120
Anduane Homogohondo, Biamogo bia, lalu bi lenego ogo
1 I̱ha genda timbuni anda ibiyangi i̱na Anduane Homogo olarugola✡Iba 118.5, Yna 2.2
ibugua i̱ biamogo biya.
2 I̱na Anduane Homogohondo bi lalu,
Anduane Homogo-o agali ke̱ haga karume
i̱ mo hondo holigo i̱ biamogo bibe, larugoni.
3 Ke̱ haga bu kamiru tíhondo Anduane Homogohanda agua bulubadabe.
Tí pani nalimulo aguaore ngulubadabe.
4 Ibugua tí aminaga yandarerume nogoba halu
ira hedope halu tí delolebira.
5 I̱ tí dege dombeneha kogoni Mesege dindibi Keda dindibi
wali agali ko biaga karu baba haradagua bidogoni.
6 Agali maru wali agali bu karu baba mandagi habe manga haga karu
i̱ ti heba mandagi luore haabo haruda.
7 I̱na mo palia holenenaga bi lalu koria
tigua wai bule dege manda biaga kagoni ndobe.