2
Baloma Tobumaboma ima
1 Tutala yam PenitikosijKugisi makasana Biga Kala Katumiki. ikaloubusi, komwaidosi todubumi isigugulasi kwaitala bwala. 2.1 Tol 23.15-21; Kak 16.9-11 2 E gala imomwa, ilagaisi butula metoya wa labuma luluwala makawala utuyagila bikoulusa, e ililiku bwala makwaiwena matausina isisikaisi. 3 E igisaisi avaka kala gigisa makawala mayela kova mlimwalila ipepela, e ititola baisa taitala taitala. 4 E komwaidosi ivakasau Baloma Tobumaboma e matausina ivitouulasi biwawailasi bonavau, makawala Baloma Tobumaboma la peula eisaiki ikikaibigasi.
5 E bidubadu mina Yudia tosisula Yerusalem totapwaroru leimaisi metoyasi mapilasina valu watanawa komwaidona.kWa tuta matutona mina Yudia eigalasi ilosi ituwoli boda ituwoli boda ambaisa ambaisa ovalu watanawa, e bidubadu mabudosina yagasi isisu mailela 9-11. 6 Tutala ilagaisi butula makwaina saina tobobawa ititogugulasi. Komwaidosi itutu uwosi, paila taitala taitala ililagi bonala titoulela, uula matausina todubumi ililivalasi makawala. 7 Iyowa luposi kawasi, “Wi! Matausina tauwau ililivalasi baisa, mitaga ka, komwaidosi wala mina Galili. 8 Ammakawala baisa? Taga komwaidodasi wala talilagaisi matausina ililivalasi obonadasi wala, kadai? 9 Paila yakidasi mina Paridia, mina Midia, mina Ilam, mina Mesopotemia, mina Yudia, mina Kapadosia, mina Ponito, mina Esia, 10 mina Pirigia, mina Pampilia, mina Itipita, deli Libia viluwela mapilasina katitaikina Sairini. Mimilisi mina Roum, 11 e budoyu boda - mina Yudia, deli matausina gala mina Yudia tosivila iluvapelasi osi tapwaroru mina Yudia; e deli mimilisi mina Kiriti deli mina Arebia. Mitaga komwaidodasi yakidasi talilagaisi matausina ililivalasi obonadasi paila makwaisina vavagi siligaga avaka Yaubada bogwa leivagi!” 12 E komwaidosi iyowa luposi e deli si ninayuwa ititamapusi taitala baisa taitala, kawasi, “Wi! Avai vavagi baisa, ke?”
13 Mitaga mimilisi ikikovilaisi todubumi, kawasi, “Wa! Ka, matausina eimomsi sopi kaipeula leiwaiya botutu!”
Pita ikamituli
14 E oluvi Pita itomalaula deli matausina sala tailuwotala taitala aposetolo, ikawota kaigala kaigaveka ilivala baisa tobobawa, kawala. “E segwaia mina Yudia, deli komwaidomi tosisula Yerusalem, bitalapula ninami. Ka, kulagaisi kaigagu avaka balivala. 15 Ki, kudokaisi paila yakamaisi leiwaimasi botutu? Gala makawala, paila kaukwau baisa eipokala valu. 16 E mitaga vavagi makwaisina baisa avaka tovitoubobuta Yoweli leikaibigi, kawala.
17 ‘Yaubada ikaibiga,
Baisa makawala bavagi, tovana valu okala vigimkovila:
igau baligabu ulo Baloma baisa tomota komwaidosi.
Litumia tauwau deli vivila igau bikamitulaisi nanogu,
tubovau bigisaisi kilisala
deli tommoya mimilkilisala…mimi: Kadayu keda Yaubada einagi bivituloki nanola baisa tomota. bimimisi. 2.17-21 Yoe 2.28-32
18 E ka, wa yam makwaisina baligabu ulo Baloma
baisa matausina ulo touwata goli, tauwau deli vivila,
e matausina deli bikamitulaisi nanogu.
19 Igau bavituloki vavagi siligaga odabala labuma,
deli ovalu watanawa bisim kabovituvitusila,
baisa makawala, buyavi deli kova, deli mseu kubowala.
20 Kalasia igau bidavila bidudubila,
deli tubukona bikulubweyani makawala buyavi,
igau gala bivitoulai la yam Guyau.
Yam makwaiwena tubulela yam saina bwainigaga.
21 Mapaila yam makwaiwena kidamwa availa availa bidousi baisa Guyau,
bogwa bikoli matausina.’
