Krai
Isrel naniktä Jerusalemta yäŋpäŋ butewaki kap tewani
3
Krai 3:22-33
Yawe täŋo iron u ini pärik kubä
22 Yawe täŋo orakoraki u taŋi pähap, ba butewaki nadäŋ nimik täyak uwä paot-paori nämo.
23 Ironi uwä kome yäŋek täyak ude kodakitä kodaki ahäŋ nimik täyak. Bureni Yawe, nadäŋ nimikinik täk täyan uwä ärowani pähap.
24 Unita bänepnatä ŋode yäyat; Yawe unitägän gäripna däpmäŋ tärek täyak unita ini täŋkentäŋ namikta api itsämäk täŋpet.
25 Bureni-inik! Ämawebe Yawe terak yeŋgämä pewäpäŋ mani kotäk iwatta bänep pek täkaŋ unita bänep oretoret pewän ahäŋ yämik täkaŋ.
 
26 Unita äma kubätä Yawe täŋo yäpätägak epänita kwikinik itsämbayäŋ täko uwä täga.
27 Ba äma kubätä gubaŋiniken bäräpi kotawayäŋ täko, u imaka tägagän.
28 Yawetä bäräpi piri terak peŋ imiŋirän kehärom taŋpäŋ inigän mankum kwikinik kaŋ irän.
29 Yawetä käwep api täŋkentäŋ namek yäŋpäŋ inita nadäwän äpani täŋpäpäŋ iŋami dapun kädäkut gänaŋ yäpän äpmoneŋ.
30 Kwikinik itpäŋ äma kubätä urayäŋ täŋirän bumumi iniŋ kirewän kaŋ urän. Urirän mäyäk pähap u kaŋ kotawän.
 
31 U imata, Ekänitä äma yabä kätäkinik täga nämo täŋpek.
32 Nämo, iron käderi ärowani pat imitak unita äma kubäta komi butewaki imiŋkaŋ upäŋkaŋ api oraŋ imek.
33 Täŋpäkaŋ komen ämawebeta komi bäräpi yämikta gäripi nämo nadäk täyak. U jop nadäŋ komi butewaki nämo yämik täyak.