20
Inevisi avai karaiwaga Yesu iyosi
(Md 21.23-27; Mk 11.27-33)
1 E kwaitala yam ivituloki tomota wa Bwala Kwebumaboma e ikamituli Bulogala Bwaina. E tolula kasi tokugwa deli toninitalapula paila Karaiwaga deli kaidadala valuwPaila boda mabudosina kugisi makasana Biga Kala Katumiki. imakaiasi, 2 ilukwaisi matauna, kawasi, “Kulukwaimasi avai karaiwaga kuvagi vavagi makwaisina. Availa isakaim karaiwaga makwaina?”
3 Ivitakauloki matausina, kawala, “Yeigu tuvaila bakatupoiyaimi kwaitala katupoi; bukulukwaigusi, 4 Yoni kala karaiwaga paila bapitaiso metoya baisa Yaubada kaina metoya baisa tomota?”
5 Ititamapusi titoulesi, kawasi, “Kidamwa bitakaibigasi, ‘Metoya baisa Yaubada’, matauna bikaibiga, ‘Avaka paila gala kudubumaisi Yoni?’ 6 Mitaga kidamwa bitakaibigasi, ‘Metoya baisa tomota’, e tomota komwaidosi bikabidikunaidasi, paila idokaisi Yoni tovitoubobuta.”xKugisi makasana Biga Kala Katumiki. 7 Ivitakaulasi, kawasi, “Gala kanikolaisi bapitaiso makwaina kala karaiwaga ammetoya leima.”
8 E Yesu iluki matausina, kawala, “Yeigu makawala goli gala balukwaimi avai karaiwaga avagi vavagi makwaisina.”
Bigulela waini toyo tobigubagula kala bigavisaiki
(Md 21.33-46; Mk 12.1-12)
9 Ivitouula biluki tomota bigavisaikiyKugisi makasana Biga Kala Katumiki. makwaina. “Taitala tau ibiguli bigulela waini, e ikabutu makwaina baisa tobigubagula, ila ituwoli valu tuta kaduwonaku. 20.9 Ais 5.1 10 Igau kala kweluva tayoyuwa iwitali touwata baisa tobigubagula, kidamwa bisakaisi matauna sitana kaiuwala bagula makwaina; mitaga tobigubagula iwawaiyasi matauna, iyabaisi inanota wala. 11 Tuvaila iwitali touwata taiyuwela; matauwena tuvaila iwawaiyasi, iyogagaisi, iyabaisi inanota wala. 12 Tuvaila iwitali touwata taitolula; matauwena ikatubuyavaisi iyabaisi. 13 E tolibagula ikaibiga, kawala, ‘Avaka bavagi? Bawitali latugu tombwailigu;zlatugu tombwailigu.Gagabila bitagini “latugu kagumwaleta”. kaina bitemmalaisi matauna.’ 14 Mitaga tutala igisaisi latula, tobigubagula ikaibigasi titoulesi, kawasi, ‘Matauna kaikeyala; takatumataisi matauna, kidamwa bitayoulisi da bagulasi.’ 15 E ilavaisi matauna otokeda bigulela waini, ikatumataisi.
“Mapaila avaka tolibagula bivigaki matausina? 16 Matauna bima, bikatumati matausina tobigubagula, bisaiki bigulela waini tuwoli tomota.”
Tutala ilegasi makwaina, tomota ikaibigasi, kawasi, “Wa! Ammakawala!” 20.16 Sam 118.22
17 Mitaga igigisi matausina, ikaibiga, kawala, “E ammakawala ginigini makwaina wa Buki Pilabumaboma?
‘Dakuna itakilaisi tokwaliai bwala,
makwaina ivigaki makawala lipumatala.’
18 Availa availa bikapusi wa dakuna makwaina bikatumimisi; mitaga kidamwa dakuna bikapusi baisa availa, bikatumkumku matauna.”
