:2
‡10:9 Tomoya: Kidi Diyuu Yaubada yoina geya siivatoi geya, go sem kadi, ‘Tomoya.’ Tauna Paulo ina buki goi neta latuwona kana, ‘Yauwe’, Tomoya bei igini. Ameko geya tayagoiyeta ina nuwonúwana ame Yauwe o tomoya.