1 E obulubuvisiga Sunday, odudubalela goli, Meri MagidaladKugisi Yn 19.25 kala katumiki. isalili ila wa laka. E igisi dakuna bogwa ikanuwada metoya wa laka. 2 Mapaila isakaula e imakaia Saimoni Pita toyo toligalega taiyuwela tombwailila Yesu, e iluki matausina, kawala, “Bogwa eikauwaisi Guyau metoya wa laka, e gala kanikolaisi ambaisa mesakaisi matauna.”

3 Mapaila Pita sola toligalega taiyuwela ilosi e ilokaiasi laka. 4 E kasitaiyu isakaulasi, mitaga matauwena toligalega taiyuwela ikalisau Pita, e imaibogwa wa laka. 5 E ikululu bitadoyai olumoulela, e igisi mwaikapula yapupwakau ikanukwenusi baisa, mitaga gala isuvi. 6 E tuvaila Saimoni Pita ibubokuli matauna, e ima, isuvi wa laka; e igisi mwaikapula yapupwakau ikanukwenusi; 7 e mwaikapula kapolela dabala gala ikanukwenu deli miyasina yapupwakau mitaga deli katupwaila ikanapala kebila ituwoli. 8 Mapaila toligalega matauwena leimaibogwa wa laka tuvaila isuvi; igisi e idubumi. 9 Paila igau gala bikatetasi Buki Pilabumaboma kala ginigini makwaina kidamwa biboda matauna bitokaia bimovavau. 10 Mapaila toligalega ilokaiasi osi bwala.

11 Mitaga Meri itotu owodola laka, iuvalam. Iuvalam, e ikululu itadoyai olumoulela laka. 12 E igisi taiyu anelosi kasi kwama yapupwakau, isilaisi okabala ambaisa mekanabogwa wowola Yesu, taitala odabala, taitala okaikela. 13 E ilukwaisi minana, kawasi, “Ve! Avaka paila kuuvalam?”

Iluki matausina, kawala, “Leikauwaisi ulo Guyau, e gala anikoli ambaisa mesakaisi matauna.”

14 Ililivala minana, e itovila, igisi Yesu itobanaga eitotu, mitaga gala ivitusi matauna Yesu. 15 Yesu iluki minawena, kawala, “Ve, avaka paila kuuvalam? Availa kunainevi?”

Meri idoki matauna tobigubagula, e iluki matauna, kawala, “Tomoya, kidamwa yoku lokukwau wowola, bukulukwaigu ambaisa lokusaim matauna, e yeigu bala bakau.”

16 E Yesu iluki minawena, kawala, “Meri.”

E itovilaki iluki matauna obonasi mina Iberu, kawala, “Raboni!” (e kidamwa takatumikaisi, “Tovituloki”).

17 Yesu iluki minawena, kawala, “Taga kukwepapaigu, paila gala balaguva baisa Tamagu; mitaga kulokaia budagwa, e kuluki matausina kidamwa balaguva baisa Tamagu toyo Tumasi, baisa ulo Yaubada toyo si Yaubada.’ ”

18 Meri Magidala ila e iluki toligalega, kawala, “Bogwa lagisi Guyau”, e iluki ammakawala leilivali vavagi makwaisina baisa minana.

19 Ikoyavi wa yam makwaiwena Sunday, e toligalega ikatubodaisi bwala ambaisa isisuaisi paila ikukolaisi mina Yudia. E Yesu ima, itowala, e iluki matausina, kawala, “Bitalaguva lupomi.” 20 E bogwa ilivala makawala, ivituloki matausina yamala toyo visiala. Mapaila toligalega imwasawasi sainela paila igigisaisi Guyau. 21 Yesu ilukivau matausina, kawala, “Bitalaguva lupomi.eKidamwa taitala tomota bibodi sola ambaisa wala, tuta tuta bilivalasi makawala, makala yakidasi kawadasi, “Kagutoki!”. Yeigu awitalaimi makawala goli Tamagu leiwitalaigu.” 22 E bogwa ilivala makawala ikayoki matausina, e iluki matausina, kawala, “Kukwauwaisi Baloma Tobumaboma. 23 Kidamwa kuligaiwaisi avai tau la mitugaga, yeigu bogwa aligaiwa makwaisina; kidamwa gala kuligaiwaisi avai tau la mitugaga, yeigu goli gala baligaiwa makwaisina.” 20.23 Md 16.19; 18.18

24 Mitaga Tomasi idokaisi yagala Nupoyu, matauna taitala matausina toligalega, gala isikaili matausina tutala Yesu leimaibogwa. 25 Mapaila toligalega ilukwaisi matauna, kawasi, “Bogwa kagisaisi Guyau.”

Mitaga Tomasi iluki matausina, kawala, “Kidamwa gala bagisi boyala kaiwawa oyamala, e basewoya misikwaikwegu oboyala kaiwawa, e basewoya yamagu ovisiala, gala badubumi.”

26 E ikalalima ikalatolu, la toligalega tuvaila isisuaisi olopola bwala, e Tomasi isikaili matausina. Bwala bogwa ikatubodaisi wala, mitaga Yesu ima e itowala, ikaibiga, kawala, “Bitalaguva lupomi.” 27 E iluki Tomasi, kawala, “Kumai kusewoya misikwaikwem baisa. E, kugisi yamagu. E kuyosali yamam, kusewoya ovisiagu; taga m dubumi gala, mitaga kudubumi.”

28 Tomasi ivitakauloki matauna, kawala, “Ulo Guyau, e ulo Yaubada.”

29 Yesu iluki matauna, kawala, “Ki, lokudubumi paila uula lokugisaigu? Bimwasawasi availa availa matausina gala bigisaisi mitaga bidubumaisi goli.”

30 Yesu ivagi kabutuvatusi bidubadufKugisi Yn 2.11 kala katumiki. ituwoli ituwoli omitasi toligalega, mitaga kasi ginigini gala isisu wa buki mapilana. 31 Mitaga vavagi makwaisina kasi ginigini isisu kidamwa bukudubumaisigbukudubumaisi: Mimilisi buki pilabubogwa iginisi, “bukusetuwolaisi bukudubumaisi”. Yesu matauna Mesaia,hKugisi makasana Biga Kala Katumiki. Yaubada Latula; e metoya omi dubumi bukubanaisi momova metoya baisa matauna.