8
Matauwena Yesu da Tolula Toveka
1 Baisa avaka bogwa talilivalaisi ivitububoti makawala baisa. matauwena da Tolula Toveka isisu goli, isili ola kakataqKabosili makwaina isim kala taimamila deli peula. la takaikaia Yaubada Tovakaigaga baisa wa labuma. 8.1 Sam 110.1 2 E matauna la wotetila Tolula Toveka matabudona Bomikikila Sainela e matabudona tabudotoula wala Yaubada eikaliai galaga tomota.
3 Matausina tolula tovakaveka kasi karaiwaga bisemakavaisi guguwa deli bilulasi mauna baisa Yaubada. Mapaila da Tolula Toveka ibodi biyosi avaka paila la lula.
4 Mitaga kidamwa matauna guma watanawa, matauna gala biyosi la wotetila tolula, paila baisa ovalu watanawa bidubadu tolula isisuaisi isisakaisi lula deli semakavi makawala mina Yudia si Karaiwaga. 5 Makwaina wotetila avaka matausina tolula eiuvagaisi bitadokaisi kaikobu wala, paila ikavisakaisi vavagi makwaisina wa labuma. Makawala tuvaila ola tuta Mosese. Paila makateki Mosese bikaliai makwaina Bwala Kwebumaboma, e Yaubada iluluki, kawala, “Bukuyomamalu bukuvagi biduwosisia makawala lakamitububuli baisa yoku mapilana wa koya.” 8.5 Sun 25.40 6 Paila ka, kugisi - Yaubada eisaiki Yesu la wotetila tolula, ikalisuwoli matausina tolula tobubogwa si wotetila. E, makawala goli makwaina kabutuvau Yaubada leisakaidasi paila uula Yesu ikalisuwoli kabutubogwa. Paila makwaina kabutuvau tumilela baisa Yaubada la biga katotila kwaiwovau. E kwaiwovau ikalisuwoli kwaibubogwa.
7 E kidamwa baisa gala isim avaka kala gaga makwaina kabutubogwa,rMakwaina Yaubada isaiki wa koya Sinai. gala bisim uulela kabutuvau. 8 Mitaga Yaubada iluluki la tomota tuta makwaina ililivala, kawala,
“E Guyau ikaibiga, yam makwaisina igau bima,
bakabutuvau deli mina Isireli,
e deli mina Yuda. 8.8-12 Yer 31.31-34
9 Gala makawala lakabutubogwa deli tubusia,
yam makwaina ayosi yumasi avakadi matausina asunupuloi metoya ovalu Itipita.
Paila gala ikabikuwolaisi makwaina kabutubogwa avaka lalivala deli matausina
mapaila gala alagi matausina, Guyau ikaibiga.
10 E baisa makawala bakabutuvau deli mina Isireli,
yam makwaisina oluvi, Guyau ikaibiga.
Ulo karaiwaga basaili oninasi,
e bagini olumoulesi.
Yeigu si Yaubada,
matausina uli tomota.
11 Gala wala bibodi taitala bivituloki sola,
kaina taitala biluki vaiyola, kawala,
‘Ka, bukunikoli Guyau.’
Paila komwaidosi binikolaigusi wala,
matausina gweguya deli goli matausina tokai.
12 Banokapisi si bubunela doudogu,
e gala tuvaila baluluwai si mitugaga.”
13 Avai vavagi bikwaibogwa deli bipwasa, makateki goli bitamwau. Yaubada ilivala paila kabutuvau e mapaila tanikoli kabutubogwa makateki biwokuva la tuta.