Pokala paila Sisa
(Md 22.15-22; Mk 12.13-17)
19 E toninitalapula paila Karaiwaga deli tolula kasi tokugwa ikimalalasi mwada biyosisi matauna wa tuta matutona. Paila inikolaisi leilivala kasi bigavisaiki makwaina. Mitaga ikukolaisi tomota. 20 Iuwayausasi avai tuta bibodi. Iwitalaisi mimilisi ilokaiasi Yesu, bivitokaisi mwada toduwosisia, e biligalegasi avai biga bikapeili Yesu; mwada biyosisi matauna bikasalaisi baisa mina Roum si Tokwaraiwaga, kidamwa biyosi bikaraiwogi. 21 Ikatupoiyaisi matauna, kawasi, “Tovituloki, kanikolaisi baisa avaka kulilivala deli kuuvituloki duwosisia wala; e makawala wala nanom baisa tomota komwaidosi, paila kuuvituloki kala mokwita la keda Yaubada. 22 E ammakawala? Ibodi da Karaiwagasi bitapokalasi baisa SisaaBaisa mina Roum si Giyouveka, matauwena Taibiria eiyosi la guyau 14-37 AD. kaina gala?”
23 Mitaga Yesu inikoli si vitoki, e iluki matausina, kawasi, 24 “Kumiakaigusi kwaitala mani.bEisakaisi matauna kwaitala mina Roum si dakuna yagala “Denarius”. Availa kaikobula deli yagala isisu baisa?”
Ikaibigasi, kawasi, “Sisa.”
25 Mapaila Yesu iluki matausina, kawala, “E, bukusakaisi Sisa avaka la vavagi Sisa, deli bukusakaisi Yaubada avaka la vavagi Yaubada.”
26 E gala igagabila biyosisi matauna metoya ola biga omitasi tomota; itutu uwosi paila la biga, e ikapatusi.
Katupoi paila tomata si tokaia si movavau
(Md 22.23-33; Mk 12.18-27)
27 Imakaiasi matauna mimilisi Sadusi.cKugisi makasana Biga Kala Katumiki. Matausina si vituloki kidamwa tomata gala bitokaiasi bimovavausi. 20.27 VA 23.8 28 Ikatupoiyaisi matauna, kawasi, “Tovituloki, Mosese leigini paila yakidasi la karaiwaga kidamwa taitala tau tuwala ikaliga, mitaga kubuyala minana latula gala. Ibodi matauna bivaiya minana, kidamwa bisim dalela tuwala. 20.28 Kak 25.5 29 E, isisu taitala tau deli budala tailima taitala. Matauna kuluta ivaiya, e ikaliga gala pesila. 30 E matauna isakaili makawala wala; 31 e moluluwala ivaiya minana, e makawala goli komwaidosi tailima taiyu ikaligasi gala pesisi. 32 Oluvi vivila minawena tuvaila ikaliga. 33 Mapaila igau tutala tomata bitokaiasi bimovavausi, avai tau minana la kwava? Paila matausina tailima taiyu bogwa leivaiyasi minana.”
34 E Yesu iluki matausina, kawala, “Mina watanawa iveivaisi. 35 Mitaga matausina Yaubada idoki ibodi bitokaiasi bimovavausi e bisuvisi walakaiwa - e, matausina gala iveivaisi. 36 Paila gala igagabila bikaligasi tuvaila; paila matausina makawala anelosi. Matausina ikaloubusisi walakaiwa metoya tomata si movavau, mapaila matausina litula Yaubada. 37 Mitaga Mosese goli ivituloki kidamwa tomata bitokaiasi bimovavausi, mapilawena ilivala paila makaina kai ilululu. Paila wa tuta matutona idoki Guyau matauna Eberaam la Yaubada, Aisake la Yaubada, Yekobe la Yaubada.dEberaam…Aisake…Yekobe la Yaubada: Matausina kasitaitolu ititapwarorusi baisa Yaubada, e mauula bogwa imwamovasi, paila uula Yaubada matauna tommomova wala si Yaubada.20.37 Sun 3.6 38 Metoya baisa bitagisi matauna si Yaubada tommomova; kidamwa Yaubada la tomota bikaligasi baisa ovalu watanawa, isisuaisi tommomova omatala Yaubada; paila komwaidosi imovasi uulela matauna.”