22 “E segwaia mina Isireli, kulagaisi biga baisa. Yesu guma NasaredimKidamwa magisi bilivalasi paila taitala tomota, mimilisi tuta bikaibigimgulisi la valu. Kugisi 1 Gwe 17.1 (Ilaitia tolela Tisibe), Mk 15.43 (Yosepa guma Alimatia), VA 9.11 (Saulo guma Tasu). matauna leima metoya baisa Yaubada, e bitanikoli kala mimilakatila baisa paila uula makwaisina vavagi siligaga deli kaboyowalula deli kabutuvatusi avaka Yaubada leivagi metoya baisa matauna. E yokomi kukwatetasi baisa paila iyoulapula baisa oluwalaidasi. 23 Mitaga Yaubada leinigibogwi tomota bikasalaisi matauna Yesu bukuyosisi, baisa nanola Yaubada leinigibogwi makawala. E yokomi lokukwatumataisi paila lokukwasalaisi baisa tomitugaganMatausina gala ikikabikaulasi Yaubada la Karaiwaga — tuta baisa ililivala paila mina Roum. e leikatukorosaisi matauna. 2.23 Md 27.35; Mk 15.24; Lk 23.33; Yn 19.18 24 Mitaga Yaubada bogwa itokowoi matauna imovavau, e eitaneku metoya okaliga kala peula, paila gala gagabila kaliga biyuwoli matauna. 2.24 Md 28.5-6; Mk 16.6; Lk 24.5 25 Paila Debida ilivilibogwi paila matauna, kawala,
‘Omatagu tuta komwaidona lagisi Guyau,
paila matauna katitaikina ogu kakata, mapaila gala goli bayega. 2.25-28 Sam 16.8-11
26 Baisa uula nanogu imwamwasila
deli ulo biga ivakasau mwasawa.
Mokwita yeigu tomota wala e igau bakaliga,
mitaga gala baninayuwa, bapikwaku goli,
27 paila yoku gala bukusilavaigu wa Edesi,oKugisi makasana Biga Kala Katumiki.
e gala bukutugwalaigu, yeigu m towotetila tokimadagi,
kidamwa baboda tumgeyai.
28 E yoku lokuvitulokaigu makadasina keda bilosi baisa omomova,
e baisa bukuyomwasalaigu paila deli bitasivaduli.’
29 “Budagwa, ibodaigu bakamlili baisa yokomi bigala tubudaisi Debida. Matauna bogwa leikaliga e leibakwaisipGuyau Debida leibakwaisi mapilana Yerusalem; kugisi 1 Gwe 2.10. e baisa tuta kala laka eitotu omitadaisi. 2.29 2 Sml 7.12-13; Sam 132.11 30 Matauna taitala tovitoubobuta, deli bogwa inikoli Yaubada la biga katotila baisa matauna. E baisa makawala - Yaubada ikatotila mokwita binagi taitala tabula Debida igau bisiligalaguva e biguyau, makawala Debida. 31 Debida igisibogwi avaka Yaubada igau bivagi, mapaila ikaibigibogwi paila MesaiaqMatauna tokwatumova Yaubada eikatotila igau bima. Matausina tovitoubobuta mina Yudia eilivalasi paila matauna. la movavau, kawala,
‘Yoku gala lokusilavi matauna wa Edesi,
e wowola gala leitumgeyai.’
32 Yaubada leitokowoi matauwena Yesu imovavau, mapaila yakamaisi komwaidomasi kala tosola paila vavagi baisa. 33 E Yesu bogwa leisiligalaguva baisa Yaubada ola kakatarKabosisu makwaina baisa kabala kamaiaba deli karaiwaga peula. deli Yaubada isaiki Baloma Tobumaboma baisa matauna makawala Tamala la biga katotila. Baisa tuta lokugisaisi deli lokulagaisi baisa la bobwailila leiligabu baisa yakamaisi. 34 Paila Debida titoulela gala bilaguva wa labuma; mitaga eikaibiga, kawala, 2.34-35 Sam 110.1
‘Matauna Guyau iluki ulo Guyau.
kusili baisa ogu kwakata
35 igau bavigakaim bukukwalisuwoli matausina kam tilaula.’
36 “Mapaila komwaidodasi mina Isireli gala bitaninayuwasi, bitakatetasi mokwita kidamwa Yaubada bogwa leivigaki matauna Yesu Guyau deli Mesaia, matauwena goli lokukwatukorosaisi.”
