150
Anduane Homogonaga mini mo yaragaore holene ngago ogo
Anduane Homogonaga miniore mo yaraga hai hami̱ya.
Ngode Datagaliwabe ibu ibunaga andaha kago
ibu mini mo yaraga hami̱ya.
Dahuliya andagani ibu hongo gibiore ho kago
ibunaga miniore mo yaraga hami̱ya.
Ibugua biabe hongohe gibiore bigi biyarunaga
iname ibunaga mini mo yaragaore hami̱ya.
Dunini gibi daligaorego ibuni hangu kago manda bialu
ibu hangunaga mini mo yaraga hami̱ya.
Mbelo biguli pu lalu
ibunaga mini mo yaraga hami̱ya.
Ngida aleru balu mbirale kelengele laga irabitele aleru balu
ibunaga mini mo yaraga hami̱ya.
Tabageru balu gi geru ema bialu mali lialu
Anduane Homogonaga miniore mo yaraga hami̱ya.
Ngida aleru balu pilipe aleru lalu howa
ibunaga mini mo yaraga hami̱ya.
Mbirale ngi̱li̱nge̱le̱ lagane haeagobi ngaru hongo howa tilitola lalu balu howa
Anduane Homogonaga mini mo yaraga hami̱ya.
Mbirale dindini emabu bu kamiru damenego bibahendeoreme
Anduane Homogonaga mini mo yaraga hai halimu.
 
Anduane Homogonaga mini mo yaraga haaboore hami̱ya.