39 E mimilisi toninitalapula paila Karaiwaga ivitakaulasi, kawasi, “Tovituloki, bogwa kukwabuboti.” 40 Paila imwau udosi bikatupoiyaisi matauna avai katupoi.
Yesu ikatupoi paila Latula Debida
(Md 22.41-46; Mk 12.35-37)
41 Mitaga iluki matausina, kawala, “Ammakawala tomota ikaibigasi kidamwa MesaiaeKugisi makasana Biga Kala Katumiki. dalela Debida?fKugisi Lk 18.38 kala katumiki. 42 Paila titoulela Debida ikaibiga Sam ola buki, kawala,
‘Matauna Guyau iluki ulo Guyau,
Kusili ogu kwakata,gKidamwa bisaili availa ola kakata bogwa goli bilupi, mitaga kidamwa magila bivabusi e bogwa bikatumapu bisaili ola kikiwama.20.42-43 Sam 110.1
43 igau bavigakaim bukukwalisauhbukukwalisau.Mina Iberu obonasi iginisi, “kam tilaula basaili kaikem osikowala.” kam tilaula.’
44 Kidamwa giyoubogwa Debida idoki Mesaia matauna Guyau, ammakawalaga Mesaia bitadoki dalela Debida?”
Yesu ikamituli si bubunela toninitalapula paila Karaiwaga
(Md 23.1-36; Mk 12.38-40; Lk 11.37-54)
45 E otaigasi tomota komwaidosi iluki la toligalega, kawala, 46 “Kuyamataimi paila matausina toninitalapula paila Karaiwaga, matausina magisi bililoulasi kasi kwama yauwonaku; iyebwailisi tomota bibodaisi deli kasi taimamila obikubaku. Ininagaisi kala sisu walakaiwa wa bwala tapwaroru, deli buneyova kala kaisisu wa lapula; 47 matausina iyoulisi kwabuya si bwala, e si nigada ivagaisi saina kasai mwada tomota bigisaisi; matausina kasi mipuki saina kwaiveka.”
w20:1 Paila boda mabudosina kugisi makasana Biga Kala Katumiki.
x20:6 Kugisi makasana Biga Kala Katumiki.
y20:9 Kugisi makasana Biga Kala Katumiki.
20:9 20.9 Ais 5.1
z20:13 latugu tombwailigu.Gagabila bitagini “latugu kagumwaleta”.
20:16 20.16 Sam 118.22
a20:22 Baisa mina Roum si Giyouveka, matauwena Taibiria eiyosi la guyau 14-37 AD.
b20:24 Eisakaisi matauna kwaitala mina Roum si dakuna yagala “Denarius”.
c20:27 Kugisi makasana Biga Kala Katumiki.
20:27 20.27 VA 23.8
20:28 20.28 Kak 25.5
d20:37 Eberaam…Aisake…Yekobe la Yaubada: Matausina kasitaitolu ititapwarorusi baisa Yaubada, e mauula bogwa imwamovasi, paila uula Yaubada matauna tommomova wala si Yaubada.
20:37 20.37 Sun 3.6
e20:41 Kugisi makasana Biga Kala Katumiki.
f20:41 Kugisi Lk 18.38 kala katumiki.
g20:42 Kidamwa bisaili availa ola kakata bogwa goli bilupi, mitaga kidamwa magila bivabusi e bogwa bikatumapu bisaili ola kikiwama.
20:42 20.42-43 Sam 110.1
h20:43 bukukwalisau.Mina Iberu obonasi iginisi, “kam tilaula basaili kaikem osikowala.”