37 E tutala tomota leilagaisi baisa, ikiuta ninasi sainela e ilukwaisi Pita deli sala aposetolo, kawasi, “Wi! Tuwamaiasʹo! Avaka bakavagaisi?”
38 Pita iluki matausina kawala, “Taitala taitala yokomi bukuninavilasi metoya omi mitugaga, e bukubapitaisasi oyagala Yesu Keriso, kidamwa biligaiwa mi mitugaga; e, bukubanaisi Yaubada la semakavi, baisa Baloma Tobumaboma. 39 Paila Yaubada bogwa leikatotila makawala baisa yokomi deli litumia, deli baisa komwaidosi tosikaduwonaku,sMatausina gala mina Yudia. komwaidosi availa availa Guyau da Yaubadasi leididou bimakaiasi.”
40 Pita ikikamitabubula tuvaila e saina bidubadu biga ililivala baisa matausina, kawala, “Titoulemi bukukolaimi metoya okabomipuki igau bima baisa matausina tomitugaga.” 41 E saina bidubadu matausina idubumaisi la biga e ibapitaisasi; e wa yam makwaiwena kasi boda ikatumkulovaisi kala bawa ikalawaisi lakatuluwotolu tomota. 42 E matausina ipwaitukulasi takutu baisa aposetolo deli ikikalubailasi, ikamkwamsi gulitinidesi,tIkamkwamsi deli tuvaila ikamsi Guyau la Kamkwam kala Kaboluluwai. e deli ininigadasi.
Si bubunela todubumi
43 Baisa saina bidubadu vavagi siligaga deli kaboyowalula ikaloubusisi metoya oyumasi aposetolo, baisa uula komwaidosi ibulukukoli oninasi. 44 Komwaidosi todubumi ikommolaisi matausina e ikalubailisi, ivilabwailasi si guguwa baisa taitala taitala. 2.44 VA 4.32-35 45 E si bubunela baisa makawala. Bigimolaisi si baleku deli si guguwa e komwaidona mapusi ivilabwailasi baisa komwaidosi, avaka bibodi wala kasi pilasi taitala taitala. 46 E yumyambwata matausina isigugulasi gulitinidesi wa Bwala Kwebumaboma. Deli isisigugulasi poulotala paila kamkwam osi bwala, kwaimanum ikamkwamsi deli si mwasawa. 47 Iiyakawolaisi Yaubada, deli tomota komwaidosi ikikamiabaisi matausina. E yumyambwata Guyau ikikatumkulovi kasi boda metoya baisa availa availa bogwa ikikatumovi goli.
j2:1 Kugisi makasana Biga Kala Katumiki.
2:1 2.1 Tol 23.15-21; Kak 16.9-11
k2:5 Wa tuta matutona mina Yudia eigalasi ilosi ituwoli boda ituwoli boda ambaisa ambaisa ovalu watanawa, e bidubadu mabudosina yagasi isisu mailela 9-11.
l2:17 kilisala…mimi: Kadayu keda Yaubada einagi bivituloki nanola baisa tomota.
2:17 2.17-21 Yoe 2.28-32
m2:22 Kidamwa magisi bilivalasi paila taitala tomota, mimilisi tuta bikaibigimgulisi la valu. Kugisi 1 Gwe 17.1 (Ilaitia tolela Tisibe), Mk 15.43 (Yosepa guma Alimatia), VA 9.11 (Saulo guma Tasu).
n2:23 Matausina gala ikikabikaulasi Yaubada la Karaiwaga — tuta baisa ililivala paila mina Roum.
2:23 2.23 Md 27.35; Mk 15.24; Lk 23.33; Yn 19.18
2:24 2.24 Md 28.5-6; Mk 16.6; Lk 24.5
2:25 2.25-28 Sam 16.8-11
o2:27 Kugisi makasana Biga Kala Katumiki.
p2:29 Guyau Debida leibakwaisi mapilana Yerusalem; kugisi 1 Gwe 2.10.
2:29 2.29 2 Sml 7.12-13; Sam 132.11
q2:31 Matauna tokwatumova Yaubada eikatotila igau bima. Matausina tovitoubobuta mina Yudia eilivalasi paila matauna.
r2:33 Kabosisu makwaina baisa kabala kamaiaba deli karaiwaga peula.
2:34 2.34-35 Sam 110.1
s2:39 Matausina gala mina Yudia.
t2:42 Ikamkwamsi deli tuvaila ikamsi Guyau la Kamkwam kala Kaboluluwai.
2:44 2.44 VA 4.32-35